Ремзи Несими
Ремзи Несими (албански: Remzi Nesimi; Одри, Тетовско, 25 декември 1933 - Скопје, 3 февруари 2018) - македонски албанолог, јазичар, професор и истражувач. Познат е по тоа што тој бил еден од најистакнатите албанолози во Македонија и воопшто во светот. Особено бил значаен неговиот придонес во филолошките науки во областа на дијалектологијата и промовирањето на јазичното богатство.
| Ремзи Несими | |
|---|---|
| Роден(а) | Remzi Nesimi 25 декември 1933 Одри, Тетовско,  Кралство Југославија |
| Починал(а) | февруари 3, 2018 (возр. 84) Скопје,  Македонија |
| Занимање | албанолог, јазичар, професор и истражувач |
Животопис
уредиНесими е роден 25 декември 1933 година во тетовското село Одри. Средно училиште завршил во Тетово, факултетот и постдипломските студии на Универзитетот во Белград, а докторирал на Универзитетот во Приштина. Работел како лектор по албански јазик при катедрата за албански јазик и литература на Универзитетот во Белград од 1962 до 1964 година, па потоа како предавач по албанскиот јазик на Педагошката академија во Скопје во периодот од 1964 до 1975 година. Бил и професор на Катедрата за албански јазик и книжевност на Универзитетот Св. Кирил и Методиј во Скопје од 1975 до 1999 година. тој е автор на неколку научни книги и над 200 статии во периодични и научни списанија.[1] Несими бил учесник – делегат и на Конгресот за правописот на албанскиот јазик во Тирана во 1972 година, којшто се смета за најзначаен за оформувањето на стандардниот албански јазик, а каде што Несими го презентирал рефератот „Процесот на унифицирање на литературниот албански јазик во Македонија“. Починал на 3 февруари 2018 година во Скопје. Почива во родното село.[2]
Награди
уреди- 2021 - Орден за заслуги за Македонија (постхумно)[3]
Наводи
уреди- ↑ Koliqi, Hajrullah (2002). Historia e arsimit dhe e mendimit pedagogjik shqiptar. Prishtinë: Libri shkollor. ISBN 9951-07-084-1. Text "fq. 503-504" ignored (help)fq. 503-504
- ↑ Почина познатиот професор и истакнат албанолог Несими[мртва врска]
- ↑ „Орден за заслуги за Стефановски, Хаџиманов, Несими и Мукаетов“. Дојче Веле. 23 јули 2021. Посетено на 24 јули 2021.