Донатела Версаче
Донатела Версаче (родена на 2 мај 1955 година во Реџо Калабрија) — италијански моден творец и потпретседател на групацијата Версаче, како и главен дизајнер. Таа поседув 20% од средствата на целокупната берза на Версаче. Нејзиниот брат, Санто Версаче, поседува 30%[2]. Ќерката на Донатела, Алегра Версаче, наследила 50% од акциите на компанијата по смртта на Џани Версаче, братот на Донатела и основачот на Версаче.
| Донатела Версаче | |
|---|---|
 Донатела Версаче во 2010 година | |
| Роден(а) | Донатела Франческа Версаче 2 мај 1955 Реџо Калабрија, Италија |
| Живеалиште | Милано, Италија |
| Националност | Италијанка |
| Алма матер | Фирентински универзитет[1] |
| Богатство | ▲ US$200 милиони (2017)[2] |
| Во одбор на | Versace Versus Versace Versace Woman Palazzo Versace Elton John AIDS Foundation[1] |
| Сопружник | Пол Бек (в. 1983; div. 2000) Мануел Далори (в. 2004; div. 2005)[3][4] |
| Деца | со Бек; Алегра Версаче Даниел Пол Бек |
| Роднини | Санто Версаче (брат) Џани Версаче (брат) |
| Награди | FGI Superstar Award (2008)[5] Glamour Woman of the Year (2010)[6] Glamour Award for Fashion Designer of the Year (2012, 2016)[7] |
| Страница versace.com | |
Личниот живот
уредиРани години
уредиВерсаче е родена во италијанскиот град Реџо Калабрија, најмлада од четирите деца во нејзината фамилија. Нејзиниот татко бил професионален финансиер во италијанската аристократија. Постарата сестра, Тина, починала на дванаесетгодишна возраст од погрешно лечење од инфекцијата тетанус[3]. Во средината на 70-тите, Донатела го следела нејзиниот постар брат, Џани Версаче, со цел да стане дизајнер на трикотажа во Фиренца. Донатела планирала да работи за јавните односи за нејзиниот брат, но за нејзиниот брат таа повеќе била како „муза и критичар”, според изјавата дадена од страна на Донатела во едно интервју за Vogue[4]. Поради нејзината близина со претпријатијата на нејзиниот брат, Донатела влегла во светот на модата. Една деценија подоцна, во текот на 80-тите, Џани го лансирал парфемот посветен на неа, Blonde, и подарил нејзина сопствена линија, која станала добра позната линија на Версаче.
Семејство
уредиДонатела со нејзиниот поранешен сопруг, американскиот модел Пол Бек, има три деца: ќерката Алегра (родена на 30 јуни 1986 година) и син Даниел Версаче (роден 1989 година), како и посвоената Каролина (родена 1991 година). Таа исто така е и тетка на двете деца на нејзиниот најстар брат: Франческа Версаче и Антонио Версаче.
Починатиот брат на Донатела, Џани Версаче, имал голем недвижен имот низ целиот свет кои биле продадени, а највреден неговиот имот е на Менхетен, Њујорк, проценет во вредност од 21,000,000 американски долари. Донатела Версаче нема постојано место на живеење, туку постојано патува од една во друга местоположба.
Убиството на Џани Версаче
уредиНа 15 јули 1997 година, надвор од ре-конструираната Версаче палата, исто така позната како Casa Casuarina, во Мајами, Флорида, Џани Версаче бил убиен од страна на Ендру Кунанан. Меѓународна потерница била издадена по осомничениот убиец, но Кунанан го избегнал апсењето извршувајќи самоубиство неколку дена по смртта на Џани Версаче. Поради јавно објавената потерница по убиецот, повеќето од фамилијата Версаче (вклучувајќи ја и Донатела), се преселиле привремено во затскриеното приватно одморалиште на Карибите, откажувајќи ја пролет-лето колекцијата на Версаче за 1999 година, како и нивните индиректни операции на компанијата.
Официјалниот погреб на Џани Версаче бил одржан во катедралата во Милано. Повеќе од 2000 ожалостени присуствувале на традиционалната католичка служба, којашто исто така била следена од милиони гледачи ширум светот.
Наследник на престолот
уредиВо 1997 година, додека гледала телевизија, Алегра Версаче го видела познатиот лик на нејзиниот вујко, Џани, на вестите и дознала дека тој бил убиен. Џани ја имал главната улога во групацијата Версаче, не оставајќи никој да управува со огромната мрежа на модни линии и области во неговата компанија. Во неговиот тестамент тој одредил Алегра Версаќе да го добие најголемиот дел од неговото наследство и титулата.
Алегра Версаче наследила 700 милиони долари од нејзиниот вујко Џани на нејзиниот 18-тиот роденден. На Алегра исто така и била дадена вилата на Џани на езерото Комо и еден од најголемите имоти во едно од најбогатите предградија во Менхетен. До ден денес таа сè уште е наследник на компанијата, додека нејзиниот брат, Даниел, ја наследил големата ретка уметничка колекција на Џани. Иако групацијата Версаче не е веќе финансиски силна и не е на врвот на успехот како што било порано, јавно изјавиле дека се надеваат оти Донатела и Алегра Версаче ќе донесат ново лице и атракција на модната куќа Версаче.
Кариера
уредиРастот на Донатела и Версаче
уредиДонатела е првата која користела познати личности за промовирање на нејзината облека во светот на модните писти и други јавни медиуми како што се огласите, наместо косритење на непознати манекенки. Друг член во зголемувањето на успехот на Версаче е братот на Донатела, Санто Версаче кој исто така е моден творец и сопственик на Finanziaria Versace S.p.A.,дел од групацијата Версаче. Донатела набрзо се докажала како голем јавен гигант без помош на куќата Версаче и го проширила своето име низ цела Европа и поголемиот дел од САД. Донатела одбрала да стави некој од нејзините добри пријатели како што се, Џенифер Лопес, Мадона, Кристина Агилера, Џонатан Рас Маерс и Деми Мур во високо почитуваниот рекламен сектор на Версаче, правејќи ги нив и други од А списокот на славни личности како што се Бијонсе како заштитно лице и слика на Версаче. Нејзината популарност се зголемила кога таа го дизајнирала славниот зелен фустан Версаче, исто така познат како Jungle-Dress, кој бил носен од страна на Џенифер Лопес на доделувањето на Греми наградите во 2000 година.
Промоција и успех
уредиЕдна година и три дена по смртта на Џани во јули 1998 година, Донатела Версаче го поставила своето прво модно шоу за Версаче ателјето во хотелот Риц во Париз. Таа ја изградила својата модна писта врз базенот, во хотелот, како што нејзиниот брат правел секоја сезона, само што овој пат таа користела вистинско стакло. Таа сега ја надгледува изработката на дузина колекции секоја година. Донатела е позната по нејзината славна придружба и гламурозните забави. Во нејзините редовни гости се вклучени сер Елтон Џон, Лиз Харли, Раким Јанг, Луси Мун, Кетрин Зета Џонс и Кејт Мос. Дури и принцот Чарлс присуствувал на забавите за познатата елита низ Европа кои ги организира Донатела. За проширувањето во други области компанијата го создала големото, луксузно одморалиште Palazzo Versace кое се наоѓа на златниот брег на Австралија. Друг голем симбол на стилот на Версаче е Бурџ ел Араб во Дубаи, Обединети Арапски Емирати, која поседува голема колекција на Версаче мебел и постелнина во своите скапи и раскошни соби.
Плановите за Palazzo Versace во Дубаи bile објавени во мај 2005 година[5]. Gianni Versace SpA, Sunland Group Ltd и Emirates International Holdings објавиle дека одморалиштето Palazzo Versace ќе биде изградено во арапските заливи[5]. Вториот Palazzo Versace ќе поседува голем број на апартмани и луксузни вили, вклучувајќи и ексклузивна бања.
Награди
уредиВо 2010 година, Донатела за нејзината добротворна работа добила номинација за наградата Do Something With Style од страна на VH1 Do Something наградите[6]. Таа била номинирана за обезбедување на уметнички предмети за децата и создавање на кеси чии приходи ќе одат во фодациите Starlight и ONE. Наградното шоу создадено од VH1 е посветено во чест на луѓето кои прават добра и се моќни, надгледувана од Do Something, организација која има за цел да ги поттикне,слави и инспирира младите луѓе.
Филм
уредиТаа имала кратко појавување во многу филмови што се поврзани со модата и нејзината индустрија, како што е Zoolander. Исто така и во многу други филмови, вклучувајќи го хитот од 2006 година „Ѓаволот носи Прада“[7] повремено се споменува „Донатела“. Во серијата на АБЦ, „Грдата Бети“ е измислен лик, Фабија, кој е игран од страна на глумицата Џина Гершон и е пародија на Донатела. Лејди Гага напишала песна за неа во 2013 година, под наслов „Донатела“.
Наводи
уреди- ↑ „Our Patrons - Elton John AIDS Foundation“. Ejaf.com. Архивирано од изворникот на 2013-10-12. Посетено на 2014-05-19.
- ↑ „Versace Sale At $5.8B Valuation Would Make Heirs Allegra And Santo Billionaires, Donatella Still Out (Forbes.com)“. Forbes Magazine. 2013-12-02. Посетено на 2014-10-01.
- ↑ Collins, Lauren (24 September 2007). „Mondo Donatella“. The New Yorker: 158.
- ↑ „Donatella Versace biography (Vogue.com UK)“. Vogue.co.uk. 2013-01-22. Архивирано од изворникот на 2014-07-02. Посетено на 2014-05-19.
- ↑ 5,0 5,1 „Designer Donatella Versace visits Dubai Mall ahead of the Vogue Fashion Dubai Experience | The National“. Thenational.ae. 2013-10-10. Посетено на 2014-05-19.
- ↑ „Do Something“. Do Something. Посетено на 2010-07-15.
- ↑ „Donatella Versace | Designers & Brands - FashionTV Network“. Fashiontv.com. 1955-05-02. Архивирано од изворникот на 2014-05-20. Посетено на 2014-05-19.
Надворешни врски
уреди| „Донатела Версаче“ на Ризницата ? |
- Donatella Versace на
Семрежната филмска база на податоци (англиски)
- Донатела Версаче designer profile at Fashion Model Directory
- Donatella Versace interview with Harper's BAZAAR magazine Архивирано на 30 април 2017 г.
- Allegra inheriting half of the company.