Земерда

град во Германија

Земерда (германски: Sömmerda) — град близу Ерфурт, во Тирингија, Германија, на реката Унштрут. Тој е административен центар на истоимениот округ.

Земерда
Стариот дел на градот
Стариот дел на градот
Грб на Земерда
Земерда is located in Германија
Земерда
Управа
Земја Германија
Покраина Тирингија
Округ Земерда
Градоначалник Ралф Хауболт (Левица)
Основни податоци
Површина 80,70 км2
Надм. височина 130-140 м
Население 19.034 (31 декември 2018)[1]
 - Густина 236 жит/км2
Други информации
Часовен појас CET/CEST (UTC+1/+2)
Рег. табл. SÖM
Пошт. бр. 99601–99610
Повик. бр. 03634
Портал www.soemmerda.de
Местоположба на градот Земерда во рамките на округот Земерда
Карта
Координати 51°9′42″N 11°7′1″E / 51.16167° N; 11.11694° E / 51.16167; 11.11694Координати: 51°9′42″N 11°7′1″E / 51.16167° N; 11.11694° E / 51.16167; 11.11694

ИсторијаУреди

 
Градски ѕид
 
Воденица

Археолошките ископувања во областа на денешниот град Земерда, порано Лојбинген, имаат пронајдено човечки остатоци кои потекнуваат околу 2000 година п.н.е..

Земерда бил првпат споменат во официјалните документи во 876 н.е.. Веројатно станал град околу 1350, но не постојат докази за овој настан. Една градска порта од 1395 и шест кули од старите градски ѕидини се зачувани и денес.

Во текот на Триесетгодишната војна (1618–1648), Земерда бил во срцето на воените борби и војниците од двете страни го ограбувале градот, поради што се преполовило населението.

Во 1840, Јохан Николаус фон Драјсе го пронашол пиштолот со игла и била основана фабрика за оружје во градот. Во 1919, компанијата Rheinmetall ја презела фабриката, подоцна наречена Рајнметал-Борзиг и отпрвин произведувала автомобилски делови. Првично имала мал успех со производството на карбуратори, потоа во 1925 амбициозниот нов менаџер, инженерот Фриц Фауди ја преземал и развил нов вид на зглоб, кој станал исклучително популарен. Системот Рајнметал-Фауди бил добро познато име и фабриката во Земерда била најголем производител во Германија.

Во април 1912, фабриката се вратила на производство на оружје прекршувајќи ги повоените одредби кои забранувале производство на оружје. Од октомври 1922, фабриката го произведувало целокупното количество на бушони во Германија, кое било допуштено од сојузниците и исто така започнала со производство на новата автоматска пушка МГ30 под водство на Луј Шмајсер.

Во септември 1944, Рајнметал-Борсиг станала надворешен камп на концентрациониот камп Бухенвалд. Околу 1.294 женски затворенички биле присилени на принудна работа во кампот, на возраст помеѓу 16 и 60 години, повеќето Евреи од Унгарија. Жените помагале при изработката на делови на оружјето и воените возила кои се користеле во војната; две нови работилници биле изградена тука во 1944 и 1945. СС го евакуирале кампот на почетокот на април 1945, испраќајќи ги затворениците и надгледувачите на посмртен марш, кој завршил близу П’лзењ, Чехословачка.

Денес на специјални гробишта во Земерда се наоѓаат гробовите и споменици на затворениците во кампот, присилените работници и воените затвореници.

На 11 април 1945 пристигнале Американците и ја затекнала напуштената фабрика, која сепак не била оштетена од бомбардирањето. Неколку денови подоцна, Тирингија била окупирана од Русите, кои продолжиле со производство во фабриката, вработувајќи помеѓу 1.000 и 1.500 работници. Производството се вратило на автомобилски делови до 1950-тите, кога повторно се започнало со производство на оружје. Подоцна, Рајнметал-Борсиг станала денешната компанија Rheinmetall DeTec AG.

По Втората светска војна, градот се нашол на територија на новосоздадената Источна Германија, а фабриката станала општествена, но го користела истото име и лого.

ГрбУреди

Грбот на градот е штит со две поделени полиња хоризонтално; горната половина има црн орел со црвен јазик и е свртен на десно, додека долната половина е црвена со сребрено тркало.

Меѓународни односиУреди

Земерда е збратимен со:

НаводиУреди

  1. „Население по општини, надлежни општини и општински заедници во Тирингија“. Статистичка служба на Тирингија. 31 December 2018. (германски)

Надворешни врскиУреди

Официјална страница на градот