Ерик Јанжа
Ерик Јанжа (роден на 21 јуни 1993 година, во Мурска Собота) — словенечки фудбалер, играч од одбраната на Гурник Забже и на словенечката репрезентација.
| Ерик Јанжа | |||
|---|---|---|---|
| Лични податоци | |||
| Роден на | 21 јуни 1993 | ||
| Роден во | Мурска Собота, Словенија | ||
| Држава |
 Словенија | ||
| Висина | 1,75 м | ||
| Позиција | одбрана | ||
| Клупски податоци | |||
| Сегашен клуб |
 Гурник Забже | ||
| Број | 64 | ||
| Младинска кариера | |||
 Мура 05 | |||
| Кариера* | |||
| Години | Клуб | Наст. | (Гол.) |
| 2010-2013 |
Мура 05 | 76 | (1) |
| 2013-2015 |
 Домжале | 66 | (4) |
| 2015-2016 |
 Марибор | 33 | (0) |
| 2017-2018 |
 Викторија Плзењ | 3 | (0) |
| 2017-2018 |
→ Пафос | 33 | (2) |
| 2018-2019 |
 Осиек | 19 | (0) |
| 2019- |
Гурник Забже | 151 | (3) |
| Репрезентација ‡ | |||
| 2009 |
Словенија 16 | 1 | (0) |
| 2010 |
Словенија 18 | 4 | (0) |
| 2011-2012 |
Словенија 19 | 18 | (1) |
| 2011-2013 |
Словенија 20 | 3 | (0) |
| 2013-2014 |
Словенија 21 | 9 | (0) |
| 2014- |
Словенија | 12 | (3) |
|
* Ажурирано на: 13 мај 2012 ** Ажурирано на: 1 јули 2012 | |||
Клупска кариера
уредиЈанжа ја започна својата сениорска кариера со екипата на Мура 05 во 2010 година. Во сезоната 2012-2013, со клубот стигнал до плејоф рундата во Лигата на Европа, каде што Мура била елиминирана од Лацио.[1] Во јануари 2013 година, тој се приклучил на екипата на Домжале,[2] а од таму во Марибор во јануари 2015 година,[3] со кој ги освоил и своите први трофеи во кариерата, во словенечкото првенство и Купот на Словенија.
Во јануари 2017 година, Јанжа се преселил во странство правејќи трансфер во чешкиот клуб Викторија Плзењ,[4] но откако играл многу малку во првиот дел на сезоната, последоватлено бил позајмен на кипарскиот клуб Пафос. [5] Во јули 2018, потпишал за хрватскиот Осиек,[6] каде одиграл една сезона забележувајќи 19 настапи во хрватското првенство без постигнат гол.
На 28 јуни 2019 година, тој потпишал двегодишен договор со полскиот клуб, Гурник Забже.[7] Дебитирал во полската Екстракласа на 22 јули, во ремито 1-1 на гостувањето кај Висла Плок. На 21 ноември 2021 година, тој го постигнал својот прв гол за клубот во победата со 3–2 над Легија Варшава.[8] Пред почетокот на сезоната 2022-2023, тој бил назначен за капитен на клубот. На 15 јуни 2024 година, Јанжа го продолжил договорот со Гурник Забже до 2026 година.[9]
Репрезентативна кариера
уредиЈанжа ја претставувал Словенија во младинските селекции од под 16 години до под 21 година.
Тој го направил своето деби за сениорската репрезентација на 18 ноември 2014 година, во поразот со 1–0 во пријателски натпревар против Колумбија.[10] На 14 октомври 2023 година, тој го постигнал својот прв гол во дресот со државниот грб во победата со 3–0 над Финска во квалификациите за Европското првенство 2024.
Откако Словенија се квалификувала за Европското првенство 2024 во Германија, Јанжа бил повикан во составот од 26 играчи кои ја претставувале земјата на турнирот.[11] Во воведниот натпревар од групата Ц, Јанжа го постигнал израмнувачкиот гол за Словенија во ремито 1-1 против Данска, што бил првиот гол на земјата на Европското првенство уште од нивното последно учество пред 24 години.[12]
Титули
уредиКлупски
уреди
Марибор
уреди
- 2014-2015
- 2015-2016
Наводи
уреди- ↑ Virag, Gregor (14 April 2020). „Avgust 2012: Lazio ter velik uspeh "evropske" Mure“. Sportklub (словенечки). Посетено на 18 June 2024.
- ↑ „Domžale so bile najbolj poštene“ (словенечки). Nogomania. 1 February 2013. Посетено на 18 June 2024.
- ↑ Viškovič, Rok (9 January 2015). „Erik Janža: najprej reprezentanca, zdaj še Maribor“ (словенечки). Siol. Посетено на 18 June 2024.
- ↑ „Erik Janža: Jsem šťastný, že jsem ve Viktorii“ (чешки). FC Viktoria Plzeň. 4 January 2017. Посетено на 18 June 2024.
- ↑ „Erik Janža bude hostovat na Kypru“ (чешки). FC Viktoria Plzeň. 13 July 2017. Посетено на 18 June 2024.
- ↑ „10 stvari koje trebaš znati: Erik Janža“ (хрватски). NK Osijek. 31 July 2018. Посетено на 18 June 2024.
- ↑ „Erik Janża piłkarzem Górnika!“ (полски). Górnik Zabrze. 28 June 2019. Посетено на 18 June 2024.
- ↑ „Górnik Zabrze – Legia Warszawa 3:2, 21.11.2021“. Łączy nas piłka (полски). 21 November 2021. Посетено на 18 June 2024.
- ↑ „Erik Janża zostaje w Zabrzu!“ (полски). Górnik Zabrze. 15 June 2024. Посетено на 18 June 2024.
- ↑ Plestenjak, Rok (19 November 2014). „Ko ti tvoj sostanovalec prepreči, da bi debitiral za reprezentanco“ (словенечки). Siol. Посетено на 18 June 2024.
- ↑ „Kek izbral šestindvajseterico za Evropsko prvenstvo“ [Kek selected twenty-six players for the European Championship] (словенечки). Football Association of Slovenia. 7 June 2024. Посетено на 18 June 2024.
- ↑ „Erik Janža je zabil prvi slovenski gol na Euru: 'Igramo lahko proti vsakemu, ampak o evforiji ni govora'“ (словенечки). Nogomania. 16 June 2024. Посетено на 18 June 2024.
Надворешни врски
уреди| „Ерик Јанжа“ на Ризницата ? |
