Отвори го главното мени

Драма (грчки: Περιφερειακή ενότητα Δράμας) — округ во Егејска Македонија, денес дел од областа Источна Македонија и Тракија во Грција. Административен центар е градот Драма. Подрачјето на округот се приближно совпаѓа со она што традиционално го нарекуваме „Драмско“. Ова е најсеверниот округ во Егејска Македонија и еден од двата најисточни (другиот е Кавала). На север се граничи со Пиринска Македонија и Смолјанската област во Бугарија. Таа граница ја образуваат Родопите.

Драма
Περιφερειακή ενότητα Δράμας
Округ
Општини во округот Драма
Општини во округот Драма
Драма во Грција
Драма во Грција
Координати: 41°15′N 24°10′E / 41.250° СГШ; 24.167° ИГД / 41.250; 24.167Координати: 41°15′N 24°10′E / 41.250° СГШ; 24.167° ИГД / 41.250; 24.167
ЗемјаГрција
ОбластИсточна Македонија и Тракија
Админ. центарДрама
Површина
 • Вкупна3.468 км2 (1,339 ми2)
Население (2011)
 • Вкупно98.287
 • Густина28/км2 (73/ми2)
Поштен. бр.66x xx
Повик. бр.252x0
ISO 3166GR-52
Рег. таб.ΡΜ
Мреж. местоpedramas.eu

ГеографијаУреди

Округот е прилично планински. Во него се наоѓа дел од Славјанка (Алиботуш или Орвилос) на северозапад, Змијница (Меникио) во западниот дел и Боздаг (Фалакро) во североисточниот. Реката Места (Нестос) го сече округот од север кон исток. Во северниот дел кон Смолјанската област е сместена шумата Карадере (Елатија), каде преовладува обичната смрча (Picea abies), белиот бор (Pinus sylvestris), црниот бор (Pinus nigra) и балканската бука (Fagus moesiaca). Шумарството во овој крај е мошне развиено, претежно за добивање на дрвена граѓа. Типични живот ни за Карадере се кафеавата мечка (Ursus arctos), големиот тетреб (Tetrao urogallus) и лештарката (Bonasa bonasia)[1].

Административно, округот Драма се граничи со окрузите Скеча (Ксанти) на исток, Кавала на југ, Сер на југозапад и запад и Пиринска Македонија (Благоевградска област) и Смолјанската област во Бугарија на север. Јужните и западните делови на округот се претежно прекриени со земјоделска површина.

ОпштиниУреди

Округот Драма се дели на 5 општини. Тие се следниве (означени со бројки во инфокутијата):[2]

ПоврзаноУреди

НаводиУреди

Надворешни врскиУреди