Википедија

Костин Дол (Кочанско)

село во Општина Кочани
За други истоимени места, погледајте Костин Дол.

Костин Дол — село во Општина Кочани, во областа Осоговија, во околината на градот Кочани.

Костин Дол

Воздушен поглед на куќи во селото

Костин Дол во рамките на Македонија
Костин Дол
Местоположба на Костин Дол во Македонија
Костин Дол на карта

Карта

Координати 42°01′22″N 22°27′0″E / 42.02278° СГШ; 22.45000° ИГД / 42.02278; 22.45000
Регион  Источен
Општина  Кочани
Област Осоговија
Население 2 жит.
(поп. 2021)[1]

Пошт. бр. 2300
Повик. бр. 033
Шифра на КО 13017
Надм. вис. 840-1.100 м
Костин Дол на општинската карта

Атарот на Костин Дол во рамките на општината
Костин Дол на Ризницата

Географија и местоположба

уреди
 
Куќи во маалото Вила Орница

Селото се наоѓа во северниот дел на Општина Кочани, на падините на Осоговските Планини, меѓу теченијата на Бела и Црна Река.[2] Селото е планинско и од разбиен тип, чии куќи се издигаат на надморска височина од 840 до 1.100 метри. Од градот Кочани, селото е оддалечено 18 километри.[2]

Историја

уреди

Во Првата балканска војна, 1 лице од Костин Дол било доброволец во Македонско-одринските доброволни чети.[3]

Стопанство

уреди

Атарот на селото зафаќа простор од 5,9 километри квадратни. На него преовладуваат шумите на површина од 191 хектар, на пасиштата отпаѓаат 150 хектари, додека на обработливото земјиште 124 хектари.[2]

Население

уреди
Население во минатото
ГодинаНас.±%
1948192—    
1953192+0.0%
1961161−16.1%
1971105−34.8%
198148−54.3%
ГодинаНас.±%
199133−31.2%
199417−48.5%
200220+17.6%
20212−90.0%

Според статистиката на Васил К’нчов („Македонија, Етнографија и статистика“) од 1900 година, во Костин Дол живееле 300 жители, сите Македонци.[4]

Според егзархискиот секретар Димитар Мишев, („La Macédoine et sa Population Chrétienne“) во 1905 година во Костин Дол имало 304 Македонци, под врховенството на Бугарската егзархија.[5]

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.[6]

Костин Дол е мало село во фаза на раселување. Тоа во 1961 година броело 161 жител, а во 1994 година 17 жители, македонско население.[2]

Според пописот од 2002 година, селото имало 20 жители, сите Македонци.[7]

Според последниот попис од 2021 година, во селото живееле 2 жители, сите Македонци.

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 300 304 192 192 161 105 48 33 17 20 2
Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]

Општествени установи

уреди
  • Месна заедница

Самоуправа и политика

уреди

На крајот од XIX век, Костин Дол било село во Кочанската Каза на Отоманското Царство.

Селото влегува во рамките на Општина Кочани, која била проширена при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Оризари.

Во периодот 1965-1996 година, селото се наоѓало во рамките на големата Општина Кочани. Во периодот од 1955 до 1965 година, селото влегувало во рамките на тогашната општина Кочани.

Во периодот 1952-1955, селото било дел од тогашната општина Полаки, во која покрај селото Костин Дол се наоѓале селата Вранинци, Главовица, Горно Гратче, Долно Гратче, Јастребник, Небојани, Ново Село, Полаки, Припор, Речани и Црвена Нива. Во периодот 1950-1952, селото било седиште на некогашната општина Костин Дол, во која влегувале селата Главовица, Костин Дол, Небојани, Ново Село и Речани.

Избирачко место

уреди

Во селото постои избирачкото место бр. 0895 според Државната изборна комисија, сместено во просториите на месната заедница. Со ова избирачко место е опфатено и селото Ново Село.[12]

На парламентарните избори во 2020 година, на ова избирачко место биле запишани вкупно 6 гласачи.[13] На локалните избори во 2021 година, на ова избирачко место биле запишани вкупно 11 гласачи.[14]

Културни и природни знаменитости

уреди
 
Главната манастирската црква „Св. Симеон Столпник“
Цркви
Манастири
Реки[15]
  • Бела Река — тече низ некои од маалата на селото;
  • Црна Река — тече низ некои од маалата на селото.
Споменик на културата
  • Стопанска целина, стопански објекти на воден погон (валавници)[16]

Галерија

уреди
  •  
    Куќи во селото
  •  
    Воздушен поглед на дел од селото
  •  
    Шума во атарот на селото
  •  
    Атарот на селото
  •  
    Дел од селото (од далечина)

Поврзано

уреди

Наводи

уреди
  1. ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. ↑ 2,0 2,1 2,2 2,3 Панов, Митко (1998). Енциклопедија на селата во Република Македонија (PDF). Скопје: Патрија. стр. 159. Посетено на 23 октомври 2024.
  3. ↑ „Македоно-одринското опълчение 1912-1913 г. Личен състав“, Главно управление на архивите, 2006, стр. 853.
  4. ↑ Кънчов, Васил. „Македония. Етнография и статистика“. София, 1900, стр. 227.
  5. ↑ Brancoff, D.M. "La Macédoine et sa Population Chrétienne". Paris, 1905, pp. 132-133.
  6. ↑ „200K Volkstumskarte Jugoslawien“.
  7. ↑ „Попис на Македонија“ (PDF). Завод за статистика на Македонија. 2002. Посетено на 23 октомври 2024.
  8. ↑ К’нчов, Васил. „Македонија. Етнографија и статистика“. Софија, 1900
  9. ↑ Brancoff, D.M. „La Macédoine et sa Population Chrétienne“. Paris, 1905.
  10. ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  11. ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  12. ↑ „Описи на ИМ“ (PDF). Посетено на 30 март 2021.
  13. ↑ „Парламентарни избори 2020“. Архивирано од изворникот на 2020-07-15. Посетено на 1 април 2021.
  14. ↑ „Резултати“. Државна изборна комисија. Посетено на 23 октомври 2024.
  15. ↑ Петрушевски, Илија; Маркоски, Благоја (2014). Реките во Република Македонија (PDF). Скопје: Геомап. стр. 10. ISBN 978-9989-2117-6-8.
  16. ↑ Валавниците – сеќавање на едно време. Општина Кочани. 26 март 2018.

Надворешни врски

уреди
Преземено од „https://mk.wikipedia.org/w/index.php?title=Костин_Дол_(Кочанско)&oldid=5285938“