Магнус Волф Ајкрем
Магнус Волф Ајкрем (роден на 8 август 1990 година) — норвешки фудбалер, играч од средниот ред на Молде и на норвешката репрезентација.
| Магнус Волф Ајкрем | |||
|---|---|---|---|
_-_Norway_national_under-21_football_team_(01).jpg) | |||
| Лични податоци | |||
| Роден на | 8 август 1990 | ||
| Роден во | Молде, Норвешка | ||
| Држава |
 Норвешка | ||
| Висина | 1,73 м | ||
| Позиција | среден ред | ||
| Клупски податоци | |||
| Сегашен клуб |
 Молде | ||
| Број | 7 | ||
| Кариера* | |||
| Години | Клуб | Наст. | (Гол.) |
| 2009-2011 |
 Манчестер Јунајтед | 0 | (0) |
| 2011-2013 |
Молде | 68 | (6) |
| 2013-2014 |
 Херенфен | 13 | (2) |
| 2014 |
 Кардиф Сити | 9 | (0) |
| 2015-2017 |
 Малме | 66 | (12) |
| 2018 |
 Сиетл Саундерс | 15 | (1) |
| 2018- |
Молде | 114 | (32) |
| Репрезентација ‡ | |||
| 2012- |
Норвешка | 17 | (0) |
|
* Ажурирано на: 6 јануари 2011 ** Ажурирано на: 17 ноември 2010 | |||
Технички одлики
уредиОфанзивен играч од средниот ред, кој може да игра насекаде во средината на теренот.
Кариера
уредиРани години
уредиРоден во Молде во норвешкиот округ Мере и Румсдал, Ајкрем ја започнал својата фудбалска кариера како 13-годишник во својот локален клуб, ФК Молде. Тој бил доведен во тимот откако присуствувал на едно од фудбалските училишта во Норвешка на легендата на норвешкиот фудбал Оле Гунар Солшер и покрај тоа што училиштата биле наменети за младите на возраст од 14-16 години. Сепак, тој ги импресионирал тренерите толку многу што му било дозволено да присуствува, за потоа на неговиот 16-ти роденден да потпипше за Манчестер Јунајтед.
Манчестер Јунајтед
уреди
Ајкрем бил редовен стартер за Јунајтед во под-18 тимот во сезоната 2006-07 и му помогнал да стигне до финалето на FA Youth Cup, каде што биле поразени од Ливерпул со 4-3 на пенали откако по двата натпревари вкупниот резултат бил 2-2. Ајкрем бил еден од двајцата играчи на Јунајтед кој промашил пенал во серијата, додека другиот бил капитенот Сем Хјусон.
Ајкрем, исто така, бил капитен на младинскиот тим на Манчестер Јунајтед кој стигнал до финалето на Милк купот во 2007 година, каде загубиле со гол во надополнетото време од бразилскиот тим Флуминенсе. Неколку дена подоцна, тој го одиграл неговиот прв натпревар за првиот тим на Манчестер Јунајтед, влегувајќи како замена за Рајан Гигс во победата со 4-0 над Данфермлајн Атлетик во пред-сезонски пријателски натпревар.
Тој продолжил како редовен член на под-18 тимот во текот и на следната сезона, 2007-08, пред да стане член на резервниот тим во сезоната 2008-09. Во текот на сезоната, тој му помогнал на Јунајтед да го освои второто место во Премиер резервната лига, како и двојната куп круна со победи над Болтон во Манчестер и Ланкашир Сениор куповите.
Откако играл за резервниот тим, во првите четири натпревари од сезоната 2009-10 и постигнал гол во победата од 2-1 над Виган Атлетик, Ајкрем бил награден со повик во првиот тим добивајќи го дресот со бр. 42 за натпреварот против Вулверхемптон од третиот круг на Лига купот.
Истата сезона, Ајкрем бил повикан за натпреварот на Јунајтед од групната фаза во Лигата на шампионите против Волфсбург. Со оглед на тоа што тимот веќе бил пласиран во следната фаза менаџерот Сер Алекс Фергусон решил да одмори некој од својте најдобри фудбалери и покрај Ајкрем од младинскиот тим ги повикал уште и Џо Дјуџон, Мати Џејмс, Камерон Стјуарт.
Молде
уредиВо јануари 2011 година, тој направил трансфер назад во норвешки тим Молде, враќајќи се така одново на соработка со неговиот некогашен менаџер од резервниот тим на Манчестер Јунајтед Оле Гунар Солшер. Во својата прва сезона, Ајкрем одиграл 27 натпревари и постигнал 4 гола со кој му помогнал на тимот кој да ја освои Норвешката Премиер лига за првпат во нивната историја.
Следната сезона тој одиграл 28 натпревари за Молде, кој го одбранил насловот од претходната сезона.
Херенфен
уредиНа 24 јуни 2013, Ајкрем потпишал четиригодишен договор со холандскиот Херенфен.[1] Своето деби во Ередивиси го направил во победата со 4–2 на домашен терен над Аз Алкмар.[2] Својот прв гол за Херенфен го постигнал на 23 август 2013, против Ајакс.[3]
Кардиф
уреди
На 8 јануари 2014, велшкиот клуб Кардиф Сити објавил дека потпишале договор со Ајкрем за необјавена сума и времетраење.[4][5] Во клубот од Премиер лигата тој повторно соработувал со Оле Гунар Солшер, во трет различен клуб по Молде и претходно во резервниот тим на Манчестер Јунајтед. Тој го направил своето деби три дена подоцна, влегувајќи како замена од клупата за резерви на местото на Гари Медел во 66-тата минута во поразот на домашен терен од Вест Хем Јунајтед. Сезоната 2013-2014 ја завршил со 6 настапи во лигата и 2 во ФА купот, не успевајќи да му помогне на Кардиф да избегне испаѓање во Чемпионшип по само една сезона во највисокото ниво во англискиот фудбал.
По слабиот старт на сезоната 2014-2015, Солшер бил отпуштен, а неговиот заменик, Расел Слајд, веднаш го ставил Ајкрем на трансфер листата.[6] На 19 декември 2014 година, Ајкрем го раскинал договорот со взаемна согласност откако не играл под водство на Слајд, забележувајќи само 3 настапи во текот на целата полусезона.[7]
Малме
уредиНа 26 јануари 2015, Ајкрем потпишал тригодишен договор со шведскиот шампион Малме.[8] На 22 февруари 2015, Ајкрем постигнал гол и забележал две асистенции во својот прв официјален натпревар за клубот, победата во купот над Асириска со 3–0.[9]
Сиетл Саундерс
уредиНа 30 јануари 2018, Ајкрем потпишал за Сиетл Саундерс.[10] Дебитирал за Саундерс на 2 март 2018, во победата со 4-0 на домашен терен над салвадорската екипа Санта Текла во КОНКАКАФ Лигата на шампионите. Два дена подоцна дебитирал во МЛС лигата во поразот со 0-1 од ФК Лос Анџелес. Својот прв погодок за Сиетл го постигнал на 10 јуни 2018, во победата на домашен терен со 2-1 над Ди Си Јунајтед.
Клупска статистика
уредиСтатистиката е ажурирана на 14 јули 2018.
| Сезона | Клуб | Првенство | Национален куп | Континентален куп | Суперкуп | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2009-2010 |  Манчестер Јунајтед |
ПЛ | 0 | 0 | ФАКуп+ЛК | 0 | 0 | ЛШ | 0 | 0 | КШ | 0 | 0 | 0 | 0 |
| авг.-дек. 2010 | ПЛ | 0 | 0 | ФАКуп+ЛК | 0 | 0 | ЛШ | 0 | 0 | КШ | 0 | 0 | 0 | 0 | |
| Вкупно Манчестер Јунајтед | 0 | 0 | 0 | 0 | 0 | 0 | 0 | 0 | 0 | 0 | |||||
| 2011 |  Молде |
ТЛ | 28 | 4 | КН | 3 | 1 | - | - | - | - | - | - | 31 | 5 |
| 2012 | ТЛ | 27 | 0 | КН | 4 | 1 | ЛШ+ЛЕ | 4+6[11] | 1+1 | СН | 1 | 0 | 39 | 3 | |
| јан.-јун. 2013 | ТЛ | 13 | 2 | КН | 1 | 1 | ЛШ | - | - | - | - | - | 14 | 3 | |
| Вкупно Молде | 68 | 6 | 8 | 3 | 10 | 2 | 1 | 0 | 87 | 11 | |||||
| 2013-јан. 2014 |  Херенфен |
ЕД | 13 | 2 | КНВБ | 4 | 0 | - | - | - | - | - | - | 16 | 2 |
| јан.-јун. 2014 |  Кардиф Сити |
ПЛ | 6 | 0 | ФАКуп+ЛК | 2+0 | 0 | - | - | - | - | - | - | 8 | 0 |
| авг.-дек. 2014 | ЧЕМ | 3 | 0 | ФАКуп+ЛК | 0+2 | 0 | - | - | - | - | - | - | 5 | 0 | |
| Вкупно Кардиф Сити | 9 | 0 | 4 | 0 | - | - | - | - | 13 | 0 | |||||
| 2015 |  Малме |
А | 28 | 7 | КШ | 9 | 4 | ЛШ | 7 | 0 | - | - | - | 44 | 11 |
| 2016 | А | 23 | 4 | КШ | 1 | 0 | - | - | - | - | - | - | 24 | 4 | |
| 2017 | А | 15 | 1 | КШ | 0 | 0 | ЛШ | 2 | 0 | - | - | - | 17 | 1 | |
| 2018 |  Сиетл Саундерс |
МЛС | 15 | 1 | УСО | 0 | 0 | КЛШ | 2 | 1 | - | - | - | 17 | 2 |
| Вкупно | 171 | 21 | 26 | 7 | 21 | 3 | 1 | 0 | 218 | 31 | |||||
Титули
уреди
Молде
уреди
- 2011, 2012, 2019, 2022
- Куп на Норвешка : 2
- 2013, 2021-2022
Малме
уреди
- 2016, 2017
Наводи
уреди- ↑ Leeuwen, Gerrit van (24 June 2013). „Transfer News: Heerenveen sign Magnus Wolff Eikrem and Yanic Wildschut“. Sky Sports. Посетено на 30 September 2013.
- ↑ Sylvarnes, Truls Grane (3 August 2013). „Wolff Eikrem vant den norske midtbaneduellen“ (норвешки). TV 2. Посетено на 8 September 2013.
- ↑ Hugsted, Christian M. (23 August 2013). „Wolff Eikrem scoret sitt første mål i Nederland“ (норвешки). Dagbladet. Посетено на 8 September 2013.
- ↑ „City sign Magnus Wolff Eikrem“. cardiffcityfc.co.uk. Cardiff City FC. 8 January 2014. Посетено на 8 January 2014.
- ↑ „Cardiff City sign Norwegian midfielder Magnus Wolff Eikrem“. BBC Sport. British Broadcasting Corporation. 8 January 2014. Посетено на 8 January 2014.
- ↑ „Bruno Ecuele Manga and Ravel Morrison are Cardiff injury doubts“. BBC Sport. 7 November 2014. Посетено на 1 November 2015.
- ↑ „Cardiff City: Magnus Wolff Eikrem leaves the Bluebirds“. BBC Sport. 19 December 2014. Посетено на 1 November 2015.
- ↑ „Välkommen till MFF, Magnus Wolff Eikrem“. mff.se (шведски). Malmö FF. 26 January 2015. Архивирано од изворникот на 28 January 2015. Посетено на 26 January 2015.
- ↑ „Malmö FF 3–0 Assyriska FF“. svenskfotboll.se (шведски). The Swedish Football Association. 22 February 2015. Посетено на 23 February 2015.
- ↑ https://www.soundersfc.com/post/2018/01/30/sounders-fc-signs-norwegian-midfielder-magnus-wolff-eikrem
- ↑ Сите настапи во Лигата на шампионите и два во Лига Европа, со два гола, биле во преелиминарните рунди.
Надворешни врски
уреди- Профил Архивирано на 28 март 2012 г. на moldefk.no
- Магнус Ајкрем Архивирано на 25 мај 2012 г. на BBC Sport