Природен парк Кораб-Коритник
Природен парк Кораб-Коритник (албански: Parku Natyror i Korab-Koritnikut) — природен парк во Источна Албанија кој образува дел од Европскиот зелен појас, што служи како засолниште за загрозените животински и растителни видови.[2] Зафаќа површина од 55.550 хектари (555,5 квадратни километри) на алпски планински терен, со долини, реки, леднички езера, пештери, кањони и густа иглолисна и листопадна шума.[3][4] Меѓународниот сојуз за заштита на природата (МСЗП) го класификувал паркот во IV категорија. Коритник и Кораб се признати како значајно растително подрачје од меѓународно значење од Plantlife.[5]
| Природен парк Кораб-Коритник Parku Natyror i Korab-Koritnikut | |
|---|---|
 Mali i Bardhë | |
| Место | Дебарска и Кукушка Област |
| Најблизок град | Кукуш и Пешкопеја |
| Координати | 41°47′N 20°33′E / 41.783° СГШ; 20.550° ИГД |
| Површина | 55.550 хектари |
| Воспоставен(а) | 21 декември 2011[1] |
| Управно тело | Национална агенција за заштитени подрачја |
Паркот на природата Кораб-Коритник започнува на границата со Косово на север и се протега долж границата со Македонија до планината Дешат на југ. Природниот парк е именуван по планините Кораб и планината Коритник. Голем Кораб е највисокиот врв и во Албанија и во Македонија, кој се наоѓа на надморска височина од 2.764 метри. Тој е еден од само двата врвови во Европа, што е највисоката точка за повеќе од една земја и исто така 18-ти највисок планински врв во Европа.[6][7] Врвот е многу груб планински масив и се состои главно од шкрилци и варовник од палеозојскиот период со блок-структури и исто така сериозно оштетени гипсени карпи од пермо тријасот. На западната страна, планината стрмно паѓа над карпести ѕидини, додека северната страна се состои од карпи.[8]
Природниот парк има умерена влажна континентална клима со влажни студени зими и суви топли лета. Поради големата промена во надморската височина, на територијата може да се најде богата разновидност на клима, флора и фауна. Спаѓа во мешаните шуми на Динарските Планини и копнените екорегиони на балканските мешани шуми на палеарктичкиот биом на умерените широколисни и мешани шуми. Шумите се составени од различни видови листопадни и иглолисни дрвја и голема разновидност на диви цвеќиња. Нивоата на вегетацијата се разликуваат врз основа на различни надморски височини, дабови шуми од 400 до 900 метри, четинари и букови шуми со мешани широколисни шуми од 1000 до 2000 метри надморска височина. Падините на планинските ливади се претежно покриени со листопадни шуми. Најзастапени видови дрвја во паркот се сребрена ела, австриски бор, босански бор, молика и црн евла. На пониските надморски височини се среќаваат дабови шуми вклучувајќи го ориенталниот габер, благунот, македонскиот даб и клен.
Фауната е претставена со 37 видови цицачи. На подрачјето може да се најдат големите цицачи како кафеава мечка, волк, балкански рис,[9] срна, дива свиња, ласица, златна куна и црвена верверица. Исто така, има разновидни погодни живеалишта кои поддржуваат густи популации на птици како што се златниот орел, голем тетреб, сив сокол, јастреб глувчар, акципитерот, голем у, белоглавиот мршојадец, тетребот и многу други.[10]
 |
 |
 |
 |
Поврзано
уредиНаводи
уреди- ↑ „Korab - Koritnik Natural Park Management Plan“ (PDF). researchgate.net (англиски). July 2014. стр. 9.
The decision of Council of Ministers No. 898 dated 21.12.2011 proclaims the mountains natural ecosystem Korab – Koritnik as a “Natural Park” with a surface area of 55,550.2 ha (555.5 km²).
- ↑ „RRJETI I ZONAVE TË MBROJTURA NË SHQIPËRI“ (PDF). mjedisi.gov.al (албански). стр. 2. Архивирано од изворникот (PDF) на 2017-09-05. Посетено на 2017-09-05.
- ↑ „Korab - Koritnik Natural Park Management Plan“ (PDF). researchgate.net (англиски). стр. 9.
- ↑ „Vlerësimi Strategjik Mjedisor për Planin e Integruar Ndersektorial te Bregdetit“ (PDF). planifikimi.gov.al (албански). стр. 44. Архивирано од изворникот (PDF) на 2017-10-28. Посетено на 2017-10-27.
- ↑ IUCN, World Wide Fund for Nature, Plantlife. „Important Plant Areas of the south and east Mediterranean region“ (PDF). portals.iucn.org (англиски). стр. 75.CS1-одржување: повеќе имиња: список на автори (link)
- ↑ „The King of the Mountains“ (PDF). dmwcorg.tk (англиски). стр. 24. Архивирано од изворникот (PDF) на 2019-04-02. Посетено на 2017-09-05.
At 2764 meters Korab peak is one of only two summits in Europe which are the highest point for more than one country.
- ↑ „EUROPE ULTRA-PROMINENCES 99 Peaks with Prominence of 1,500 meters or greater“. peaklist.org (англиски).
- ↑ „Korab - Koritnik Natural Park Management Plan“ (PDF). researchgate.net (англиски). стр. 25.
- ↑ „Balkan Lynx Conservation“. fightingforhope.wordpress.com (англиски). 9 August 2013. Отсутно или празно
|url=(help) - ↑ „Korab - Koritnik Natural Park Management Plan“ (PDF). researchgate.net (англиски). стр. 41.