Лаура Бјаџоти
Лаура Бјаџоти (итал. Laura Biagiotti, родена во 1943 година во Рим, Италија, почина 26 мај 2017 година) е италијански моден творец.
| Лаура Бјаџоти | ||
.jpg)
| ||
| Родена | 4 август 1943 Рим, Италија | |
|---|---|---|
| Починала | 4 мај 2017 (возр. 73) Рим, Италија | |
| Националност | Италијанка | |
| Позната | моден творец | |
Животопис
уредиЛаура Бјаџоти студирала книжевност во Рим, а имала желба да стане археолог. Во светот на модата влегла така што почнала да ѝ помага на својата мајка која работела како кројачка, а својата прва колекција ја претставила во 1972 година.
Извесно време живеела во Пекинг, а била и првиот италијански моден творец кој ја претставил својата колекција во Кина, на 25 април 1988 година.
Лаура Бјаџоти е претседател на Комитетот Леонардо, здружение кое ја доделува годишната награда на италијанските дизајнери за нивните придонеси во подобрување на сликата на Италија во светот.
Награди
уреди- На венецијанскиот филмски фестивал во 1985 година ја добила специјалната награда Златен лав за мода.
- Во 1992 година во Њујорк ја примила наградата за Жена на годината.
- Една година подоцна во Пекинг ѝ е доделена наградата Марко Поло.
- Во 1995 год. добила признание за својата работа од страна на тогашниот италијански претседател Оскар Лујџи Скалфаро.
- Во 2002 година, во част на 30 години од кариерата, италијанската Пошта издала марка посветена на Лаура Бјаџоти во вредност од 0,41 евра.
- Во април 2004 година изабрана е за моден советник во националната Комора за мода.
- Во 2007 година во Венеција ѝ е деделена наградата Златен лав за мода, во рамките на филмскиот фестивал во Венеција.
Историски модни ревии
уреди- 25 април 1988 год.: во Пекинг 30 манекенки ги носат најзначајните творби на Лаура Бјаџоти.
- 5 февруари 1995 год.: Лаура Бјаџоти е првиот италијански моден творец кој ја претставил својата колекција во Москва.
- 1997: На покана од Сузан Мубарак, сопруга на египетскиот претседател, италијанскиот творец ја претставува својата колекција во Каиро, во корист на локалниот Црвен крст.
Надворешни врски
уреди- Официјално мрежно место (италијански) (англиски)
- Презентација на Комитетот Леонардо Архивирано на 28 октомври 2008 г. (англиски) (италијански)