Папе Матар Сар
Папе Матар Сар (роден на 14 септември 2002 година, во Тијароје) — сенегалски фудбалер, играч од средниот ред на Тотенхем и на сенегалската репрезентација.
| Папе Матар Сар | |||
|---|---|---|---|
_37.jpg) | |||
| Лични податоци | |||
| Полно име | Папе Матар Сар[1] | ||
| Роден на | 14 септември 2002[2] | ||
| Роден во | Тијароје, Сенегал | ||
| Држава |
 Сенегал | ||
| Висина | 1,80 м | ||
| Позиција | среден ред | ||
| Клупски податоци | |||
| Сегашен клуб |
 Тотенхем | ||
| Број | 29 | ||
| Младинска кариера | |||
 Женерасион Фут | |||
| Кариера* | |||
| Години | Клуб | Наст. | (Гол.) |
| 2020-2022 |
 Мец | 55 | (4) |
| 2022- |
Тотенхем | 29 | (2) |
| Репрезентација ‡ | |||
| 2019 |
Сенегал 17 | 6 | (3) |
| 2021- |
Сенегал | 39 | (4) |
|
*Настапи и голови само на првенствени натпревари, според податок од 23 април 2021 ‡ Настапи и голови за репрезентација, според податок од 23 април 2021 | |||
Клупска кариера уреди
Папе Матар Сар ја започнал својата кариера во Женерасион Фут во неговата родна земја Сенегал, пред да потпише петгодишен договор со француската екипа Мец на 15 септември 2020 година.[3] Сар првично бил испратен да игра за вториот тим на Мец во Националното првенство 2, но имал само еден настап пред да биде повикан во првиот тим по сезоната која била прекината поради пандемијата на КОВИД-19.[4] Тој го направил своето деби за првиот тим на Мец на 29 ноември 2020 година, во натпреварот од Лига 1 против Брест.[5] На 31 јануари 2021 година, Сар го постигнал својот прв гол во Лига 1 во обратниот натпревар против Брест, при победата со 4-2 на гостински терен.[6]
На 27 август 2021 година, Сар потпишал за англискиот премиерлигаш Тотенхем Хотспар, кој го оставил играчот на позајмица во Мец до крајот на сезоната 2021–22.[7] Во втората сезона во Мец, Сар одигал 33 натпревари во Лига 1 и постигнал еден погодок во победата на домашен терен со 4-1 над Лорјан.
Во летото 2022 година, Сар конечно му се приклучил на Тотенхем, но своето долгоочекувано деби во Премиер лигата го направил на 1 јануари 2023 година, влегувајќи како замена на местото на Ив Бисума во поразот на домашен терен со 2–0 од Астон Вила.[8] Тоа воедно било и неговото деби за Тотенхем, а од тој натпревар Сар започнал редовно да игра за Спарс, било како стартер или влегувајќи од клупата. На 28 мај 2023 година, во последниот натпревар од сезоната, тој забележал асистенција за голот на Лукас Моура во победата со 4–1 на гостувањето кај Лидс Јунајтед.
На 19 август 2023 година, Сар го постигнал својот прв гол за Тотенхем во нивниот прв натпревар на домашен натпревар во Премиер лигата 2023–2024, победата со 2–0 над Манчестер Јунајтед.[9] На 2 јануари 2024 година, Сар го продолжил договорот со Тотенхем до 2030 година.[10]
Репрезентативна кариера уреди
Сар го направил своето деби за репрезентацијата на Сенегал на 26 март 2021 година во квалификациите за Африканскиот куп на нации 2021 против Конго.[11]
Во јануари/февруари 2022, бил дел од репрезентацијата која го освоила Африканскиот куп на нации 2021; тој забележал само еден настап на турнирот, влегувајќи како замена во победата со 3–1 над Буркина Фасо во полуфиналето.[12][13] Кон крајот на истата година, бил повикан за Сенегал за Светското првенство 2022, каде што се појавил како замена во победата со 3-1 над домаќинот Катар во групната фаза,[14] и во поразот со 3–0 од Англија во осминафиналето.[15]
Хронологија на репрезентативните настапи уреди
Титули уреди
Репрезентативни уреди
Сенегал
Наводи уреди
- ↑ „2021/22 Premier League squads confirmed“. Premier League. 10 September 2021. Посетено на 12 September 2021.
- ↑ „Pepe Matar Sarr“. Premier League. Посетено на 11 August 2022.
- ↑ „Official | Metz sign Pape Matar Sarr from Génération Foot | Get French Football News“. www.getfootballnewsfrance.com. 15 September 2020. Посетено на 8 June 2021.
- ↑ Bouchacourt, Jérome (23 April 2021). „La FFF a décidé d'arrêter les championnats de National 2 et D2 Féminine“. Foot Amateur (француски). Посетено на 8 June 2021.
- ↑ Secret, Bryan (29 November 2020). „Résultat et résumé Metz - Brest, Ligue 1 Uber Eats, 12e journée“. L'Équipe (француски). Посетено на 17 January 2021.
- ↑ „BREST 2-4 METZ“. Ligue1 (англиски). 31 January 2021. Посетено на 8 June 2021.
- ↑ „Pape Matar Sarr signs from Metz“. Tottenham Hotspur F.C. 27 August 2021. Посетено на 27 August 2021.
- ↑ Sang, Kiplagat (1 January 2023). „Pape Matar Sarr: Senegal wonderkid makes Tottenham Hotspur debut after 18 months“. goal.com. Посетено на 4 January 2023.
- ↑ „Tottenham fans love what Pape Matar Sarr did after scoring in win over Manchester United“. talkSPORT. 19 August 2023.
- ↑ „New deal for Pape“ (англиски). Tottenham Hotspur. 2 January 2024. Посетено на 2 January 2024.
- ↑ „Congo v Senegal game report“. ESPN. 26 March 2021.
- ↑ „Internationals – Pape helps Senegal reach AFCON final“. Tottenham Hotspur F.C. 2 February 2022. Посетено на 19 November 2023.
- ↑ „AFCON glory for Pape“. Tottenham Hotspur F.C. 6 February 2022. Посетено на 19 November 2023.
- ↑ „Qatar 1–3 Senegal: World Cup 2022 – as it happened“. The Guardian. 26 November 2022. Посетено на 19 November 2023.
- ↑ „England 3–0 Senegal: World Cup 2022, last 16 – as it happened“. The Guardian. 5 December 2022. Посетено на 19 November 2023.
Надворешни врски уреди
| „Папе Матар Сар“ на Ризницата ? |