Сашо Мацановски - Трендо
Сашо Мацановски - Трендо (Скопје, 7 јули 1967 година) — македонски автор, новинар и телевизиски водител.
| Сашо Мацановски - Трендо | |
|---|---|
 Трендо во 2009 г. | |
| Роден(а) | 7 јули 1967 Скопје, СР Македонија |
| Националност | Македонец |
| Народност | Македонец |
| Занимање | автор, новинар и телевизиски водител |
| Познат(а) по | по водењето на Кој сака да биде милионер? |
Животопис
уредиПо неговите родители, Трендо води потекло од Велес.
Основно училиште и гимназија завршил во Скопје. Дипломирал на Институтот по социологија при Филозофскиот факултет при Универзитетот „Св. Кирил и Методиј“.
Работел како уредник на вести во телевизиите Сител и Канал 5. Заедно со Логин Кочишки во периодот 1995-1998 ја создал емисијата „Балкан Експрес“[1] на ТВ Сител, која продолжила под името „Валкан експрес“ (1998-2000) на Канал 5.
Од 2000-2004 година објавувал неделни колумни во додатокот „Антена“ на дневниот весник „Дневник“ и во неделникот „Фокус“. Тие се објавени на 680 страници во збирката „Трендоленд: слободна територија“ од издавачката куќа Табернакул во 2011. Напишани низ критичка и сатирична призма, колумните претставуваат неофицијална хроника на едно турбулентно време во историјата на Македонија.
Сашо Мацановски стапил во врска со Зорица Црношија во 2000 година, а со неа се оженил во 2006 година. Сашо и Зорица имаат две деца: Мате (роден во 2006 година) и Бела (родена во 2010 година).[2]
Од 2000 до 2012 го водел мрежното место on.net.mk, еден од првите интернет портали во Македонија. Основач или творец е на уште неколку дигитални сервиси: дигиталната телевизија БумТВ, блог платформата Блогерај, интернет порталот за телевиско емитување Зулу, а кратко време бил и директор на маркетинг во компанијата на операторот ОНЕ.
Познат е и како неколкугодишен водител на македонската верзија на квизот „Кој сака да биде милионер?“ (2004-2009). Поради водењето на квизот, тој ја добил Наградата за најдобар телевизиски водител за 2010 година при Златната бубамара на популарноста.[3]
Во март 2012 година, го основал порталот офф.нет.мк.[4]
Наводи
уреди- ↑ „Димитријо, сине Митре“. off.net.mk. 5 март 2012. Архивирано од изворникот 2012-03-07. Посетено на 7 јули 2023.
- ↑ „СЕМЕЈНА ИДИЛА: Запознајте го семејството на Сашо Мацановски Трендо! (фото)“. vistina.mk. 17 декември 2015. Архивирано од изворникот на 2016-04-22. Посетено на 27 ноември 2016.
- ↑ Сашко Коцев, Љупчо Бубо Каров, Сашо Мацановски - Трендо. (2010). Zlatna Bubamara 2010 Bubo Karov i Trendo. Универзална сала, Скопје: Златна бубамара на популарноста. Се случува во 02:25-04:35. 7U4gN90v1-k. https://www.youtube.com/watch?v=7U4gN90v1-k.
- ↑ Сашо Мацановски Трендо (5 март 2012). „Добро ве најдовме“. off.net.mk. Архивирано од изворникот 2012-03-07. Посетено на 7 јули 2023.
Надворешни врски
уреди- Видео на You Tube - настап на Трендо, со Гоце Арнаудов, на Златната бубамара на популарноста 2006
- Видео на You Tube - учество на Трибина Аргумент, 2012 - Религијата (не) го унапредува општеството
 | Оваа биографска статија е никулец. Можете да помогнете со тоа што ќе ја проширите. |