Гоце Арнаудов
Гоце Арнаудов (Струмица, 19 август 1954 - Скопје, 6 декември 2011) — популарен македонски пејач на фолклорна музика.
| Гоце Арнаудов | |
|---|---|
 | |
| Животописни податоци | |
| Родено име | Гоце Арнаудов |
| Роден(а) | 19 август 1954 Струмица, Македонија |
| Починал(а) | 6 декември 2011 (возр. 57) Скопје |
| Занимања | пејач |
Животопис
уредиГоце Арнаудов е роден во Струмица на 19 август 1954 година. Тој уште на десет годишна возраст почнал да свири на гитара и да пее во групата на неговиот татко. По завршувањето на средното образование ја формирал групата „Крик“, со која се претставувале низ цела поранешна Југославија. Гоце во Македонија се вратил во 1993 година и за кратко време ги освоил симпатиите и признанијата на својата публика и на музичката критика и каде и да учествувал предизвикувал еуфорија, а на сите фестивали ги освојувал првите места.
Во 1994 година на Фолк Фест Валандово со песната „Дали чекаш стара мајко“ ги освоил сите можни награди и веќе дваесет години е меѓу омилените песни во македонскиот фолклор, композитор на песната е Миле Барбаровски, а текстот го напишал Георги Барбаровски. Гоце Арнаудов има напишано над 200 песни,[1] учествувал на стотина фестивали, од кои на преку 60 има добиено прво место. Во рамките на пет години бил прогласуван за најпопуларната личност на Македонија[2]. Учествата на фестивалот Фолк Фест Валандово му донеле 22 награди, а неговите песни многупати ги имаат добиено наградите на публиката и на телевизискиот аудиториум. Неколкупати станал сопственик на наградата за интерпретација на најголемиот пејач „Никола Бадев“ на фестивалот „Гоце Фест“.
Често во Европа, Америка и Австралија учествувал на добротворни концерти.
Во 2000 година, во својот роден град Струмица, Арнаудов направил концерт на стадионот и собрал 10 илјади публика, а раководството на областа му дала награда за пејач на деценијата и за почесен граѓанин.
Починал од рак, на 6 декември 2011 година во болницата во Франција каде што се лекувал.[3]
Наводи
уреди- ↑ Погребан Гоце Арнаудов[мртва врска]
- ↑ „ИЗБРАНИ ФОЛК-БИСЕРИТЕ Гоце Арнаудов и Сузана Спасовска - пејач и пејачка на годината“. Дневник. Посетено на 2010-03-17.[мртва врска]
- ↑ Почина Гоце Арнаудов Архивирано на 8 декември 2011 г., +инфо