Википедија

Жан-Филип Матета

Жан-Филип Матета (роден на 28 јуни 1997) — француски фудбалер, напаѓач на Кристал Палас.

Жан-Филип Матета
Лични податоци
Полно име Жан-Филип Матета[1]
Роден на 28 јуни 1997(1997-06-28) (27 г.)[2]
Роден во Севран, Франција
Држава Франција Франција
Висина &100000000000001920000001,92 м[3]
Позиција напаѓач
Клупски податоци
Сегашен клуб Кристал Палас Кристал Палас
Број 14
Младинска кариера
Олимпик де Севран
ФК Севран
Дренси
Шатору Шатору
Кариера*
Години Клуб Наст. (Гол.)
2015-2016 Шатору 2 Шатору 2 13 (7)
2015-2016 Шатору Шатору 26 (13)
2016-2017 Олимпик Лион 2 Олимпик Лион 2 15 (5)
2016-2018 Олимпик Лион Олимпик Лион 2 (0)
2017-2018 →Ле Авр Ле Авр 35 (17)
2018-2021 Мајнц Мајнц 05 67 (24)
2021- Кристал Палас Кристал Палас 93 (24)
Репрезентација ‡
2017 Франција Франција 17 3 (1)
2018-2019 Франција Франција 21 11 (2)
2024- Франција Франција (олимп.) 2 (2)
* Ажурирано на: 22 април 2017
** Ажурирано на: 12 ноември 2016

Биографија

уреди

Матета е роден во Севран, предградие на Париз, од татко од ДР Конго[4] и мајка французинка.[5] Неговиот татко бил поранешен професионален фудбалер, кој играл во Конго и во Лиеж, Белгија.[6]

Технички карактеристики

уреди

Матета е централен напаѓач, амбидекстер, технички вешт и физички силен, со одлично чувство за гол.[7]

Клупска кариера

уреди

Почетоци

уреди

Израснат во младинскиот сектор на Дранси, во 2014 година се преселил во Шатору, клуб со кој го направил своето професионално деби на 6 ноември 2015, во натпреварот од националното првенство против АСМ Белфорт. На 6 јануари 2016 година, тој го потпишал својот прв професионален договор со клубот во траење од три години.[8] По одличната деби-сезона, во која постигнал 11 гола на 22 натпревари во третото фудбалско ниво на Франција, тој го привлекол вниманието на многу други екипи и наскоро го напуштил Шатору.

Олимпик Лион

уреди

Откако продолжил со одличната форма и на почетокот на следната сезона, постигнувајќи два гола во четири натпревари во првенството плус хет-трикот во победата со 5-2 над Ле Авр во Лига купот на Франција на 23 август 2016, во септември, Матета потпишал петгодишен договор со прволигашот Олимпик Лион, кој му платил на Шатору надомест од 2 милиони евра плус дополнителни 3 милиони евра во бонуси. Шатору, исто така, задржал право на 20% од следната продажба на играчот.[9][10]

Матета го направил своето деби за Лион во Лига 1 на 21 септември 2016 година, влегувајќи како замена во 76-тата минута на местото на Максвел Корне во победата со 5-1 на домашен терен над Монпеље.[11] Куриозитет е тоа што, својот следен натпревар за Лион го одиграл четири месеци подоцна во Купот на Франција, повторно против Монпеље, повторно заменувајќи го Корне и повторно во 76-тата минута од натпреварот во кој овојпат Лион славел победа со 5-0 на домашен терен.[12] На 23 април 2017 година, за време на првенствениот натпревар против Монако, тој го забележал својот прв почеток во стартната постава на Лион во некој натпревар, пред да биде заменет од Матје Валбуена во 65-тата минута од поразот со 2–1 на домашен терен.[13]

Не можејќи да најде повеќе простор за игра во дресот на Лион, забележувајќи само три настапи за време на сезоната 2016-2017, во јули 2017 тој се преселил во Ле Авр на позајмица до крајот на сезоната.[14] Иако не успеал во главната мисија, да му помогне на клубот да дојде до промоција во првата француска дивизија, Матета одиграл одлична сезона, постигнал 19 гола во 37 натпревари во Лига 2 во текот на сезоната 2017-2018.[15]

Мајнц 05

уреди

На 29 јуни 2018 година, Матета потпишал четиригодишен договор со Мајнц 05,[16] станувајќи најскапото засилување во историјата на клубот.[17] Дебитирал за клубот на 18 август во победата со 3-1 над Ерцгебирге Ауе во Купот на Германија, играјќи од почетокот до 58-мата минута кога бил заменет од Робин Кваизон. Своето деби во Прва Бундеслига го направил на 26 август, играјќи 67 миинути во победата со 1-0 на домашен терен над Штутгарт. Својот прв гол го постигнал во третиот натпревар за клубот, кога ја погодил мрежата на Нирнберг во ремито 1-1. Првата сезона во дресот на Мајнц ја завршил како најдобар стрелец на клубот со 14 постигнати голови во Бундеслигата, вклучувајќи го и хет-трикот во победата со 4-0 над Фрајбург на домашен терен.[18]

Следната сезоната, не била толку успешна за него бидејќи претрпел повреда на менискусот во коленото за време на предсезонските подготовки поради која морал да биде подложен на операција. Поради оваа причина, тој морал да ги пропушти првите четири месеци од сезоната, враќајќи се во акција дури во средината на декември 2019.[19] Во сезоната, која пропратно била прекината и од пандемијата на КОВИД-19, тој постигнал само 3 гола во 18 првенствени натпревари. Затоа пак, во првата половина на сезоната 2020-2021, тој покажал дека одново е во добра форма постигнувајќи 7 гола во 15 натпревари во лигата. Исто така, тој постигнал два хет-трика: првиот на 11 септември 2020, во победата со 5-1 на гостувањето кај нисколигашот Хавезе во Купот на Германија, а потоа го постигнал и својот втор хет-трик во Бундеслигата на 22 ноември 2020, повторно против Фрајбург, во победата со 3-1 на гости што бил првиот беспрекорен хет-трик (гол со лева, десна нога и глава) на еден играч на Мајнц во историјата на Бундеслигата.[20]

Кристал Палас

уреди

На 21 јануари 2021 година, Матета се преселил во англискиот клуб Кристал Палас на 18-месечен заем.[21] Кристал Палас наводно платил 3 милиони евра за позајмицата и обезбедил опција за трајно ангажирање на Матета за дополнителни 15 милиони евра.[22] Своето деби го направил на 8 февруари, во поразот со 2–0 на гостувањето кај Лидс Јунајтед во Премиер лигата.[23] На 22 февруари 2021 година, Матета го постигнал својот прв гол за Палас, а воедно и во Премиер лигата, сместувајќи ја топката во мрежата со пета, во победата со 2–1 на гостувањето кај Брајтон енд Хоув Албион.[24] На 31 јануари 2022 година, Кристал Палас го купил Матета потпишувајќи постојан договор со францускиот напаѓач.[25]

За време на сезона 2022–2023, Матета бил ограничен на само шест првенствени натпревари во почетната постава на Кристал Палас, затоа што неговиот сонародник Одсон Едуар бил претпочитан како стартен напаѓач на тимот. На 1 април 2023 година, Матета влегол од клупата и го постигнал победничкиот погодок во последните секунди од натпреварот против Лестер Сити, со што ја завршил црната серија на Палас од тринаесет натпревари без победа во Премиер лигата по враќањето на Рој Хоџсон во клубот, а воедно ја завршил и личната серија од 28 настапи без постигнат гол.[26]

Матета ја отворил својата голгетерска сметка за сезоната 2023–2024 на 29 август, постигнувајќи го својот прв хет-трик за Кристал Палас во победата со 4-2 над Плимут Аргајл во второто коло од Лига купот.[27] Откако постигнал гол во два натпревари едноподруго против Манчестер Сити и Ливерпул во декември 2023 година, Матета бил вратен во стартната постава по назначувањето на новиот менаџер, Оливер Гласнер, во февруари 2024 година. Откако одново бил на теренот за време на почетниот судиски свиреж, тој постигнал четири гола во првите шест натпревари на Гласнер, со што неговиот голгетерски учинок станал двоцифрен, нешто што му успеало за првпат по доаѓањето во Кристал Палас.[28] Во април 2024 година, тој постигнал по два гола во победите против Вест Хем Јунајтед и Њукасл Јунајтед; последователно бил номиниран за Играч на месецот во Премиер лигата за прв пат во неговата кариера.[29]

На 6 мај, тој постигнал гол во победата со 4-0 над Манчестер Јунајтед, со што станал првиот играч во Премиер лигата кој постигнал гол на секој од првите шест домашни натпревари на еден менаџер на некој клуб уште од Алан Ширер за Кевин Киган во 1997 година, како и првиот играч на Кристал Палас кој постигнал гол во шест последователни натпревари на домашен терен во првата лига, соборувајќи го рекордот на Марк Брајт од пет.[30][31] Следниот ден, Матета бил избран за Играч на годината на клубот, со што станал првиот француски добитник на наградата.[32] На 19 мај, Матета го постигнал својот прв хет-трик во Премиер лигата за клубот, што бил само втор хет-трик од играч на Палас во историјата на клубот и прв во последните девет години, во победата со 5-0 над Астон Вила, помагајќи и на својата екипа да обезбеди пласман во горната половина на табелата на крајот од сезоната.[33] Матета ја завршил сезоната како најдобар стрелец на Кристал Палас со 16 постигнати гола во Премиер лигата, што е негов личен рекорд, и со вкупно 19 гола во сите натпреварувања.

Репрезентативна кариера

уреди

Матета бил младински репрезентативец на Франција, претставувајќи ја земјата во категориите под 17 и под 21 година. Со втората настапил на Европското првенство за играчи под 21 година 2019 во Италија и Сан Марино, каде постигнал и еден гол од пенал во полуфиналето против Шпанија, во кое триколорите загубиле со убедливи 4-1 и биле елиминирани од турнирот.

На 3 јуни 2024 година, Матета бил повикан од селекторот Тјери Анри во Олимписката репрезентација на Франција за Летните олимписките игри 2024 во Париз, како еден од трите играчи над пропишаната возраст.[34] Својот прв гол на турнирот го постигнал во третото коло од групната фаза, во победата со 3-0 над Нов Зеланд. Во четвртфиналето неговиот погодок и донел победа на Франција од 1-0 над Аргентина за пласман во полуфиналето,[35] каде пак Матета одново бил во главната улога постигнувајќи два гола за победата (3-1) со пресврт над Египет по продолженија.[36]

Статистика

уреди

Клупска статистика

уреди

Статистиката е ажурирана на 19 мај 2024.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2015-2016   Шатору НПФ 22 11 КФ+ЛКФ - - - - - - - - 22 11
авг.-сеп. 2016 НПФ 4 2 КФ+ЛКФ 0+1 0+3 - - - - - - 5 5
Вкупно Шатору 26 13 1 3 - - - - 27 16
сеп. 2016-2017   Олимпик Лион Л1 2 0 КФ+ЛКФ 1+0 0 ЛШ+ЛЕ - - - - - 3 0
2017-2018   Ле Авр Л2 35+2[37] 17+2[37] КФ+ЛКФ 1+0 1+0 - - - - - - 38 20
2018-2019   Мајнц БЛ 34 14 КГ 2 0 - - - - - - 36 14
2019-2020 БЛ 18 3 КГ 0 0 - - - - - - 18 3
2020-јан. 2021 БЛ 15 7 КГ 2 3 - - - - - - 17 10
Вкупно Мајнц 67 24 4 3 - - - - 71 27
јан.-јун. 2021   Кристал Палас ПЛ 7 1 ФАКуп+ЛК - - - - - - - - 7 1
2021-2022 ПЛ 22 5 ФАКуп+ЛК 5+1 2+0 - - - - - - 28 7
2022-2023 ПЛ 29 2 ФАКуп+ЛК 1+2 0 - - - - - - 32 2
2023-2024 ПЛ 35 16 ФАКуп+ЛК 2+2 0+3 - - - - - - 39 19
Вкупно Кристал Палас 93 24 13 5 - - - - 106 29
Вкупно во кариерата 225 80 20 12 - - - - 245 92

Наводи

уреди
  1. ↑ „Updated squad lists for 2020/21 Premier League“. Premier League. 5 February 2021. Посетено на 7 February 2021.
  2. ↑ „Men's Olympic Football Tournament Paris 2024: Squad list“ (PDF). FIFA. 24 July 2024. стр. 4. Посетено на 24 July 2024.
  3. ↑ „Jean-Philippe Mateta: Overview“. Premier League. Посетено на 31 July 2022.
  4. ↑ „Mainz 05-Neuzugang Jean-Philippe Mateta will sich in der Bundesliga durchsetzen“. Allgemeine Zeitung (германски). Посетено на 19 January 2018.
  5. ↑ Müller, Jan Christoph (12 June 2020). „Mainz 05: Spieler immer wieder Opfer rassistischer Beleidigungen – Verein positioniert sich“. Frankfurter Rundschau (германски). Frankfurter Rundschau GmbH. Посетено на 19 January 2021.
  6. ↑ Dinkelaker, Max (13 January 2019). „"Profi oder Untergang" ("Das hat ihn mental fertig gemacht")“. 11 Freunde (германски). 11 Freunde GmbH & Co. KG. Архивирано од изворникот на 2019-08-12. Посетено на 19 January 2021.
  7. ↑ "I LOVE SCORING GOALS"[мртва врска] mainz05.de
  8. ↑ Football : le jeune Mateta signe pour trois ans à La Berrichonne francebleu.fr
  9. ↑ Fortune, Gregory (16 September 2016). „Qui est Jean-Philippe Mateta, le nouvel attaquant de l'OL ?“. RTL.fr (француски). Посетено на 4 January 2021.
  10. ↑ „Communiqué : Jean-Philippe Mateta officiellement lyonnais“. www.OL.fr (француски). Olympique Lyonnais. 15 September 2016. Посетено на 4 January 2021.
  11. ↑ „Lyon vs. Montpellier - 21 September 2016 - Soccerway“. soccerway.com. Посетено на 21 September 2016.
  12. ↑ „Lyon vs. Montpellier - 8 January 2017 - Soccerway“. soccerway.com. Посетено на 11 May 2017.
  13. ↑ „Lyon vs. Monaco - 23 April 2017 - Soccerway“. soccerway.com. Посетено на 11 May 2017.
  14. ↑ Verstraete, Clément (22 July 2017). „Le Havre : Revoilà Jean-Philippe Mateta“. L'Équipe (француски). Посетено на 4 January 2021.
  15. ↑ Matthieu Pécot; Julien Duez (22 February 2019). „Jean-Philippe Mateta : « À Sevran, les insultes, c'est comme si tu disais bonjour »“. sofoot.com (француски). Посетено на 20 May 2024.
  16. ↑ „Mateta joins Mainz, will Newcastle regret failing to sign Frenchman?“. HITC. 29 June 2018. Посетено на 6 April 2019.
  17. ↑ „Jean-Philippe Mateta to Mainz – The almost forgotten transfer“. Fussballstadt. 2 August 2018. Архивирано од изворникот на 2019-04-06. Посетено на 6 April 2019.
  18. ↑ „Mateta is Mainz man as Nullfunfer hit five“. FourFourTwo. 5 April 2019. Посетено на 6 April 2019.
  19. ↑ Mateta am Meniskus operiert Архивирано на 23 јануари 2022 г. auf der Website von Mainz 05 vom 30. Juli 2019, abgerufen am 30. Juli 2019.
  20. ↑ Hattrick! Mateta ballert Schalke auf Platz 18 Sebastian Prengel für Bild am 22. November 2020; abgerufen am 25. April 2021.
  21. ↑ „Jean Philippe Mateta joins Crystal Palace“. Crystal Palace FC. 21 January 2021. Посетено на 21 January 2021.
  22. ↑ „Crystal Palace complete Jean-Philippe Mateta loan deal“. The Athletic. 21 January 2021. Посетено на 21 January 2021.
  23. ↑ Emons, Michael (8 February 2021). „Leeds 2-0 Crystal Palace: Jack Harrison and Patrick Bamford score in deserved win for hosts“. BBC Sport (англиски). Посетено на 9 February 2021.
  24. ↑ Sutcliffe, Steve (22 February 2021). „Brighton & Hove Albion 1-2 Crystal Palace: Late Christian Benteke goal stuns Seagulls“. BBC Sport (англиски). Посетено на 22 February 2021.
  25. ↑ „Jean-Philippe Mateta signs permanent deal“. Crystal Palace F.C. 31 January 2022. Посетено на 31 January 2022.
  26. ↑ „Crystal Palace 2–1 Leicester City“. BBC Sport (англиски). 1 April 2023. Посетено на 1 April 2023.
  27. ↑ Pilnick, Brent (29 August 2023). „Plymouth Argyle 2-4 Crystal Palace: Jean-Philippe Mateta scores hat-trick as Eagles come from 2-0 down“. BBC. Посетено на 29 August 2023.
  28. ↑ „'Securing Mateta to a longer deal would be ideal for everyone'“. BBC Sport. 10 April 2024.
  29. ↑ „Mateta up for Premier League Player of the Month award“. Crystal Palace F.C. 2 May 2024.
  30. ↑ „Five things we loved from Palace's massive win over Manchester United“. Crystal Palace F.C. 6 May 2024.
  31. ↑ „Crystal Palace 4–0 Manchester United“. BBC Sport. 7 May 2024.
  32. ↑ „Jean-Philippe Mateta crowned Crystal Palace Player of the Season 23/24“. Crystal Palace F.C. 7 May 2024. Посетено на 7 May 2024.
  33. ↑ Steinberg, Rachel (2024-05-19). „Jean-Philippe Mateta hat-trick ensures Crystal Palace end season on a high“. The Independent. Посетено на 2024-05-19.
  34. ↑ „France U21 manager Thierry Henry today announcement the players who will participate in France's preparations for the upcoming Paris 2024 Olympic Games“. Ligue 1. Посетено на 3 June 2024.
  35. ↑ „Le but de Mateta contre l'Argentine qui qualifie la France en demi-finales en vidéo aux JO de Paris 2024“. Посетено на 5 August 2024.
  36. ↑ „France U23 3 Egypt U23 1“. BBC Sport. 5 August 2024. Посетено на 6 August 2024.
  37. ↑ 37,0 37,1 Плејоф.

Надворешни врски

уреди
  Портал „Биографија“
  Портал „Фудбал“
  Портал „Франција“
Преземено од „https://mk.wikipedia.org/w/index.php?title=Жан-Филип_Матета&oldid=5264191“