Кенан Јилдиз
Кенан Јилдиз (роден на 4 мај 2005 година, во Регенсбург) — турски фудбалер, напаѓач на Јувентус и на турската репрезентација.
| Кенан Јилдиз | |||
|---|---|---|---|
| Лични податоци | |||
| Роден на | 4 мај 2005 | ||
| Роден во | Регенсбург, Германија | ||
| Држава |
 Германија Турција (од 2021) | ||
| Висина | 1,85 м | ||
| Позиција | напаѓач | ||
| Клупски податоци | |||
| Сегашен клуб |
 Јувентус | ||
| Број | 10 | ||
| Младинска кариера | |||
 Салерн Регенсбург | |||
 Јан Регенсбург | |||
 Бајерн Минхен | |||
|
Јувентус | |||
| Кариера* | |||
| Години | Клуб | Наст. | (Гол.) |
| 2022-2023 |
.png){kind=small} Јувентус Некст Џен | 14 | (2) |
| 2023- |
Јувентус | 62 | (9) |
| Репрезентација | |||
| 2021-2022 |
Турција 17 | 10 | (3) |
| 2022- |
Турција 21 | 8 | (2) |
| 2023- |
Турција | 21 | (2) |
Биографија
уредиРоден е и израснат во Германија од татко турчин и мајка германка,[1] избирајќи ја за својата спортска националност земјата на неговиот татко.[2]
Технички карактеристики
уредиНеговата примарна позиција е втор напаѓач, кој исто така добро игра како крилен напаѓач, бидејќи добро се снаоѓа и со двете нозе.[2] Има одлична техника, визија за играта и додавања.[3]
Клупска кариера
уредиСвоите први чекори ги направил во Салерн и Јан Регенсбург, екипи од неговиот роден град, пред да се пресели, на седумгодишна возраст, во Бајерн Минхен во кој ја поминал речиси целата своја младинска кариера;[4] во неговата последна сезона во Баварија забележал 20 настапи и 6 гола, а исто така дебитирал во УЕФА Младинската лига.[4]
Во летото 2022 година, тој се преселил во Јувентус со слободен трансфер.[5] Првично, тој бил вклучен во Примавера тимот, каде под водството на тренерот Паоло Монтеро, во сезоната 2022-2023 забележал вкупно 37 настапи и 15 гола.[6] Наскоро потоа, тој започнал да се приклучува на Јувентус Нект Џен, вториот тим на Јувентус кој се натпреварувал во Серија Ц, со кој го направил своето професионално деби на 17 декември 2022 година, под водството на тренерот Масимо Брамбиља, во поразот на домашен терен со 0-3 од Виртус Верона.[6]
Во сезоната 2023-2024, тој бил потврден како постојан член во Некст Џен тимот, со кој на 23 септември го постигнал својот прв гол во својата професионална кариера, отворајќи го резултатот во победата со 1-2 на гостувањето кај Анкона во рамките од петтото коло на Серија Ц првенството,[7] додека во меѓувреме бил вклучен и во првиот тим на бјанконерите од Масимилијано Алегри,[8] со кој дебитирал во Серија А, на 20 август во победата со 0-3 на гости против Удинезе.[4] На 23 декември истата година, на своето деби како стартер за првиот тим на Јувентус, тој го постигнал својот прв гол за клубот, отворајќи го резултатот во победата со 1-2 на гостувањето кај Фрозиноне:[9] со ова, на возраст од 18 години и 233 дена, тој станал најмладиот странски стрелец во првенствен натпревар за Јувентус во историјата на клубот од Торино, соборувајќи го претходниот рекорд на Марсело Залајета.[10][11] На 4 јануари 2024 година, на своето деби во Купот на Италија, во успехот со 6-1 против Салернитана во осминафиналето, тој го постигнал петтиот погодок за својот тим во натпреварот.[12] Својата прва сезона со првиот тим на Јувентус ја затворил со освојување на трофејот во Купот на Италија, влегувајќи како замена во финалето одиграно во Рим на 15 мај, во кое Јувентус ја совладал Аталанта со 1-0.[13]
За сезоната 2024-2025, тој го носел дресот со „број десет“,[14] со кој на својот грб дебитирал на 19 август 2024 во првенствената победа со 3-0 на домашен терен над Комо, во која забелажал асистенција за голот на Тимоти Веа.[15] На 17 септември 2024 година, тој го имал своето деби во натпреварувањата на УЕФА со гол во победата од 3-1 на домашен терен над ПСВ: со 19 години и 136 дена, тој станал најмладиот стрелец на Јувентус во Лигата на шампионите, надминувајќи го Алесандро Дел Пјеро.[16] На 27 октомври, тој ги постигнал своите први два гола во Серија А за сезоната, помагајќи им на „бјанконерите“ да ја анулираат негативата од 4-2 и да стигнат до реми 4-4 на стадионот „Џузепе Меаца“ против Интер:[17] така, со 19 години и 176 дена, тој станал најмладиот играч кој постигнал два гола во историјата на Дерби д’Италија.[18] На 3 јануари 2025 година, тој постигнал гол на своето деби во Суперкупот на Италија, давајќи му на Јувентус привремено водство во полуфиналето против Милан, подоцна загубено со 1-2.[19] На 27 април 2025, во натпреварот против Монца добиен со 2-0, тој го добил првиот црвен картон во кариерата поради удар со лакт во лицето на противничкиот играч Алесандро Бјанко.[20] Поради ова тој добил суспензија од два натпревари,[21] но се вратил на време за последните два натпревари помагајќи му на клубот да оствари две победи и да се квалификува за следната сезона на Лигата на шампионите: најпрво, тој забележал две асистенции во победата од 2-0 над Удинезе,[22] а потоа постигнал гол во победата од 2-3 на гостувањето кај Венеција.[23]
Репрезентативна кариера
уредиИако имал можност да игра и за Германија, Јилдиз се одлучил да ја претставува Турција на репрезентативни ниво, играјќи најпрво за селекцијата под 17 години, за која во периодот 2021-2022 забележал 10 настапи и 3 гола.[24]
На 27 септември 2022 година, дебитирал за турската репрезентација под 21 година, влегувајќи како замена во пријателскиот натпревар против Грузија.[25] Својот прв гол за истата репрезентација го постигнал на 27 март 2023 година, во победата со 4-2 против Косово во Анталија, исто така во пријателски натпревар.[26] Досега за репрезентацијата под 21 година има 8 настапи и 2 гола.
Во октомври 2023 година, го добил својот прв повик во сениорската репрезентација,[27] правејќи го своето деби на 12 октомври 2023, во победата со 0-1 на гости над Хрватска, во квалификациите за Европското првенство 2024.[28] На 18 ноември, во неговиот втор настап, тој го постигнал својот прв гол, во победата со 2-3 во пријателскиот натпревар против Германија.[29]
Во мај 2024 година, тој се нашол на првичниот список со играчи на селекторот Винченцо Монтела, за Европското првенство 2024 во Германија.[30] Откако следниот месец бил потврден во конечниот список,[31] на 18 јуни 2024 година, тој го направил своето деби започнувајќи како стартер во првиот натпревар на Турција, во Дортмунд против Грузија, добиен со 3-1 (во натпреварот, исто така, му бил поништен гол):[32] тој бил користен во сите пет натпревари на на турнирот на турците, чие патување завршило во четвртфиналето против Холандија.[33]
Хронологија на репрезентативните настапи
уреди
.svg){kind=small}
Статистика
уредиКлупска статистика
уредиСтатистиката е ажурирана на 20 мај 2024.
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2022-2023 |  Јувентус Некст Џен |
Ц | 7 | 0 | КИ-Ц | 1 | 0 | - | - | - | - | - | - | 8 | 0 |
| 2023-2024 | Ц | 7 | 2 | КИ-Ц | 0 | 0 | - | - | - | - | - | - | 7 | 2 | |
| Вкупно Јувентус Некст Џен | 14 | 2 | 1 | 0 | - | - | - | - | 15 | 2 | |||||
| 2023-2024 | Јувентус |
А | 26 | 2 | КИ | 5 | 2 | - | - | - | - | - | - | 31 | 4 |
| 2024-2025 | А | 35 | 7 | КИ | 2 | 0 | ЛШ | 10 | 1 | СИ+Скп | 1+0 | 1+0 | 48 | 9 | |
| Вкупно Јувентус | 62 | 9 | 7 | 2 | 10 | 1 | 1 | 1 | 80 | 13 | |||||
| Вкупно во кариерата | 76 | 11 | 8 | 2 | 10 | 1 | 1 | 1 | 95 | 15 | |||||
Титули
уреди
|
Куп на Италија : 1
Наводи
уреди- ↑ Giacomo Iacobellis (2024-01-12). „Kenan Yildiz, è nata una star: 5 curiosità che forse non sapevate sul talento della Juve“.
- ↑ 2,0 2,1 Cristiano Corbo (2023-12-23). „Juventus, chi è Yildiz: il talento a disposizione di Allegri in gol a Frosinone“.
- ↑ „Chi è Kenan Yildiz, l'ultimo talento accostato alla Juve“. Juventus News - Ultime Notizie Juve - il BiancoNero. 6 August 2022.
- ↑ 4,0 4,1 4,2 Carlotta Parisi (2023-08-20). „Juventus, chi è Kenan Yildiz: il classe 2005 che ha esordito in Serie A“.
- ↑ Juventus FC Youth [@JuventusFCYouth] (2022-07-12). „#Under19 | Ufficiale il passaggio in bianconero di Kenan Yildiz, centrocampista classe 2005, e di Ivano Srdoc, attaccante classe 2005. Entrambi si legano alla Juventus fino al 2025. Benvenuti!“ (Tweet) – преку Twitter.
- ↑ 6,0 6,1 „Kenan Yildiz rinnova con la Juventus!“. 2023-08-30.
- ↑ „Next Gen | Ancona - Juventus | La Sintesi“. 2023-09-23.
- ↑ „Huijsen e Yildiz entrano a far parte della Prima Squadra della Juventus“. 2023-11-07.
- ↑ „Frosinone-Juventus | La sintesi“. 2023-12-23.
- ↑ OptaPaolo [@OptaPaolo] (2023-12-23). „Today Kenan Yildiz became the youngest foreign goalscorer in the Juventus history in Serie A (18 years and 233 days). Future“ (Tweet) – преку Twitter.
- ↑ „Kenan Yildiz, primo gol con la Juve! Gioiello da record“. 2023-12-23.
- ↑ „Coppa Italia | Juventus-Salernitana | La sintesi“. 2024-01-04.
- ↑ „La Coppa Italia è nostra!“. 2024-05-15.
- ↑ „Ufficiale | Kenan Yildiz, rinnovo e maglia numero 10“. 2024-08-16.
- ↑ Juventus-Como 3-0, buona la prima di Thiago Motta comunicazione italiana 19.08.2025
- ↑ Davide Bighiani (2024-09-17). „Yildiz, che esordio! Gol alla Del Piero, prima di Alex: è il più giovane juventino di sempre in Juventus-PSV“.
- ↑ „Inter - Juventus da fantascienza“. 27 октомври 2024.
- ↑ „NUMERI | YILDIZ, le statistiche della sua partita“. 27 октомври 2024.
- ↑ „Il Milan conquista la finale“. 3 јануари 2025.
- ↑ „Yildiz espulso per gomitata a Bianco“ (италијански). La Gazzetta dello Sport. 27 април 2025. Посетено на 10 јуни 2025.
- ↑ „Yildiz squalificato per due giornate: salterà le sfide Champions con Bologna e Lazio“ (италијански). Repubblica.it. 29 април 2025. Посетено на 10 јуни 2025.
- ↑ „Yildiz decisivo con due assist contro l'Udinese“ (италијански). onefootball. 26 мај 2025. Посетено на 10 јуни 2025.
- ↑ „La Juve vince a Venezia: i bianconeri conquistano l'accesso in Champions“ (италијански). lottomatica.sport. 26 мај 2025. Посетено на 10 јуни 2025.
- ↑ „Kenan Yıldızı Ajax ve Juventus transfer etmek istiyor“. Fanatik. 12 August 2022.
- ↑ Mario Tramo (2022-09-29). „Juventus, momento d'oro per Kenan Yildiz. Debutto in nazionale per la stella“.
- ↑ „Turchia U21, Yildiz show in Nazionale: gol e magie contro il Kosovo“. 2023-03-27.
- ↑ „I giorni speciali di Yildiz: non solo derby, Montella lo convoca per la prima volta con la Turchia“. 2023-10-06.
- ↑ „Kenan Yildiz, esordio con la Turchia“. 2023-10-13.
- ↑ „Germania-Turchia 2-3: lo juventino Yildiz segna e poi esulta alla Del Piero“. 2023-11-18.
- ↑ „A Millî Takımımızın EURO 2024 Geniş Kadrosu Açıklandı“ (турски). 24 мај 2024.
- ↑ „A Millî Takımımızın EURO 2024 Kadrosu Açıklandı“ (турски). 7 јуни 2024.
- ↑ „International Recap | Esordio a Euro2024 e successo per Yildiz“. 19 јуни 2024.
- ↑ „La rapida ascesa di Yildiz: "Indossare la 10 della Juve è un onore ma anche una responsabilità"“. 25 октомври 2024.
