Прерија

Прерија (од фр. prairie = ливада) е биом сочинет од пространа рамнина обрасната со треви и без дрвја. Се одликува со умерена клима и умерени врнежи од дожд. Вакви се и пампите во Јужна Америка и степите во Евроазија.

Прерија во Јужна Дакота, САД

Подрачјата што го носат името „прерии“ обично се среќаваат во Северна Америка, поточно сите т.б. „внатрешни низини“ во САД, Канада и Мексико, каде спаѓаат Големите Рамнини како и повлажните и поридести предели на исток. Во САД, ваквите предели предоминираат во Северна Дакота, Јужна Дакота, Небраска, Канзас и Оклахома, и значајни делови од Монтана, Вајоминг, Колорадо, Ново Мексико, Тексас, Мисури, Ајова, Илиноис, Индијана, Висконсин и западна и јужна Минесота. Централната Долина во Калифорнија исто така е прерија. Канадските Прерии заземаат огромни површини од Манитоба, Саскачеван и Алберта.

Преријата како тема во уметноста и во популарната култура

• „Прериска кучка“ (англиски: Prairie Bitch) — песна на британската рок-група Касандра комплекс (The Cassandra Complex) од 1986 година.
• „Прериски пожар“ (англиски: Prairie Fire) - песна на американската рок-група Лонг рајдерс (The Long Ryders) од 1987 година.
• „Прериска роза“ (англиски: Prairie Rose) - песна на британската рок-група Рокси Мјузик (Roxy Music)“ од 1974 година.

Поврзано

• Ливада
• Пампа
• Пасиште
• Рамница
• Савана
• Степа
• Велд
• Плавна ливада

Надворешни врски

• Институт за прериски рамнини (англиски)
• Важноста на пожарот за прериите (англиски)