Просечен (општина)

Општина Просечен Δήμος Προσοτσάνης
Карта на општина Просечен
Податоци
Област:	Источна Македонија и Тракија
Округ:	Драма
Гео. област:	Драмско Поле
Население:	15.701 (2021)
Седиште:	Просечен
Нас. места:	22
Пошт. бр.:	662 00
Пов. бр.:	25220-2
Портал:	prosotsani.gr

Просечен или Пресечен (грчки: Δήμος Προσοτσάνης, Димос Просоцанис) — општина во Драмскиот округ на Егејска Македонија, денес во областа Источна Македонија и Тракија, Грција. Административен центар е градот Просечен (Пресечен). Сместена е северозападно од градот Драма. Позначајна знаменитост во општината е пештерата Маара (Ангитис) кај изворот на реката Драматица (Ангитис).

Населени места

Општината Просечен е создадена на 1 јануари 2011 г. по законот „Каликратис“ со спојување на поранешните општини Просечен и Минаре.

Општинска единица Просечен

Поранешната општина Просечен на картата на некогашниот округ Драма.

Поглед на Просечен

Општинската единица ги опфаќа следниве општински оддели и населени места:

• Општински оддел Просечен
  • село Просечен (или Пресечен; Προσοτσάνη, Просоцани)
• Општински оддел Боболец
  • село Боболец (Πύργοι, Пирги)
• Општински оддел Горенци
  • село Горенци (Καλή Βρύση, Кали Вриси)
• Општински оддел Граменци
  • село Граменци (Γραμμένη, Грамени)
• Општински оддел Калапот
  • село Калапот (Πανόραμα, Панорама)
• Општински оддел Крлуково
  • село Крлуково (или Карликово; Μικρόπολη, Микрополи)
• Општински оддел Кобалишта
  • село Кобалишта (Кубалишта, Кобалица; Κοκκινόγεια, Кокиногија)
  • село Нов Калапот (Αγγίτης, Ангитис) новосоздадено
  • село Мезе (или Меше, Πηγές, Пигес)
• Општински оддел Криводол
  • село Криводол (или Егри Дере; Καλλιθέα, Калитеја)
• Општински оддел Плевна
  • село Плевна (Πετρούσσα, Петруса)
  • село Ставрос (Σταυρός) новосоздадено
• Општински оддел Пршово
  • село Пршово (или Пршево; Ανθοχώρι, Антохори)
• Општински оддел Ресилово
  • село Ресилово (Χαριτωμένη, Харитомени)

На територијата на општинската единица се наоѓало и напуштеното село Кочан (Κοντσάν, Коцан).

Општинска единица Минаре

Поранешната општина Минаре на картата на некогашниот округ Драма.

Општинската единица Минаре со седиште во Фотилово (Фотоливос) ги опфаќа следниве општински оддели и населени места:

• Општински оддел Фотилово
  • село Фотилово (или Сачивен; Φωτολίβος, Фотоливос)
• Општински оддел Голак
  • село Голак (Περιχώρα, Перихора)
  • село Голачки манастир „Св. Мина“ (Άγιος Μηνάς)
• Општински оддел Голем Сивендрик
  • село Голем Сивендрик (или Г. Севендрик, Г. Семендрик; Μεγαλόκαμπος, Мегалокамбос)
• Општински оддел Каракавак
  • село Каракавак (Μαυρολεύκη, Мавролевки)
• Општински оддел Мал Сивендрик
  • село Мал Сивендрик (или М. Севендрик, М. Семендрик; Μικρόκαμπος, Микрокамбос)
• Општински оддел Минаре
  • село Минаре (Σιταγροί, Ситагри)
• Општински оддел Чал
  • село Чал (Αργυρούπολη, Аргируполи)

Поврзано

• Маара
• Драматица
• Драмско Поле
• Список на села во Драма

Надворешни врски

• Портал на Општина Просечен