Словенечка азбука

Словенечката азбука е писмо што го користи словенечкиот јазик. Азбуката е заснована врз стандардната латинична азбука но вклучува и неколку посебни букви сè со цел задоволување на потребите на фонетскиот систем на стандардниот словенечки јазик. Азбуката има 25 букви и во неа не се вклучени диграфите што се користат во словенечкиот јазик како што се диграфите Lj, Nj и Dž. Исто така останатите стандардни латинични букви како што се W, X и Y можат да се сретнат но само во зборови од странско потекло. Поради сличноста и блискоста со останатите јужнословенски јазици, во словенечкиот јазик можат да се сретнат и буквите Ć и Đ и најчесто се користат во зборови и имиња од српско или хрватско потекло.

Азбука

Буква	Име	МФА	Буква	Име	МФА
A, a	a	/a/	M, m	em	/m/
B, b	be	/b/	N, n	en	/n/
C, c	ce	/ts/	O, o	o	/ɔ/, /o/
Č, č	če	/tʃ/	P, p	pe	/p/
D, d	de	/d/	R, r	er	/r/
E, e	e	/ɛ/, /e/, /ə/	S, s	es	/s/
F, f	ef	/f/	Š, š	eš	/ʃ/
G, g	ge	/g/	T, t	te	/t/
H, h	ha	/x/	U, u	u	/u/
I, i	i	/i/	V, v	ve	/v/
J, j	je	/j/	Z, z	ze	/z/
K, k	ka	/k/	Ž, ž	že	/ʒ/
L, l	el	/l/, /w/

Поврзано

• Словенечки јазик
• Словенија