Црква „Св. Димитриј“ - Градец

Св. Димитриј — православна црква во валандовското село Градец, претставник на Македонската преродба. Му припаѓа на Гевгелиското архијерејско намесништво во Повардарската епархија на МПЦ - ОА.

Свети Димитриј
македонска православна црква
Епархија	Повардарска
Архијерејско намесништво	Гевгелиско
Парохија	Валандовска
Местоположба
Координати	41°22′32″N 22°24′13″E
Место	Градец
Општина	Валандово
Држава	Македонија
Општи податоци
Покровител	Свети Илија
Изградба	средина на XIX век
Живопис	1873
Архитектонски опис
Архит. тип	трикорабен

Архитектура

Црквата е изградена во средината на XIX век (пред 1860 г.). Живописана е во 1873 г., за што сведочат двата натписа (на грчки и црковнословенски) на насликаниот фрескоживопис на северната страна од надворешниот ѕид со претстава на композицијата „Страшниот суд“, дело на познатиот струмички зограф Григориј Пецанов. Датумот на натписот е 28 август 1873 г. а насликаната површина е долга околу 11 метри и го опфаќа просторот од левата и десната страна вратата. Црквата е трикорабна, со рамни дрвени тавани и повисок средиштен кораб; со нартекс на западната страна и голема полукружна олтарна апсида од надвор на источниот ѕид, над кој има округли окна. Црквата е вкопана и изградена од обичен камен со калкански покрив.

Икони и иконостас

Иконите се насликани во 1869 г. од познатиот зограф Исаија Џиков од с. Осој, Дебарско. Храмот е живописан во XIX век, но фреските се во лоша состојба. Иконостасот, исто така дело на Исаија Џиков, е пренесен во црквата „Св. Атанасиј Велики“ во Удово.

Поврзано

• Повардарска епархија
• Гевгелиско архијерејско намесништво