BirdLife International
BirdLife International е глобално партнерство на природозаштитни организации кое има за цел да ги запази и заштити птиците, нивните живеалишта и глобалната биоразновидност, и за таа цел работи со месните населенија за да се постигне одржливо искористување на природните ресурси. Ова е најголемото партнерство на природозаштитни организации во светот, со преку 100 организации членки од земји на сите континенти. Како такво, BirdLife е врховниот орган за контрола на состојбата на птиците, нивните живеалишта и проблемите со кои се соочуваат.
 | |
| Вид | заштита, добротворност |
|---|---|
| Основано | 1993 |
| Седиште | Кембриџ, Англија |
Клучни личности |  Марко Ламбертини (извршен директор) Принцеза Такамадо (почесен претседател) |
| Доход | 22.987.810 британска фунта (2019)  |
Вработени | 251 (2019) |
| Мреж. место | http://www.birdlife.org/ |
Застапник на BirdLife во Македонија е Македонското еколошко друштво[1]
Историјат Уреди
Организацијата BirdLife International е основана во 1922 г. од американските орнитолози Т. Гилберт Персон и Жан Теодор Делакур како „Меѓународен совет за заштита на птиците“ (англ. International Council for Bird Preservation). Сегашното име го добила во 1993 г.
Регионални активности Уреди
BirdLife води заштитни програми во разни региони од светот: Африка Архивирано на 24 јули 2013 г., Северна, Средна и Јужна Америка Архивирано на 14 октомври 2013 г., Азија Архивирано на 14 октомври 2013 г., Европа и Средна Азија Архивирано на 18 јули 2013 г., на Блискиот Исток Архивирано на 24 јули 2013 г., во Океанија Архивирано на 6 јули 2013 г. и на Карибите Архивирано на 20 јули 2013 г..
Глобални програми Уреди
Во рамките ана секој регион, организацијата спроведува глобални програми: „Глобална програма за морски птици“ Архивирано на 20 јули 2013 г., „Спречување на изумирања“ Архивирано на 20 јули 2013 г., „Патишта на летање“ Архивирано на 13 август 2013 г., „Климатски промени“ Архивирано на 5 септември 2013 г., Шуми на надежта, „Оспособување на месното население“ Архивирано на 4 јули 2013 г. и „Важни птичји подрачја“ Архивирано на 1 мај 2011 г..[2]
Списание Уреди
Организацијата го издава тримесечникот World Birdwatch со новости и стручни написи за птиците, нивните живеалишта и нивната заштита во светот.
Црвен список Уреди
BirdLife International е органот надлежеб за птици во составувањето на црвениот список на Меѓународниот сојуз за заштита на природата (МСЗП, IUCN). Според испитувањата од 2012 г, во светот има 1.313 видови птици што се во некаква опасност од изумирање (т.е. во категориите „Критично загрозени“, „Загрозени“ и „Ранливи“). Ова изнесува 13% од вкупно 10.064 видови на птици во светот.
Поврзано Уреди
Наводи Уреди
- ↑ Партнери на BirdLife: Македонија Архивирано на 2 мај 2013 г. (англиски)
- ↑ англ. Global Seabird Programme, The Birdlife Preventing Extinctions Programme, Flyways Programme, Climate Change Programme, Forests of Hope Programme, Local Empowerment Programme и Important Bird Areas Programme.
Надворешни врски Уреди
- BirdLife International Архивирано на 14 октомври 2013 г. (англиски)
- BirdLife - Информации и факти за сите видови птици во светот Архивирано на 27 октомври 2016 г. (англиски)
Македонски организации Уреди
- Македонско еколошко друштво Архивирано на 6 октомври 2008 г.
- Друштво за проучување и заштита на птиците на Македонија