Мала рибарка
| Мала рибарка | |
|---|---|
| |
| Возрасна S. a. sinensis со перје во сезона на парење, Австралија | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Рибарки |
| Род: | Мала рибарка |
| Вид: | Мала рибарка |
| Научен назив | |
| Sternula albifrons Pallas, 1764 | |
| Синоними[2] | |
|
Sterna albifrons | |
Мала рибарка (науч. Sternula albifrons syn. Sterna albifrons) — морска птица од семејството на рибарките (Sternidae) која се среќава во Македонија. Порано беше сместена во родот Sterna, кој сега е ограничен на големите бели рибарки (Bridge et al., 2005). Оваа птица се размножува на крајбрежјата и во копното на умерена и тропска Европа и Азија. Таа е птица преселница, која зимува на крајбрежјата од суптропските и тропските океани, до јужна Африка и Австралија. Има три подвида, номинираниот albifrons кој е распространет во Европа, Северна Африка и западна Азија; guineae кој го има во западна и централна Африка и sinensis во источна Азија и на северните и источните брегови на Австралија (Higgins and Davies, 1996).
Малата рибарка се размножува во колнии на камчињата или песокот на плажите или островите. Гнездото е сместено на земја и во него снесува 2-4 јајца. Како и другите рибарки, таа го брани своето гнездо и малечките и ги напаѓа натрапниците. Слично како другите рибарки, и оваа се храни со риба, нурнувајќи се од лет. Нудењето риба на женката од страна на мажјакот е дел од неговото додворување. Ова е мала рибарка, долга 21-25 см, со распон на крилјата од 41 до 47 см. Тешко ќе се помеша со некоја друга од нејзиното семејство, заради својата големина и белото чело за време на размножувањето. Нејзиниот тенок, остар клун е жолт со црн врв, а нозете, исто така, се жолти. Зимно време, челото е уште поинтензивно бело, клунот црн, а нозете побезбојни. Повикот е гласно, препознатливо крескање.
Малата рибарка на европските реки
уредиНа почетокот од XIX век, малата рибарка била вообичаена птица на европските брегови, реки и езера, но во XX век популацијата на бреговите се намалила заради загубата на живеалиштата и вознемирувањето од страна на луѓето.
Копнените популации се намалија уште повеќе заради регулацијата на реките, изградбата на браните и сл. што ја намали нивната поранешна животна средина. Популацијата на малата рибарка се намали или исчезна во многу европски земји, и поранешни места за размножување на големите реки како Дунав, Елба и Рајна. Денес, само неколку речни системи имаат соодветна животна средина: Лоара/Алие во Франција, Висла/Одра во Полска, По/Тичино во Италија, Даугава во Латвија, Немен во Литванија, Сава во Хрватска и Драва во Унгарија и Хрватска. Популацијата на Драва е една од најзагрозените. Старомодните практики со регулацијата на водата, каналите за наводнување ги загрозуваат паровите. Само 15 пара сè уште се размножуваат на песоците и чакалот на границата на Хрватска и Унгарија.
На малата рибарка се однесува Договорот за заштита на африканско-евроазиските водни птици преселници.
Наводи
уреди- ↑ BirdLife International (2012). „Sterna albifrons“. IUCN Red List. Version 2012.1. International Union for Conservation of Nature. Посетено на 20 May 2013.
- ↑ Sternula albifrons на Avibase
- Bridge, E. S.; Jones, A. W. & Baker, A. J. (2005): A phylogenetic framework for the terns (Sternini) inferred from mtDNA sequences: implications for taxonomy and plumage evolution. Molecular Phylogenetics and Evolution 35: 459–469. PDF fulltext
- Collinson, M. (2006). Splitting headaches? Recent taxonomic changes affecting the British and Western Palaearctic lists. British Birds 99(6): 306-323.
- Harrison, Peter (1988): Seabirds (2nd edition). Christopher Helm, London ISBN 0-7470-1410-8.
- Olsen, Klaus Malling & Larsson, Hans (1995): Terns of Europe and North America. Christopher Helm, London. ISBN 0-7136-4056-1
- Little Tern Архивирано на 28 септември 2017 г.
Надворешни врски
уреди| „Мала рибарка“ на Ризницата ? |
Мала рибарка на Викивидовите ?- „Мала рибарка“ — Енциклопедија на живиот свет
- Sterna albifrons на Flickr: Field Guide Birds of the World
