ФК Кардиф Сити

Кардиф Сити
Кардиф Сити
Целосно име	Cardiff City Football Club
Прекар	Сините птици
Основан	1899 (како Риверсајд А.Ф.К.)
Стадион	Кардиф Сити Стадион; Кардиф, Велс
Капацитет	33,280
Сопственик	Винсент Тан
Претседател	Мехмет Далман
Менаџер	Нил Ворнок
Лига	Чемпионшип
2018-2019	Премиер лига, 18. место (испаѓање)
Мреж. место	Официјално мрежно место
	Тековна сезона

Кардиф Сити фудбал клуб или ФК Кардиф Сити е професионален Фудбалски клуб со седиште во Кардиф, Велс. Клубот се натпреварува во англискиот фудбалски систем и моментално игра во Чемпионшип. Тие се најдобро поддржан фудбалски клуб во Велс, со просечна посетеност од 22.139 на нивните домашни натпревари во сезоната 2011-2012.

Својте домашни натпревари тие ги играат на нивниот дом Стадион на Кардиф Сити, каде се преселиле во 2009 година по 99 години играње на Нинијан парк.

Историја

Кардиф Сити е основан во 1899 година и е единствениот не-англиски клуб кој успеал да освои било кој од трите главни Англиски натпреварувања. Тие го освоиле ФА Купот во 1927 година, во текот на една деценија, кога тие биле еден од најсилните тимови во Англиската лига, завршувајќи на второ место во сезоната 1923-1924 и, исто така, играле во уште едно финале на ФА Купот во кое загубиле со 1-0 од Шефилд Јунајтед во 1925. Тие исто така биле редовни победници на Велшкото првенство, како и победници на купот во сезоната 1966-1967 со што стекнале право за учество во Купот на победниците на Куповите, достигнувајќи до полуфиналето во сезоната 1967-1968. Тие играле во старата Прва Дивизија во периодите од 1921-1929, 1952-1957 и 1960-1962.

Во 1986 година, тие испаднале во Четвртата дивизија, и во текот на следните 14 години останале близу зоната за испаѓање од лигата трипати. Во 1996 година тие биле трети од назад во лигата и за малку избегнале испаѓање. Сепак, со победа во плејофот Втората дивизија во 2003 година тие обезбедиле промоција во Првата дивизија; Во сезоната 2008-09 тие не успеале да се пласираат во баражите за Премиер лигата, само заради помалиот број на постигнати голови од Престон во последниот ден од сезоната. Меѓутоа, во сезоната 2009-10 тие успеале да обезбедат место во плејофот за Премиерлигата. Во полуфиналето тие одиграле со вкупен резултат 3-3 по двата натпревари против Лестер Сити, пред да издвојуаат победа со 4-3 на пенали. Во финалето тие биле поразени со 3-2 од тимот на Блекпул на Вембли иако имале водство во резултатот на двапати. Следната сезона тимот го освои четвртото место на табелата повторно, но ја завршиле сезоната со пораз од 3-0 на вкупен резултат од Рединг во плеј-оф полуфиналето. Менаџер Дејв Џонс наскоро се разделил со клубот, и бил заменет од страна на Mалки Меки.

Генерално, Кардиф Сити одиграле 15 сезони во Англиската Топ фудбалска дивизија и се нагоѓаат на 39. место на најуспешните клубови во англиската фудбалски лига врз основа на бодовите освоени за време на периодот кога се натпреварувале во највисоката лига по ранг во Англија.

Во 2012 година, Кардиф Сити е ребрендиран од страна на новите малезијски сопственици на клубот, Винсент Тан и Чан Тјенги. Во ова се вклучени промена на домашните бои на клубот и амблемот, иако нивниот прекар, Bluebirds, останал ист. Алан Витли од одборот на директори, изјавил дека: "ребрендирањето е дизајн кој ќе му помогне на клубот да ги прошири своите апетити." Мнозинството од навивачите биле против измените, но сепак тие биле лесно прифатени.

Играчи

Моментален состав

Од 17 август 2017 година.

Бр.	Позиција	Играч
1	ГМ	Нил Етериџ
2	ОД	Ли Пелтијер
3	ОД	Џо Бенет
4	ОД	Шон Морисон (капитен)
5	ОД	Бруно Екуеле Манга
6	ОД	Џез Ричардс
7	СР	Гари Артер
8	СР	Џо Ралс
9	НП	Дени Ворд
10	НП	Кенет Зохоре
11	СР	Кадим Харис
13	СР	Ентони Пилкингтон
14	ОД	Сол Бамба
15	ОД	Грег Халфорд
16	ОД	Метју Коноли
17	СР	Арон Гунарсон

Бр.	Позиција	Играч
18	ОД	Калум Петерсон
19	СР	Натаниел Мендез-Ланг
20	СР	Лоик Дамур
21	СР	Крег Нун
22	СР	Стјуарт О'Киф
23	СР	Мати Кенеди
24	ОД	Деклан Џон
25	ГМ	Нил Етериџ
26	НП	Фредерик Гунонгбе
27	НП	Ибрахим Меите
28	ГМ	Брајан Марфи
30	НП	Омар Богл
31	СР	Марк Харис
33	СР	Џуниор Хојлет
34	ОД	Камерон Кокс
37	НП	Рис Хили