Атли

Атли (грчки: Καβαλλάρης, Каваларис, до 1927 Αατλή Атли) — село во Општина Кукуш во Кукушкиот округ, Егејска Македонија, денес во областа Централна Македонија, Грција.

Атли Καβαλλάρης
Атли
Координати: 41°16′40″N 22°47′10″E
Земја	Грција
Област	Централна Македонија
Округ	Кукуш
Население
• Вкупно	79
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа на 40 километри северно од градот Кукуш и на 2 километри од грчко-македонската граница, во близина на североисточниот брег на Дојранското Езеро, во јужното подножје на планината Беласица. Селото се наоѓа на надморска висина од 290 метри.

Историја

Во XIX век, Атли било турско село во Дојранската каза на Отоманското Царство. Во „Етнографија на вилаетите Адријанопол, Монастир и Салоника“ се вели дека во 1873 г. селото се состоело од 36 куќи и 82 муслимани.

Според статистиката на Васил К’нчов („Македонија. Етнографија и статистика“) во 1900 година селото има 150 жители Турци и 84 Роми.

По Втората балканска војна селото било вклучено во составот на Грција. Дел од населението побегнало во Бугарија и на негово место било населено грчко население. Во 1927 години селото било прекрстрно во Каваларис.

Демографија

Во 1928 година селото било бегалско со 70 семејства и 204 жители-бегалци. додека во 1940 година селото броело 363 жители. Во текот на Втората светска војна, како и во текот на Грчката граѓанска војна, селото настрадало. Поради тоа, голем дел од населението го напуштило селото и заминало на побезбедно место. Селото не се спомнува во пописот од 1951 година, додека во пописот од 1961 година, во селото живееле 113 жители, во 1971 година имало 44 жители, во 1981 година имало 15 жители, додека во 1991 година имало 71 жител. Денеска, населението на селото е 79 жители.

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	363	—	113	44	15	71	—	79

Извор за 1940-1991 г.: Т. Симовски, Населените места во Егејска Македонија