Бешичко Езеро
Бешичкото Езеро (во постари извори наречено „Бешикско Езеро“; грчки: Λίμνη Βόλβη, Лимни Волви) — езеро во Егејска Македонија (денес во Грција), дел од групата на егејските езера. Се наоѓа на 40 км североисточно од Солун. Водниот слив опфаќа површина од приближно 1.247 км2.Нивото на водата се менува во зависност од сезоната и врнежите. Водата се користи главно за наводнување и риболов.
| Бешичко Езеро Λίμνη Βόλβη | |
|---|---|
 | |
| Место | Солунски округ, Егејска Македонија |
| Координати | 40°40′54″N 23°28′02″E / 40.68167° СГШ; 23.46722° ИГДКоординати: 40°40′54″N 23°28′02″E / 40.68167° СГШ; 23.46722° ИГД |
| Површина на сливот | 1.247 км2 |
| Земји во сливот | Егејска Македонија (Грција) |
| Најг. должина | 21,50 км |
| Најг. ширина | 6 км |
| Површина | 70 км2 |
| Најг. длабочина | 22,3 |
| Водна зафатнина | 0,94 км2 |
| Надм. височина на површината | 37 м |
Езерото е наречено по околните населени места: Голем Бешик (Мегали Волви) и Мал Бешик (Микра Волви). По нив е наречена и околната Бешичка Планина.
Општината околу езерото се нарекува Бешик (Βόλβη).
ФлораУреди
Езерото е богато со различни водови фитопланктон. Шумите околу него се дабови, има и повеќе градини со овошја.
ФаунаУреди
Во езерото живеат 29 видиви риби,една од нив ендемска. Водоземните се барем 5 видови, а во и околу езерото се среќаваат 34 видови цицачи.Богатството на птици е презентирано со повеќе од 200 видови.Поважни што гнездат се:
- мал воден бик (Ixobrychus minutus; 30 двојки)
- ноќна чапја (Nycticorax nycticorax)
- мала бела чапја (Egretta garzetta)
- пепелава чапја (Ardea cinerea; 90 двојки)
- црвена чапја (Ardea purpurea)
- бел штрк (Ciconia ciconia; 50 двојки)
- лисеста гусковида патка (Tadorna ferruginea)
- краткопрст јастреб (Accipiter brevipes)
- лисест глувчар (Buteo rufinus)
- мал орел кликач (Aquila pomarina; 1 двојка)
- блатна еја (Circus aeruginosus; 3 двојки)
- џуџест (мал) орел (Hieraaetus pennatus)
- мала барска кокошка (Porzana parva)
- модроврана (Coracias garrulus)
- пепелаво (мало) свраче (Lanius minor)
Исто така езерото е важно место за прехрана на: розов (обичен) пеликан (Pelecanus onocrotalus; макс. 550 двојки) во летото, како и белоглав (кадроглав) пеликан (Pelecanus crispus; 50+ двојки) за време на миграција. Зимно време можат да се видат цуцулест нуркач (Podiceps cristatus; 11.000 единки), црноврат нуркач (Podiceps nigricollis; 100+ единки), кафеноглава потопница (Aythya ferina; 30.000 единки), лиска Fulica atra; 20.000 единки) и понекогаш синоклунеста патка (Oxyura leucocephala)[1]
ПоврзаноУреди
НаводиУреди
Надворешни врскиУреди
| „Бешичко Езеро“ на Ризницата ? |
- Страница за езерото
- Водостопанство Архивирано на 4 март 2016 г.
- Сателитска слика на езерото