Фабио Пекија

Фабио Пекија (роден на 24 август 1973 во Формија) — италијански фудбалски тренер и поранешен фудбалер, играч од средниот ред. Во моментов ја води екипата на Хелас Верона.

Фабио Пекија
Лични податоци
Роден на	24 август 1973(1973-08-24)
Роден во	Формија, Италија
Висина	&100000000000001720000001,72 м
Играчки податоци
Позиција	среден ред
Повлекување	2009 - играч
Кариера*
Години	Клуб	Наст.†	(Гол.)†
1991-1993	Авелино	33	(1)
1993-1997	Наполи	125	(15)
1997-1998	Јувентус	21	(1)
1998-1999	Сампдорија	26	(1)
1999-2000	Торино	22	(1)
2000-2001	Наполи	27	(6)
2001-2002	Болоња	33	(5)
2002-2003	Комо	27	(6)
2003-2004	Болоња	27	(4)
2004-2005	Сиена	23	(2)
2005-2006	Болоња	32	(3)
2006-2007	Асколи	6	(0)
2007	Фоџа	18	(4)
2007-2008	Фрозиноне	26	(1)
2008-2009	Фоџа	24	(1)
Репрезентација ‡
1993-1996	Италија 21	11	(0)
1996	Италија 23	3	(0)
Раководител на екипите
2009-2010	Фоџа (асистент)
2011	Губио
2012-2013	Латина
2013-2015	Наполи (асистент)
2015-2016	Реал Мадрид (асистент)
2016	Њукасл Јунајтед (асистент)
2016-	Верона
* Ажурирано на: 6 јануари 2011 ** Ажурирано на: 17 ноември 2010

Во својата кариера Пекија играл за 9 различни екипи (сите од Италија) и притоа забележил повеќе од 300 настапи во Серија А. Најголемите успеси во кариерата Пекија ги остварил во сезоната 1997-98 кога играјќи за тимот на Јувентус освоил две титули.

Пекија никогаш не одиграл ниту еден натпревар за сениорската селекција на Италија, но бил младински репрезентативец во селекцијата под 21 година со која триумфирал на Европското првенство за играчи на оваа возраст во 1996 година.

Тој исто така ја претставувал Италија и на Летните олимписки игри 1996 година во Атланта.

Играчка кариера

Рани години и настапите во Наполи

Роден во Формија, на возраст од 12 години Пекија влегол во младинскиот тим на Авелино во 1985 година. Дебитирал за првиот тим на Авелино во сезоната 1991-1992, но откако неговиот клуб следната сезона испаднал од Серија Б тој му се приклучил на Наполи.

Неговите добри перформанси во раните години од кариерата го натерале тренерот на Наполи, Марчело Липи да го доведе во Серија А. Пекија дебитирал во Серија А на 29 август 1993 во поразот на неговата екипа на домашен терен од Сампдорија со 2-1. Тој се појавил во игра во 69-тата минута заменувајќи го Енцо Гамбаро. Својот дебитантски гол во Серија А, Пекија го постигнал на 24 октомври 1993 против Лече во 82-рата минута од натпреварот во победата на неговиот тим од 3-1. Дебитантската сезона во Серија А, Пекија ја завршил со 33 одиграни натпревари во кој постигна 4 гола. Тој одиграл уште 3 сезони во дресот на Наполи потоа и дури станал капитен на тимот. Тој исто така играл и во финалето на Купот на Италија во сезоната 1996-97 и го постигнал единствениот погодок на првиот натпревар од финалето во Неапол. Потоа, Наполи го загубил реваншот со 3-1 и Купот го освоила екипата на Виченца.

Јувентус

Во сезоната 1997-98 Пекија го напуштил Наполи и потпишал за Јувентус, каде соработувал одново со Марчело Липи. Тој одиграл 21 натпревар во Серија А и постигнал еден погодок со кој му ја донел победата на неговиот тим во 30-тото коло против Емполи на гости. Оваа сезона била најдобрата во кариерата на Пекија; го освоил своето прво скудето во кариерата, Суперкупот на Италија исто така, а и за првпат настапил во натпреварите од Лигата на шампионите. Но, и покрај тоа што тука ги доживеал најсветлите мигови во својата кариера, Пекија морал набрзо да го напушти клубот бидејќи следната сезона не одиграл ниту еден натпревар во дресот на Јувентус.

Подоцнежните години во кариерата

Пекија потпишал за Сампдорија за која одиграл една сезона (1998-1999) пред да се врати во Торино каде потпишал за истоимениот тим (1999-2000). Следната сезона Пекија настапувал како позајмен за екипата на Наполи (повторно) со која испаднал од Серија А во сезоната 2000-01.

Во сезоната 2001-02 Пекија настапил на 33 натпревари и постигнал 5 гола за екипата на Болоња. Следната сезона тој му се приклучил на новиот прволигаш Комо, но уште еднаш испаднал од еллитното друштво. Потоа се вратил во Болоња (за која одиграл една сезона во Серија А, 2003-04), па одиграл една сезона на заем во Сиена, а во сезоната 2006-07 играл на 6 натпревари за Асколи во Серија А.

Пекија ја завршил својата играчка кариера во екипата на Фоџа во Серија Ц1 лигата, откако претходно играл за екипата на Фрозиноне во Серија Б.

Тренерска кариера

Откако се пензионирал од активното играње фудбал во 2009 година, Пекија последователно станал помошник тренер во екипата на Фоџа. Тој ја напуштил функцијата во заемна согласност со тренерот Антонио Порта, на 19 јануари 2010 година.

На 18 јуни 2011 тој бил назначен за нов тренер на Серија Б клубот Губио. Тој бил отстранет од тренерскиот пост во клубот на 16 октомври 2011 година, поради слабите резултати кој ги постигнал.

Пред почетокот на сезоната 2012-13 Пекија бил назначен за нов тренер на Латина.

Титули

Јувентус

• Серија А (1) : 1997-98
• Суперкуп на Италија (1) : 1997

Надворешни врски

	Портал „Биографија“
	Портал „Фудбал“

• Фабио Пекија на soccerway