Треболец
Треболец (грчки: Μαυροβούνι, Мавровуни; книжевно: Μαυροβούνιον, Мавровунион; до 1927 година: Τρέμπολιτς, Треболиц[2]) — село во Воденско, Егејска Македонија, дел од денешната Општина Вртикоп, во Централна Македонија, Грција.
| Треболец Μαυροβούνι | |
|---|---|
 Црквата „Св. Петар и Павле“ во селото Треболец | |
  Треболец | |
|
Местоположба во областа   Треболец | |
| Координати: 40°47′N 22°10′E / 40.783° СГШ; 22.167° ИГД | |
| Земја | Грција |
| Област | Централна Македонија |
| Округ | Постол |
| Општина | Вртикоп |
| Општ. единица | Вртикоп |
| Надм. вис. | 50 м |
| Население (2011)[1] | |
| • Вкупно | 1.006 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уреди
Селото се наоѓа во непосредна близина на градот Вртикоп, од неговата северна страна крај самиот пат од Вртикоп за гратчето С’ботско, на надморска височина од 50 метри.[3] Селскиот атар зафаќа површина од 9 квадратни километри.
Сместено е во областа Сланица.
Историја
уредиДо 1924 година, селото било населено исклучително со македонско население.[3]
Во 1920-тите години, во селото биле населени грчки бегалци од Турција. Во 1928 година, селото претставувало мешана населба со 43 бегалски семејства со вкупно 178 жители.[4]
Во 1927 година селото добило ново име, Мавровуни (Μαυροβούνι), што во превод означува „црна планина“.
Стопанство
уредиНаселението се занимава со земјоделство, а главни производи се овошје (праски и јаболка) и жито. Во помала мера развиено е и сточарството.[3]
Население
уредиВо „Етнографија на Адријанопол, Монастир и Салоника“ се вели дека во 1873 г. Треблец (Trébletz) е село во Воденската каза на Отоманското Царство со 22 куќи со вкупно 93 жители.[5]
Според статистиката на Васил К’нчов („Македонија. Етнографија и статистика“) во 1900 година, Требулец имало 90 жители Македонци и 42 Роми.[3][6] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Треболец (Treboletz) имало 80 Македонци.[3][7]
Во 1920 година, Треболец било посочено со 10 македонски куќи и 3 куќи на Роми-муслимани.[3][8]
Селото Треболец во пописот од 1913 година било забележано со 92, а во 1920 година со 120 жители. Во 1924 година во оваа релативно мала чифлигарска населба грчките власти населиле повеќе бегалски семејства (вкупно 198 бегалци), така што Треболец станало мешана населба, која во 1928 година имала 398 жители, а во 1940 година 491 жител (од нив 161 Македонец и 330 бегалци). По војната, бројот на жители се зголемувал. Така во 1951 година селото имало 686, во 1961 година 823, во 1971 година 869, во 1981 година 1.012, а во 1991 година 1.067 жители. Зголемувањето на бројот на населението во последните децении се должело на богатата почва, која речиси целосно се наводнува.[3]
Во пописот спроведен во 2001 година, селото било попишано со 1.021 жител. Во најновиот спроведен попис од 2011 година во Грција, селото било забележано со 1.006 жители.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 491 | 686 | 823 | 869 | 1.012 | 1.067 | 1.021 | 1.006 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
уредиСелото припаѓа на општинската единица Вртикоп со седиште во истоимениот град, која припаѓа на поголемата општина Вртикоп, во округот Постол. Воедно, селото е дел од општинскиот оддел Треболец, во кој е единствено село.
Личности
уреди- Родени во Треболец
- Јорданис Џамџис (р. 1951) — грчки политичар
Наводи
уреди- ↑ „Попис на населението од 2011 г. Трајно население“. Државен завод за статистика на Грција.
- ↑ Μετονομασίες των Οικισμών της Ελλάδας. Τρέμπολιτς -- Μαυροβούνι
- ↑ 3,0 3,1 3,2 3,3 3,4 3,5 3,6 Симовски, Тодор (1998). „Воденски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 58–59.
- ↑ „Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928“. Архивирано од изворникот 20 јуни 2012. Посетено на 20 јуни 2012.
- ↑ „Македония и Одринско. Статистика на населението от 1873 г.“ Македонски научен институт, София, 1995, стр. 158 - 159.
- ↑ К’нчов, Васил. Македонија. Етнографија и статистика, Софија, 1900, стр. 149.
- ↑ Brancoff, D.M. La Macédoine et sa Population Chrétienne, Paris, 1905, pp. 190 - 191.
- ↑ Милојевић, Боровоје. Јужна Македонија - Антропогеографска, Београд 1920. Цитирано по: Λιθοξόου, Δημήτρης. Πληθυσμός και οικισμοί της περιοχής Βοδενών 1886 - 1927 (διοικητικά όρια 1911)
Белешки
уреди- Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.