Малонска киселина
Малонска киселина (систематско име на IUPAC: пропандионска киселина) е дикарбоксилна киселина со структура CH2(COOH)2. Јонизираната форма на малонската киселина, како и нејзините естери и соли, се познати како малонати. На пример, диетил малонатот е диетил естер на малонската киселина. Името на оваа органска киселина потекнува од грчкиот збор μᾶλον (malon) што значи "јаболко".
| |
| |
Претпочитано име по МСЧПХ: Пропандионска киселина | |
Други називи Малонска киселина | |
| Назнаки | |
|---|---|
141-82-2 
| |
| ChEBI | CHEBI:30794
|
| ChEMBL | ChEMBL7942
|
| ChemSpider | 844
|
| DrugBank | DB02175
|
| |
| 3Д-модел (Jmol) | Слика Слика |
| PubChem | 867 |
| |
| Својства | |
| Хемиска формула | |
| Моларна маса | 0 g mol−1 |
| Густина | 1.619 g/cm3 |
| Точка на топење | |
| Точка на вриење | |
| 763 g/L | |
| Киселост (pKa) | pKa1 = 2.83[1] pKa2 = 5.69[1] |
| -46.3·10−6 cm3/mol | |
| Слични супстанци | |
| Други анјони | малонат |
| Дополнителни податоци | |
| (што е ова?) (провери) Освен ако не е поинаку укажано, податоците се однесуваат на материјалите во нивната стандардна состојба (25 °C, 100 kPa) | |
| Наводи | |
Биохемија
уредиПогрешно е верувањето дека малонската киселина се јавува со висока концентрација во цвекло. Студија од 1951 година, за составот на ракија од шеќерна репка, не открила присуство на малонска киселина.[2] Чистата малонска киселина на собна температура се јавува во форма на бели кристали. Во биохемиските процеси на клетката, таа е класичен пример за компетитивен инхибитор: ја инхибира сукцинат дехидрогеназата (комплекс II) во респираторниот електронско-транспортен синџир.[3]
Добивање
уредиКласичниот метод за добивање на малонска киселина започнува со хлороцетна киселина:[4]
Натриум карбонатот ја дава натриумовата сол која потоа реагира со натриум цијанид за да се добие сол на цијанооцетна киселина по пат на нуклеофилна супституција. Нитрилната група може да биде хидролизирана со натриум хидроксид до натриум малонат, а ацидификацијата на растворот ја дава како производ малонската киселина. Индустриски, малонската киселина се добива со хидролиза на диметил малонат или диетил малонат.[5]
Малонската киселина за првпат била синтетизирана во 1858 година, од страна на францускиот хемичар Виктор Десајгес (1800-1885) со оксидација на јаболкова киселина.[6]
Малонската киселина, исто така, може да биде произведена со ферментација на гликоза.
Органски реакции
уредиПри реакција на кондензација со уреа, малонската киселина дава како производ барбитурна киселина. Малонската киселина, исто така, често се користи како енолат во Кневенагелови кондензации за добивање на Мелдрумска киселина. Естрите на малонска киселина се користат и како -CH2COOH синтон во малонската естер синтеза.
Дериватот на коензим А, малонил-КоА, е важен претходник во биосинтезата на масните киселини, заедно со ацетил-КоА. Малонил-КоА се синтетизира од ацетил-КоА со дејство на ензимот ацетил-КоА карбоксилаза, по што малонатот се трансферира на ацил-носечката белковина (ACP) кој го додава на растечката верига на масната киселина која се синтетизира.[7]
Малонската киселина е позната и како компетитивен инхибитор на сукцинат дехидрогеназа, ензимот одговорен за дехидрогенација на сукцинат во Кребсовиот циклус.
Патологија
уредиКога покачените нивоа на малонска киселина се придружени со покачени нивоа на метилмалонска киселина, ова може да укаже на често неоткриената[8] метаболичка болест комбинирана малонска и метилмалонска ацидурија (CMAMMA).[9] Со пресметување на соодносот на малонска киселина со метилмалонска киселина во крвната плазма, CMAMMA може да се разликува од класичната метилмалонска ацидемија.[9]
Термохемиски податоци на кондензираната фаза
уреди| Количина | Вредност | Единици | Метод | Коментар |
|---|---|---|---|---|
| ΔfH°цврста фаза | -891.1 ± 0.4 | кЈ/mol | Ccb | ALS[10] |
| ΔcH°цврста фаза | -861.15 ± 0.63 | кЈ/mol | Ccb | Соодветни ΔfHºцврста фаза = -891.02 кЈ/mol (едноставна пресметка од страна на NIST; нема Васбурн исправки); ALS[10] |
| ΔcH°цврста фаза | -861.57 ± 0.63 | кЈ/mol | Ccb | Соодветни ΔfHºцврста фаза = -890.61 кЈ/mol (едноставна пресметка од страна на NIST; нема Васбурн исправки); ALS[11] |
| S°цврста фаза,1 бар | 149.00 | J/mol*К | N/A | кристална состојба, II фаза; DH[12] |
Топлински капацитет на цврста фаза при постојан притисок:
| Cp,цврста (J/mol*К) | Температура (К) | Коментар |
|---|---|---|
| 127.63 | 298.15 | кристална состојба, II фаза; T = 10 до 370 К.; DH[12] |
Малонска киселина во состав на овошје
уредиМалонската киселина е природна супстанца која се наоѓа во плодовите на голем број овошки. Кај агрумите, овошјето произведено со органско земјоделство содржи повисоки нивоа на малонска киселина отколку овошјето произведено со конвенционално земјоделство.[13]
Наводи
уреди- ↑ 1,0 1,1 pKa Data Compiled by R. Williams (pdf; 77 kB) Архивирано на 2 јуни 2010 г.
- ↑ Stark, J. B.; Goodban, A. E.; Owens, H. S. (1951-03). „Composition of Sugar Beet Liquors“. Industrial & Engineering Chemistry (англиски). 43 (3): 603–605. doi:10.1021/ie50495a018. ISSN 0019-7866. Проверете ги датумските вредности во:
|date=(help) - ↑ Pardee, A. B.; Potter, V. R. (1949-3). „Malonate inhibition of oxidations in the Krebs tricarboxylic acid cycle“. The Journal of Biological Chemistry. 178 (1): 241–250. ISSN 0021-9258. PMID 18112108. Проверете ги датумските вредности во:
|date=(help) - ↑ „http://www.orgsyn.org/demo.aspx?prep=cv2p0376“. www.orgsyn.org (англиски). Посетено на 2018-07-08. Надворешна врска во
|title=(help) - ↑ Production of malonic acid, 1942-09-22, Посетено на 2018-07-08
- ↑ texte, Académie des sciences (France). Auteur du (1858-07). „Comptes rendus hebdomadaires des séances de l'Académie des sciences / publiés... par MM. les secrétaires perpétuels“. Gallica (француски). Посетено на 2018-07-08. Проверете ги датумските вредности во:
|date=(help) - ↑ Nelson, David L.; Cox, Michael M. (2017-01-01). Lehninger Principles of Biochemistry (англиски) (Seventh. изд.). New York NY: W. H. Freeman. стр. 811–826. ISBN 9781464126116.CS1-одржување: датум и година (link)
- ↑ NIH Intramural Sequencing Center Group; Sloan, Jennifer L; Johnston, Jennifer J; Manoli, Irini; Chandler, Randy J; Krause, Caitlin; Carrillo-Carrasco, Nuria; Chandrasekaran, Suma D; Sysol, Justin R (2011-09). „Exome sequencing identifies ACSF3 as a cause of combined malonic and methylmalonic aciduria“. Nature Genetics (англиски). 43 (9): 883–886. doi:10.1038/ng.908. ISSN 1061-4036. PMC 3163731. PMID 21841779. Проверете ги датумските вредности во:
|date=(help)CS1-одржување: PMC-формат (link) - ↑ 9,0 9,1 de Sain-van der Velden, Monique G. M.; van der Ham, Maria; Jans, Judith J.; Visser, Gepke; Prinsen, Hubertus C. M. T.; Verhoeven-Duif, Nanda M.; van Gassen, Koen L. I.; van Hasselt, Peter M. (2016). Morava, Eva; Baumgartner, Matthias; Patterson, Marc; Rahman, Shamima; Zschocke, Johannes; Peters, Verena (уред.). A New Approach for Fast Metabolic Diagnostics in CMAMMA. 30. Berlin, Heidelberg: Springer Berlin Heidelberg. стр. 15–22. doi:10.1007/8904_2016_531. ISBN 978-3-662-53680-3. PMC 5110436. PMID 26915364.CS1-одржување: PMC-формат (link)
- ↑ 10,0 10,1 Wilhoit, R.C.; Shiao, D. Thermochemistry of biologically important compounds. Heats of combustion of solid organic acids. J. Chem. Eng. Data, 1964, 9, 595-599.
- ↑ Verkade, P.E.; Hartman, H.; Coops, J. Calorimetric researches. X. Heats of combustion of successive terms of homologous series: dicarboxylic acids of the oxalic acid series, Rec. Trav. Chim. Pays/Bas, 1926, 45, 373-393.
- ↑ 12,0 12,1 Fukai, M.; Matsuo, T.; Suga, H. Thermodynamic properties of phase transitions in malonic acid and its deuterated analog, Thermochim. Acta, 1991, 183, 215-243.
- ↑ „ORGANIC ACIDS CONCENTRATION IN CITRUS JUICE FROM CONVENTIONAL VERSUS ORGANIC FARMING“. www.actahort.org. Архивирано од изворникот на 2018-06-02. Посетено на 2018-07-08.
Надворешни врски
уреди- pH-Спектар на динатриум малонат Архивирано на 28 јануари 2012 г. (англиски)
- pH-Спектар на малонат-бакар-комплекс Архивирано на 13 март 2016 г. (англиски)
- Сметач: Активитет на вода и растворени супстанци во воден раствор на малонска киселина Архивирано на 11 мај 2009 г. (англиски)