Дани Освалдо
Пабло Даниел Освалдо (роден на 12 јануари 1986) — италијански фудбалер роден во Аргентина, кој во моментов игра како напаѓач за Серија А клубот Интер.
Пабло Освалдо | |||
---|---|---|---|
Лични податоци | |||
Роден на | 12 јануари 1986 | ||
Роден во | Буенос Аирес, Аргентина | ||
Држава |
Аргентина Италија (од 2007) | ||
Висина | м | 1,82||
Позиција | напад | ||
Клупски податоци | |||
Сегашен клуб | Банфилд | ||
Број | 11 | ||
Кариера* | |||
Години | Клуб | Наст. | (Гол.) |
2005 | Уракан | 33 | (11) |
2006 | Аталанта | 3 | (1) |
2006-2007 | Лече | 31 | (8) |
2007-2009 | Фјорентина | 21 | (5) |
2009-2010 | Болоња | 25 | (3) |
2010-2011 | Еспањол | 44 | (20) |
2011-2013 | Рома | 53 | (27) |
2013-2015 | Саутхемптон | 13 | (3) |
2014 | → Јувентус | 11 | (1) |
2014-2015 | → Интер | 12 | (5) |
2015 | → Бока Хуниорс | 11 | (3) |
2015-2016 | Порто | 7 | (1) |
2016 | Бока Хуниорс | 3 | (0) |
2020- | Банфилд | 0 | (0) |
Репрезентација ‡ | |||
2011-2014 | Италија | 14 | (4) |
*Настапи и голови само на првенствени натпревари, според податок од 6 јануари 2011 ‡ Настапи и голови за репрезентација, според податок од 17 ноември 2010 |
Клупска кариера уреди
Рана кариера уреди
Освалдо го направил своето професионално фудбалско деби во аргентинската 2 дивизија за Уракан во 2005 година. По помалку од една година тој бил ангажиран од страна на италијанската екипа Аталанта, каде што одиграл само три натпревари и постигнал еден единствен погодок во сезоната 2005-06 во Серија Б. Во 2006 Аталанта се согласила на ко-сопственост договор да го испрати играчот во Лече, друг Серија Б тим, каде Освалдо имал можност да игра редовно, постигнувајќи осум гола во 31 настапи со Џалоросите. По една таква прилично импресивна сезона, Аталанта го вратила играчот и го продала на Фјорентина за 4.600.000 €. Тој го одиграл својот прв натпревар во Серија А на 29 септември 2007 година, постигнувајќи два гола во победата како гост со 3-0 над Ливорно.
Тој ја напуштил Фиорентина на 20 јануари 2009 година и и се приклучил на Болоња на заем за 2.000.000 €. На крајот на сезоната Болоња го купила него за дополнителни 5 милиони € потпишувајчи го Освалдо на 4-годишен договор. На 23 август 2009 Освалдо го постигнал првиот гол за Болоња оваа сезона против неговиот поранешен клуб Фјорентина и му донел на својот тим израмнување.
Еспањол уреди
На 10 јануари 2010, Освалдо се преселил во Шпанија потпишувајќи за Еспањол. За сезона и половина тој одиграл 44 првенствени натпревари и постигнал точно 20 гола.
Рома уреди
По успешната втора сезона со Еспањол, каде Освалдо постигнал повеќе од еден гол на секој втор натпревар, тој бил продаден на Рома за сума до € 17.500.000 на 25 август 2011. На 22 септември 2011 тој го постигнал својот прв гол за Рома, во натпреварот што завршил 1-1 со Сиена.