Голозинци

Голозинци — село во Општина Чашка, во околината на градот Велес.

Голозинци
Голозинци Местоположба на Голозинци во Македонија Голозинци на карта
Координати 41°38′33″N 21°37′43″E
Регион	Вардарски
Општина	Чашка
Население	30 жит. (поп. 2021)
Шифра на КО	29015
Голозинци на општинската карта Атарот на Голозинци во рамките на општината

Историја

Според германска карта издадена во 1941 година, а заснована на пописот на Кралство Југославија во 1931 година, селото имало 150 Македонци.

Население

Население во минатото

Година Нас. ±% 1948 232 —     1953 223 −3.9% 1961 230 +3.1% 1971 186 −19.1% 1981 134 −28.0%	Година Нас. ±% 1991 62 −53.7% 1994 45 −27.4% 2002 43 −4.4% 2021 30 −30.2%

Во 2002 година во селото живееле 43 жители, македонско население.

Според последниот попис од 2021 година, во селото живееле 30 жители, од кои 28 Македонци и 2 Албанци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	220	128	232	223	230	186	134	62	45	43	30

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Голозинци е македонско село.

Според истражувањата од 1966 година, родови во селото:

• Староседелци: Козаровци (2 к.), Пачариовци (2 к.), Натовци (2 к.), Ѓоревци (2 к.), Опаловци (2 к.), Бошковци (1 к.), Анчевци (1 к.), Тодоровци (1 к.) и Ангелевци (1 к.)
• Доселеници: Агушовци (2 к.), Анчевци (2 к.), Миленковци (2 к.), Ладевци (1 к.), Крстевци (1 к.), Стојковци (1 к.) и Стојанчевци (1 к.) сите се доселени после Првата светска војна од селото Бистрица; Грнчаровци (1 к.) доселени се од селото Богомила; Капиновци (1 к.) доселени се од селото Капиново; Кочиштани (2 к.) доселени се од селото Кочиште во Железник (демирхисарско); Тодоровци (1 к.) потекнуваат од предок кој дошол како службеник после Првата светска војна од Књажевац во Србија. Тука се оженил и останал во селото.

Општествени установи

• Црква „Св. Вознесение Христово“ („Св. Спас“)

Самоуправа и политика

Избирачко место

Во селото постои избирачкото место бр. 2232 според Државната изборна комисија, сместени во просториите на селски дом.

На претседателските избори во 2019 година, на ова избирачко место биле запишани вкупно 20 гласачи.

Културни и природни знаменитости

Археолошки наоѓалишта

• Големи Баби — населба од римско време; и
• Ридот — населба од неолитот.

Личности

• Андон Ќосето (1855-1953) — истакнат револуционер и војвода на Македонската револуционерна организација

Иселеништво

До 1966 година од селото целосно се иселиле староседелските родови, Куралевци, Скакаровци и Стојанчевци. Жителите од наведените родови се наоѓаат во Велес. Таму се наоѓа и најголемиот број од иселеното население од Голозинци.