Црквиште (Оризари)

Црквиште или Крушарски Рид — археолошко наоѓалиште во кочанската населба Оризари. Претставува средновековна некропола. На северната страна на населбата, до куќата на Р. Каранфилова, источно од патот до нивата на Ј. Стојков и западно до дворот на А. Атанасов се откриени повеќе гробови градени од камени плочи. При проширувањето на тогаш селскиот пат, земјоделецот Р. Иванов открил редок средновековен наод - депо, што се чувал во Музејот на Македонија. На овој простор во 1959 година Народниот музеј во Штип извршил ископување со што се откриени повеќе гробови градени од камени плочи, со правец исток-запад. Во нив, покрај остатоци од скелетите, имало и многу бројни археолошки наоди, претежно женски накит. Наодите се чуваат во Музејот на Македонија.

Поврзано

• Бела Црква — доцносредновековна црква;
• Затселиште — населба од железното и римското време;
• Јаловец — старохристијанска црква;
• Куново - Чуки — некропола — тумули од железното и доцноантичкото време;
• Куново — населба од римското време;
• Селиште — населба од железното и римското време;
• Сланец — населба од доцноантичкото време;
• Соколовско Маало — населба од доцноантичкото време;
• Топлак — населба од неолитското време;
• Цигански Рид — населба од неолитското, железното и римското време;
• Црна Црква — средновековна црква со некропола;
• Оризари;
• Список на археолошки наоѓалишта во Кочанско;
• Список на средновековни некрополи во Македонија;