Театар Бора Станковиќ

Театарот Бора Станковиќ е театар во Врање. Во големиот пожар од 2 јули 2012 година театарот изгорел до темел.[1]

Историја уреди

Првата театарска претстава ја одиграле Врањанци на 30 јануари 1896 година. Тоа бил „Горски венец“ на Његош во режија на Радое Домановиќ, тогашен професор во Гимназијата во Врање.

 
Сцена од претставата Кривово, 2003 година

Врањанците на 5 октомври 1942 година го формирале „Театар на граѓанските касина“, кога во Врање започнува организираниот театарски живот.

Окружниот народен театар во Врање е основан на 27 април 1946 година и успешно работел до 31 јануари 1954 година. А потоа следувал период на успешно делување на аматерскиот театар, со постојан репертоар, многубројна публика и награди на републички и југословенски фестивали. Покрај бројните награди и признанија, театарот ги добил и Вуковата награда и Орденот на заслуги за народот со сребрени зраци.

Театар Бора Станковиќ уреди

Театарот Бора Станковиќ, 5 септември 1997 година станал професионален и повторно се приклучил на семејството на професионални театри во Србија. Најголемиот успех доживува додека го води режисерот и глумецот на Радослав Радивојевиќ (1943-2009), во периодот од 1972 година до 2009 година. Од мал паланечки ансамбл се создал угледен професионален театар, кој во 2003 година со претставата „Кривово“, по текстот на Радосав Стојановиќ (режија Југ Радивојевиќ ), е апсолутен победник на Средбите на професионалните театри на Србија „Јоаким Вујиќ“. Радивојевиќ е неизбежно име во културниот живот на Врање. Во 1979 година ги започнува „Театарските денови на Бора “ (кои продолжуваат и денес) и ги води цели 28 години. За тоа време пред врањанската публика се прикажани над 400 претстави, а учествуваат и бројни театри од Србија и од странство. Покрај тоа, тој пишува и опширна историја на театарскиот живот на градот под Пржар - „Театарскиот живот на Врање“, 1987 година.

Театарскиот живот во Врање се одвива во зграда изградена во 1892 година од врањанскиот трговец Јанча Јовановиќ. Денес салата и сцената се на исти темели, а новиот дел и адаптацијата се направени во 1993 година и 1998 година.

 
Влезот во зградата на театарот по пожарот на 2 јули 2012 година.

Во пожарот што се случи на 02.07.2012 година во раните утрински часови изгоре зградата на театарот.

Литература уреди

  • Радослав Радивојевиќ: Театарски живот на Врање, Врање, 1987 г.
  • Радослав Радивојевиќ: 25 години театарска радост, Врање, 2005 г.
  • Радослав Радивојевиќ: Врање Театар Временска машина 1896 - 2006, Врање, 2006,

Наводи уреди

  1. Од позоришта Бора Станковић у Врању остало згариште, Политика, Танјуг, објављено: 02.07.2012

Надворешни врски уреди