Бука

Бука (Fagus) — еден вид широколисно дрво од семејството Fagaceae. Најраспространет вид во Македонија е обичната бука или Fagus sylvatica.

Буки во Еренбах, Германија

Распространување

Овој род е распространет со осум до единаесет вида во Европа, Северна Америка и Азија. Буките обично претпочитаат региони што имаат благи зими и не толку топли лета. Региони со сурова зима каде што се среќава доцен мраз, како и сушни лета, не се многу погодни за буките. На јужните граници од нивното распространување, како што е Македонија, тие се ограничени на планинските предели.

Опис

Буките се листопадни дрва коишто имаат мазна, сива кора. Лисјата се цели или делумно назабени, од 5–15 cm долги и 4–10 cm широки. Плодот е мал, остар и аглест, долг 10–15 mm. Тој содржи висок процент на танин.

Буката како тема во уметноста

• „Сама бука“ — поема на македонскиот поет Анте Поповски.