Црква „Св. Атанасиј“ - Удово

Свети Атанасиј — главна селска црква во валандовското село Удово, Македонија.^[1]

Местоположба
Свети Атанасиј

Поглед кон црквата
македонска православна црква
Епархија	Повардарска
Архијерејско намесништво	Гевгелиско
Парохија	Пиравска

Координати	41°20′34.2″N 22°26′30.0″E / 41.342833° СГШ; 22.441667° ИГД / 41.342833; 22.441667
Место	Удово
Општина	Валандово
Држава	Македонија
Општи податоци
Покровител	Атанасиј Александриски
Изградба	19 април 1993
Осветување	2002
Архитектонски опис
Архит. тип	крстокуполен храм

Местоположба

Црквата е сместена на влезот од селото, непосредно на левата страна од патот кој води од селото Јосифово.

Историја

Камен-темелникот за изградба на црквата бил поставен и осветен на 19 април 1993 година, втор ден од христијанскиот празник Велигден, од страна на тогашниот поглавар на Македонската православна црква г.г. Гаврил. Храмот бил осветен во 2002 година од поглаварот на Повардарската епархија г. Тимотеј.^[2]

Архитектура

Градбата на црквата е трикорабна и претставува крстокуполен храм, при што куполата има осумстран тамбур. Источниот ѕид на црквата завршува со полукружна апсида.^[2] Влезот на црквата има натстрешница, а над влезата врата има ниша со фреска на која е насликан Атанасиј Александриски.

Во дворот на црквата има спомен-чешма и помошен објект.

Фрескоживопис

Внатрешноста на црквата е делумно фрескоживописана од страна на Златко Ристевски од Велес.^[2]

Иконостас

Иконостасот е пренесен од црквата „Св. Димитриј” од селото Градец, а истиот е изработен од страна на зографот Исаија Џиков од Дебарско.^[2]

Галерија

Влезната врата од црквата
Влезната врата со фреската на Атанасиј Александриски
Фреската на Атанасиј Александриски
Спомен-чешма во дворот на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 ^2,2 ^2,3 „Цркви во Пиравската парохија“. Повардарска епархија. 2 јуни 2008. Посетено на 26 јули 2017.

Надворешни врски

Црква „Св. Атанасиј“ - Удово на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[црква-2] 2,0 ^2,1 ^2,2 ^2,3 „Цркви во Пиравската парохија“. Повардарска епархија. 2 јуни 2008. Посетено на 26 јули 2017.

[1]

[2]