Марио Чалмерс

Алмарио "Марио" Чалмерс (роден 19 мај 1986) е професионален американски кошаркар, плејмејкер на Мемфис Гризлис во НБА.

Марио Чалмерс
Чалмерс со Хит во 2010
Позиција	плејмејкер
Висина	1,88 м
Тежина	86 кг
Лига	НБА
Клуб	Мемфис Гризлис
Број	6
Роден	19 мај 1986(1986-05-19) Енкориџ, Алјаска
Националност	САД
Факултет	Канзас (2005-2008)
Драфт	2008 / Рунда: 2 / Пик: 34-ти overall
Избран од Минесота Тимбервулфс
Проф. кариера	2008–
Клубови
2008-2015	Мајами Хит
2015-2016	Мемфис Гризлис
2017-	Мемфис Гризлис
Репрезентација
Инфо од: 4.11.2017.

Чалмерс бил одбран како 34-ти пик на НБА драфтот во 2008 година од Минесота Тимбервулфс. Тој играл три сезони колеџ кошарка за Универзитетот во Канзас, вклучувајќи ја и сезоната 2007-2008 во која Канзас го освоил државното првенство, откако Чалмерс погодил драматична тројка на 2.1 секунди пред крајот за да го доведе натпреварот против Мемфис Тајгерс до продолжение, по кое Канзас го добил натпреварот.

Во 2006–2007 на Big 12 Наградите за Тренери, Чалмерс бил именуван за ко-дефанзивен играч на годината заедно со Маркус Дов од Оклахолма Стејт. Чалмерс исто така бил изгласан за третиот тим на All Big 12, како и за дефанзивниот тим на All Big 12. Во сезоната 2007–2008, Чалмерс бил назначен во Првиот Дефанзивен Тим во Big 12 и во вториот тим на All Big 12. Исто така бил одбран за најдобар играч на NCAA првенството во 2008 година.

Средно училиште

Чалмерс учел во Средното Училиште Барлет во Енкориџ, Алјаска. Чалмерс бил именуван за 4A Државен Играч на Годината трипати по ред, придружувајќи му се на Трајан Ленгдон кој дотогаш бил единствениот играч кој има постигнато таков успех. Чалмерс исто така го предводел своето училиште до две државни титули во 2002 и 2003 година, и до вицешампионска титула во 2004 година.

Колеџ кариера

Чалмерс во тимот на Канзас Џејхокс

Чалмерс бил севкупно рангиран како #2 плејмејкер во 2005 година во класата за регрутирање од rivals.com и scout.com. Предвид ги имал универзитетите Аризона, Северна Каролина, Вејк Форест и Џорџија Тек пред конечно да се запише на Универзитетот во Канзас на 21 мај, 2004 година.

Бруцошка година

Чалмерс ја започнал неговата колеџ кариера на клупата позади бекот Џеф Хокинс, но го заработил своето место во почетната петорка во јануари 2006 година. Тој ја завршил сезоната со 21 од вкупно 22 финални започнати натпревари (недостасувало само натпреварот од главната ноќ). Тој ја завршил бруцошката година со просек од 11.5 бода по натпревар, втор во тимот. Тој станал вториот бруцош во историјата на Big 12 кој го добил признанието за Конференциски Играч на Неделата и двапати бил назначен за Национален Бруцош на Неделата. Тој исто така го поставил KU и Big 12 рекордот за најмногу украдени топки во една сезона од бруцош, со 89 украдени топки. Чалмерс ја освоил KU наградата “Clyde Lovellette” за играч со најголем напредок (заедно со Џулијан Рајт), како и наградата “Dutch Lonborg” за највисок процент на реализација на слободно фрлање (78,8%).

Year	Одиграни натпревари	Минути по натпревар	Бодови по натпревар	Скокови по натпревар	Асистенции по натпревар	Изгубени топки по натпревар	Асистенции/Turnover	Steals/Game	Steals/Season
2005–2006	33	26.0	11.5	2.2	3.8	2.8	1.37	2.7	89

Втора година

Чалмерс бил втор во тимот со просек од 12,3 бода по натпревар, при што во четири натпревари ја надминал границата од 20 бода за време на сезоната 06-07. На Наградите за Тренери Big 12, Чалмерс бил назначен за дефанзивен играч на годината заедно со Маркус Дов од Оклахома Стејт. Чалмерс исто така бил изгласан за третиот тим на Big 12, како и за дефанзивниот тим на All Big 12, и бил најкорисен играч на турнирот Big 12. Неговите вкупно 97 украдени топки во една сезона го поставиле на прво место во кошаркарската историја на Канзас за најмногу украдени топки во една сезона.

Year	Одиграни натпревари	Минути по натпревар	Бодови по натпревар	Скокови по натпревар	Асистенции по натпревар	ИЗгубени топки по натпревар	2006–2007	38	29.2	12.2	3.0	3.3	2.4	1.36	2.6	97

Трета година

Чалмерс имал просек од 12,8 бода по натпревар за време на неговата трета година. Тој исто така водел во тимот по бројот на асистенции по натпревар - 4.3; во прецизноста на шутот за 3 бода - со реализација од 46,8%; како и по бројот на украдени топки - 97. Со неговите 97 украдени топки се изедначил со рекордот на училиштето што го поставил додека бил втора година. Тој постигнал 30 бода и придонел за победата на Канзас во финалниот натпревар од Конференцискиот Турнир Big 12 против Тексас.

Тој бил назначен во првиот дефанзивен тим на Big 12 и во вториот тим на All Big 12.

Чалмерс му помогнал на својот тим да го освои NCAA првенството во 2008 година со прецизен удар за три бода на 2.1 секунди до крајот на финалниот натпревар (што често се нарекува Чудото на Марио). Неговата тројка непосредно пред крајот на регуларниот дел го одвел натпреварот во продолжение, кое Канзас го добил и ги победи Мемфис Тајгерс. Чалмерс бил именуван за Најзначаен Играч на Турнирот. Тоа била 5-та национална титула на Џејхокс (вклучувајќи две пред-турнирски титули во 1922 и 1923). Тој бил во првиот дефанзивен тим во NCAA.

Year	Одиграни натпревари	Минути по натпревар	Бодови по натпревар	Скокови по натпревар	Асистенции по натпревар	Изгубени топки по натпревар	Assist/Turnover	Украдени топки по натпревар	Steals/Season
2007–2008	39	30.0	12.8	3.1	4.3	1.9	2.25	2.5	97

На 16 февруари 2013 година, кошаркарската програма на Универзитетот во Канзас го повлече дресот со неговиот број, #15.

НБА Кариера

Мајами Хит

По играњето во 13 тимови, Чалмерс бил одбран како 34-ти севкупен пик во вториот круг на НБА драфтот во 2008 година од страна на Минесота Тимберволфс. Кога бил запрашан веднаш по избирањето колку пати го гледал финалниот натпревар од NCAA првенството против Мемфис кој го одведе во продолжение со тројка пред крајот, Чалмерс одговори, "милион пати". Правата над Чалмерс подоцна биле вклучени во размена на играчи и биле префрлени на Мајами Хит.

На 3 септември 2008 година Чалмерс и поранешниот соиграч од Канзас Џејхокс Дарел Артур биле отстранети од програмата за транзиција на НБА дебитанти заради инцидент поврзан со марихуана. Полицајците кои дошле во нивната хотелска соба заради активирање на противпожарен аларм во 02:00 часот наутро тврделе дека собата силно мирисала на марихуана, но не била пронајдена, па не биле поднесени обвиненија.

Исто така пријавиле дека нивниот колега, НБА дебитантот Мајкл Бисли бил во собата во тоа време, но не било побарано да го напушти кампот. Бисли подоцна бил казнет со 50.000 долари за неговата вмешаност во инцидентот. Чалмерс негирал каква било било врска со марихуана и подоцна бил казнет со 20.000 $ од страна на Лигата заради пропуштање на кампот за дебитанти, но не бил парично казнет или суспендиран за какви било прекршоци поврзани со дрога.

сезона 2008-2009

Чалмерс бил во почетната петорка во сите 82 натпревари од регуларниот дел на првенството во неговата дебитантска година и ја завршил сезоната со просек од 10.0 бода, 4.9 асистенции, 2.8 скока и 1.95 украдени топки за 32.0 минути по натпревар . Неговите 1,95 украдени топки по натпревар се рангирани на прво место меѓу сите дебитанти и на четврто место меѓу сите играчи.

На 5 ноември 2008 година, Чалмерс поставил нов тимски рекорд во Мајами Хит за украдени топки - 9 во својот четврт натпревар во НБА.

сезона 2010-2011

На 8 јули 2010 година, кога Леброн Џејмс објавил дека ќе се приклучи на Мајами Хит, Чалмерс го земал неговиот поранешен број на дрес од колеџ - 15, а Џејмс го зел стариот број на Чалмерс - 6.

Во натпреварот број 5 од НБА финалето во 2011 година, Чалмерс погодил шут од половина терен со звукот на сирената на крајот од првата четвртина за да го доведе тимот на Мајами Хит до предност 31-30, но Хит го загубиле натпреварот од Далас Маверикс со 112 - 103 и во финалната серија имале две победи наспроти трите на Далас. Чалмерс имал 15 бода, четири скока, две асистенции и една украдена топка. Во 6-тиот натпревар, Хит загубиле од Маверикс.

сезона 2011–2012

На 15 јуни 2011 година, тимот на Мајами Хит ја проширил квалификациската понуда за Чалмерс, што го направил ограничен слободен играч во периодот по сезоната. На 9 декември 2011 година, Чалмерс официјално повторно потпишал 3 годишен договор со Хит, вреден 12.000.000 $. Тој постигнал 29 бода на натпреварот со три продолженија и придонел за победата над Атланта Хокс на 5 јануари 2012 година.

На 15 февруари 2012 година НБА објавила дека Чалмерс, заедно со неговиот соиграч од Мајами Хит, Џејмс Џонс, ќе учествуваат на натпреварот за тројки во NBA All-Star викендот. Сепак, Чалмерс бил елиминиран во првиот круг.

Статистички, Чалмерс го имал својот најдобар регуларен дел од сезоната по неговата дебитантска година, и имал подобрување во кариерата во процентот за реализација на шут за три бода како и во процентот на погодени шутеви од игра.

Во четвртиот натпревар од втората рунда на плејоф серијата против Индијана Пејсерс, Чалмерс постигнал 25 бода. Во петтиот натпревар имал 11 скокови и 8 бода.

Чалмерс добил многу пофалби за неговите 25 бода во четвртиот натпревар од НБА финалето во 2012 година. Тој постигнал 12 бода во четвртата четвртина со што му помогнал на својот тим да победи во натпреварот.

сезона 2012-2013

На 12 јануари 2013 година, Чалмерс постигнал најголем број на бодови во кариерата - 34 против Сакраменто Кингс, при што погодил 10 тројки. Тој го изедначи рекордот на Мајами Хит за најмногу постигнати тројки во еден натпревар.

Мемфис Гризлис

На 10 ноември 2015, Чалмерс заедно со Џејмс Енис бил разменет во Мемфис Гризлис, за услугите на Џарнел Стоукс и Бено Удрих.

Добротворна организација

Чалмерс е основач на Марио В. Чалмерс фондацијата, која поддржува спортски и образовни програми за деца, а исто така помага во финансирање на програмите за истражување на рак на дојката. За време на летото во 2012 година, Михеј Ланкастер го изрежира Чудесниот Шут на Марио Чалмерс во кошаркарскиот камп во Салина, Канзас заедно со Марио.

Личен живот

Чалмерс е дете на Рони и Алмари Чалмерс. Тој има една постара сестра по име Ронека, која престојува во Шарлот, Северна Каролина. Тој има син, кој се вика Захиа А’марио Џонсон, и ќерка по име Кралицата Елизабета. Чалмерс е братучед со поранешниот бек на Лос Анџелес Клиперс Лионел Чалмерс, како и со поранешниот бек на Минесота Тимберволфс Крис Смит. Тој има четири тетоважи: на рамениците ги има имињата на неговата баба и денот кога таа е родена и денот кога таа починала со еден долар во средината, бидејќи таа им давала долар на сите деца, на тетоважата на долниот дел на неговиот зглоб пишува "quickness"(брзина) и "confidence"(доверба), два збора што неговата баба постојано му ги повторувала. На левиот зглоб го има истетовирано името на неговата мајка, а на грбот има тетоважа на која пишува "the truth, the whole truth and nothing but the truth"(вистината, целата вистина и ништо друго освен вистината).

Статистики

Регуларна сезона

Година	Екипа	ОН	СН	МПН	ПШИ	3П%	СФ%	СкПН	АсПН	УТПН	БлПН	ППН
2008	Miami	82	82	32.0	.420	.367	.767	2.8	4.9	2.0	.1	10.0
2009	Miami	73	22	24.8	.401	.318	.745	1.8	3.4	1.2	.2	7.1
2010	Miami	70	28	22.6	.399	.359	.871	2.1	2.5	1.1	.1	6.4
2011	Miami	64	64	28.5	.448	.388	.792	2.7	3.5	1.5	.2	9.8
2012	Miami	77	77	26.9	.429	.409	.795	2.2	3.5	1.5	.2	8.6
Career		366	273	27.1	.421	.370	.784	2.3	3.6	1.5	.1	8.4

Плеј-оф

Година	Екипа	ОН	СН	МПН	ПШИ	3П%	СФ%	СкПН	АсПН	УТПН	БлПН	ППН
2009	Miami	7	7	33.0	.400	.286	.714	2.7	4.4	2.9	.1	7.3
2010	Miami	5	0	26.2	.450	.350	.846	1.8	2.6	.6	.0	10.8
2011	Miami	21	1	24.3	.435	.381	.719	1.9	2.1	1.3	.0	7.8
2012	Miami	23	23	35.6	.442	.359	.717	3.7	3.9	1.2	.3	11.3
Career		56	31	30.2	.436	.359	.732	2.7	3.2	1.4	.1	9.4

Надворешни врски

• KU player bio Архивирано на 29 декември 2008 г.
• Lawrence Journal-World profile Архивирано на 12 ноември 2008 г.
• NBADraft.net profile
• DraftExpress profile Архивирано на 27 јули 2011 г.