Роберт Гајдик

Роберт Гајдик - Славко, понекаде со погрешно презиме Гајдиќ (чешки: Robert Gajdik; 1923 - 14 јануари 1942) — македонски комунист, борец во НОБ од чешко потекло.[1]

Роберт Гајдик

ЖивотописУреди

Роберт Гајдик е роден во Злин, Чехословачка. Неговите родители претходно биле доселени во Скопје, каде татко му работел како инженер во ХЕЦ „Матка“[2]. Останал во Злин, работејќи во познатата фабрика за чевли „Бата“. Со окупацијата на Чехословачка во 1938 г. им се придружил на родителите во Скопје, до каде допатувал на велосипед.[3] Завршил градежен отсек на Среднотехничкото училиште и станал член на СКОЈ во 1939 г.

По налог на Месниот комитет на КПЈ за Скопје, се вработил во рудникот „Радуша“ како главен магационер (првата половина на 1941 г.). Со група младинци, истата година по повод Први мај истакнал црвено знаме на Дивизиската зграда во Скопје, а на почетокот на јуни учествувал во палењето на германски транспортен авион „Јункерс Ју 52“ на Скопскиот аеродром. Илегално ја снабдувал Скопската организација на КПЈ со експлозиви и станал борец на Првиот скопски партизански одред на 22 август 1941 г., заедно со Дане Крапчев, Васил Антевски - Дрен, Боро Петрушевски, Невена Георгиева - Дуња, Раде Јовчевски - Корчагин и други. Во септември оди во Куманово и ги обучува идните борци на кумановските партизански одреди за ракување со експлозив. Во Куманово останува 12 до 15 дена.

По апсењето од Гестапо во ноември 1941 г., успеал да избега и се вработил во Приштина. Наскоро станал борец на партизанскиот одред „Зејнел Ајдини“ (од почетокот до крајот на 1942 г.). Поради болест продолжил со заднинска работа, изработувајќи оружје и рачни бомби, но бил уапсен при провалата во селото Суви Дол, Косово, одведен во Липљан и јавно стрелан.

ЧествувањеУреди

 
Спомен обележје на Роберт Гајдик во Скопје

Во Скопје работи здружението на граѓани „Роберт Гајдик“ во спомен на овој деец, како и урбаната заедница „Роберт Гајдик“[1] во рамките на Општина Центар.[4] Во непосредна близина се наоѓа и неговиот споменик, изграден во 1972 г. на местото на неговата куќа.

Неговото дело се чествува веќе подолг период, а почнувајќи од 2013 г. на церемонијата официјално учествува и амбасадата на Чешка во Македонија.[3]

ПоврзаноУреди

НаводиУреди

  1. Гајдик, Роберт - Славко“. Македонска енциклопедија , книга I (А-Љ): стр. 330. (2009). Скопје: МАНУ.
  2. „Одбележана 71 година од смртта на народниот херој Роберт Гајдик“. Курир. 14 јануари 2013. Посетено на 18 август 2015.
  3. 3,0 3,1 „Одбележување на споменот за Роберт Гајдик“. Амбасада на Чешка Република во Скопје. 3 март 2015. Посетено на 18 август 2015.
  4. „Урбани заедници“. Општина Центар. Посетено на 18 август 2015.