Превртенец
Превртенец (грчки: Δελικλή Καγιά, Деликли Ќаја) — поранешно село во Воденско, Егејска Македонија, дел од денешната Општина Вртикоп, во Централна Македонија, Грција.
| Превртенец Δελικλή Καγιά | |
|---|---|
  Превртенец | |
|
Местоположба во областа   Превртенец | |
| Координати: 40°51′N 22°07′E / 40.850° СГШ; 22.117° ИГД | |
| Земја | Грција |
| Област | Централна Македонија |
| Округ | Постол |
| Општина | Вртикоп |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото се наоѓало во непосредна близина на селото Врбени, на самиот пат од градот Вртикоп за градот С’ботско.[1]
Сместено е на 10 километри северно од општинското средиште Вртикоп.
Историја
уредиПревртенец била мала чифлигарска населба, која македонските жители го напуштиле селото пред 1913 година поради разбојништва и се засолниле во селото Цакони, Мегленско.[1]
Стопанство
уредиГлавно занимање на населението било земјоделството.
Население
уредиВо „Етнографија на Адријанопол, Монастир и Салоника“ се вели дека во 1873 г. Привиртенец (Privirténetz) е село во Воденската каза со 63 куќи и 244 жители Македонци.[2]
Според статистиката на Васил К’нчов („Македонија. Етнографија и статистика“) во 1900 година во Превртенец живееле 54 Македонци.[1][3] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Приварјанец (Privarjanetz) имало 30 Албанци.[1][4]
Оваа населба во пописот од 1913 година била забележана со 55 жители (веројатно сточарски семејства, бидејќи македонското население го напуштило селото), додека во пописот од 1920 година се водела само со еден жител. Населбата не била обновена, поради што и се распаднала, така што не се спомнува повеќе.[1]
Самоуправа и политика
уредиСелото влегува во рамките на општината Вртикоп, во округот Постол.
Наводи
уреди- ↑ 1,0 1,1 1,2 1,3 1,4 Симовски, Тодор (1998). „Воденски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 56.
- ↑ „Македонија и Одринско. Статистика на населението од 1873 г.“ Македонски научен институт, Софија, 1995, стр. 158 - 159.
- ↑ Васил К’нчов. Македонија. Етнографија и статистика, Софија, 1900, стр. 149.
- ↑ Brancoff, D.M. La Macédoine et sa Population Chrétienne, Paris, 1905, pp. 190 - 191.
Белешки
уреди- Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.