Тео Бос

Тео Бос (холандски: Theo Bos; р. 22 август 1983) — холандски професионален велодромски и друмски велосипедист, кој вози за БЕАТ Сајклинг Клуб. Бос е олимписки сребрен медалист и петкратен светски првак.

Тео Бос

Бос 2018
Лични податоци
Цело име	Тео Бос
Роден	22 август 1983(1983-08-22) Хирден, Холандија
Висина	1,90 м
Маса	77 кг
Податоци за клубот
Мом. клуб	БЕАТ Сајклинг Клуб
Дисциплина	друмски и велодромски велосипедизам
Улога	возач
Вид на возач	спринтер
Професионални клубови
2009 2010 2011–2014 2015-2016 2017-	Рабобанк Континентал Тим Сервело ТестТим Рабобанк МТН Кубека БЕАТ Сајклинг Клуб
Освоени медали Велодромски велосипедизам Натпреварувач за Холандија Олимписки игри Атина 2004 Спринт Светски првенства Мелбурн 2004 Спринт Лос Анџелес 2005 Хронометар Бордо 2006 Спринт Бордо 2006 Кеирин Палма де Мајорка 2007 Спринт Лос Анџелес 2005 Екипен спринт Палма де Мајорка 2007 Кеирин Лондон 2016 Хронометар Хонгконг 2017 Екипен спринт Мелбурн 2004 Хронометар Манчестер 2008 Екипен спринт Апелдорн 2011 Медисон
Последна промена 10 февруари 2018

Ран живот

Бос е роден во Хирден, Холандија. Има постар брат Јан Бос, кој се занимава професионално со брзото лизгање.

Во 2001 годдина бил светски велодромски јуниорски првак во трката на 1.000 метри. Истата година, на 18 години, ја започнал неговата професионална кариера.

Професионална кариера

Велодромски велосипедизам

Освоил сребрен медал на Летните олимписки игри 2004 на спринтот.

Победил на спринтот на Светското велодромско првенство UCI 2004. Следната година, го освоил поединечниот спринт и сребрениот медал во екипниот спринт на Светското велодромско првенство UCI 2005.

На Светското велодромско првенство UCI 2006, Бос победил во кеирин и постигнал троен успех, станувајќи светски првак во спринт, кило и кеирин. Победил на кеирин откако забрзал во двата последни круга, победувајќи го голема разлика и успевајќи да ги подигне рацете и да ѝ отпоздрави на публиката на целта. Неговиот француски соперник и бронзен медалист, Арно Турнан, изјавил дека резултатот на Бос бил „најдоброто нешто што не сум го видел долго време“.

На 16 декември 2006 година, Бос го срушил светскиот велодромски рекорд на 200 метри во текот на квалификациите за спринт на настан од Светскиот куп во Москва. Бос извозел за 9,772 секунди (иако компјутерот првично му избројал 9,086 секунди) и го урнал 11-годишниот рекорд на Канаѓанецот Курт Харнет. Бос објавил дека 200 метри е „краен рекорд“ за велодромските велосипедисти. Пет дена подоцна, Бос бил избран за холандски спортист на годината. Рекордот на Бос бил срушен од Французинот Кевин Сиро на Москва ГП на 29 мај 2009 година со 9,65 секунди.

Започнувајќи од август 2017 година, Бос започнал да вози за БЕАТ Сајклинг Клуб. Во 2017 година, Бос го освоил државното првенство во екипен спринт (со Матејс Бихли и Рој ван ден Берг).

друмски велосипедизам

На 19 април 2009 година, Бос се нашол во контроверзниот пад во последните 800 метри на последната етапа на Трката околу Турција. Наводно, Бос предизвикал да падне крајниот победник Дарил Импи допирајќи го левото рамо на Импи со неговата десна рака. Импи паднал на лево, во барикадите, веднаш до Бос. Бос признал дека го бутнал Импи. Бос тврдел дека причините за буткањето на Импи била бидејќи Импи се движел кон него, додека тој веќе бил близу оградата. Бос бил дисквалификуван и казнет. На 1 мај 2009 година, Меѓународниот велосипедистички сојуз (UCI) изјавил дека „однесувањето на Бос ги поткопува сликата, угледот и интересите на велосипедизмот“. Бос бил казнет поради непочитување на правилата и бил донесен пред дисциплинско сослушување на UCI, на кое бил прогласен за виновен поради кршење на правилата на UCI. Подоцна, Бос бил суспендиран од професионалното возење од 15 август до 14 септември 2009 година.

Надвор од сезоната пред 2010 година, Бос потпишал со екипата Сервело ТестТим, во која бил поранешниот победник на Тур де Франс Карлос Састре. Бил прикажан како засилување на нивната спринтерска екипа. Возел на повеќе помали трки, но и на некои големи, како Париз-Рубе и Вуелта а Еспања. Кога Сервело Тест Тим се распаднал кон крајот на 2010 година, Бос се вратил во екипата Рабобанк. Негов прв триумф во 2011 година бил на првата етапа на Трката околу Оман, победувајќи го Марк Кевендиш во спринтерска завршница.

Во 2012 година, ја освоил првата и последната етапа на Трката околу Турција. На обете трки имало падови при крајот, намалувајќи го бројот на спринтери со кои морал да се бори Бос. Бос ја освоил првата победа во неговата кариера во Светската турнеја на Енеко Тур 2012. На третата етапа од Римст до Генк, го претекнал Џон Дегенколб (Аргос-Шимано) на целта во масовен спринт.

Екипата настапува со цел која е многу повеќе отколку победа на трки и тоа е Кубека, општествена иницијатива која цели децата од Африка да седнат на велосипед. Навистина го сакам овој човечки елемент на екипата. Се надевам дека ќе успеам да донесам одредени обожаватели со мене кон екипата, што ќе овозможи нова поддршка на иницијативата на Кубека

Тео Бос

Бос бил првично избран како член на екипата на Белкин за Вуелта а Еспања 2013, меѓутоа бил повлечен пред почетокот на трката откако тестовите откриле дека имал ниски нивоа на кортизол. Изјавата на екипата велела дека ова било „показател за неповолни здравствени услови“ и дека иако ниските нивоа на кортизол не биле пречка за настап на трките од Светската турнеја на UCI, медицинскиот персонал на екипата и Бос се согласиле дека е подобро да биде дома. Подоцна, Бос потврдил дека неговата состојба била поради екстремна реакција на лековите за астма.

Бос ќе вози за професионалната континентална екипа МТН Кубека од 2015 година натаму. Бос рекол дека „екипата има одлична култура, јас сакам да победувам и ние заедно ќе работиме да победуваме, нашиот успех е успехот на Африка.“

Достигнувања

Велодромски велосипедизам

2001

1. Светско јуниорско првенство — хронометар од 1 км

2002

1. Европско првенство под 23 години — кеирин

2. Европско првенство под 23 години — хронометар од 1 км

2. Европско првенство под 23 години — спринт

2003

1. Европско првенство под 23 години — хронометар од 1 км

1. Европско првенство под 23 години — спринт

1. Државно првенство — хронометар од 1 км

1. Државно првенство — спринт

2. Европско првенство под 23 години — кеирин

2. Светски куп во Москва — хронометар од 1 км

2004

1. Светско првенство — спринт

1. Светски куп во Москва — хронометар од 1 км

1. Државно првенство — спринт

1. Државно првенство — кеирин

2. Олимписки игри — спринт

2. Светски куп во Манчестер — хронометар од 1 км

2. Светски куп во Москва — екипен спринт

3. Светско првенство — хронометар од 1 км

3. Светски куп во Москва — спринт

2005

1. Светско првенство — хронометар од 1 км

1. Светски куп во Лос Анџелес — хронометар од 1 км

1. Светски куп во Лос Анџелес — екипен спринт

1. Светски куп во Манчестер — спринт

1. Светски куп во Сиднеј — кеирин

1. Светски куп во Сиднеј — спринт

2. Светско првенство — екипен спринт

2. Светски куп во Манчестер — екипен спринт

2006

1. Светско првенство — кеирин

1. Светско првенство — спринт

1. Светски куп во Москва — спринт

1. Светски куп во Сиднеј — кеирин (2006–1)

1. Светски куп во Сиднеј — кеирин (2006–2)

1. Светски куп во Сиднеј — екипен спринт (2006–1)

1. Државно првенство — спринт

1. Државно првенство — кеирин

2. Светски куп во Москва — екипен спринт

2. Светски куп во Сиднеј — екипен спринт (2006–2)

2007

1. Светско првенство — спринт

1. Мастерс оф Спринт

1. Ротердам Спринт Куп

1. Државно првенство — спринт

1. Државно првенство — кеирин

2. Светско првенството — кеирин

2008

3. Светско првенство — екипен спринт

2010

1. Државно првенство — медисон (заедно со Петер Схеп)

2011

3. Светско првенство — медисон (заедно со Петер Схеп)

2012

2. Државно првенство — хронометар од 1 км

2015

1. Државно првенство - кило

1. Државно првенство - поединечен спринт

2016

2. Светско првенство - кило

2017

1. Државно првенство - екипен спринт (со Матејс Бихли и Рој ван ден Берг)

2. Светски куп во Манчестер - екипен спринт (со Матејс Бихли и Рој ван ден Берг)

2018

1. Светски куп во Минск - екипен спринт (со Матејс Бихли и Рој ван ден Берг)

3. Светски куп во Минск - спринт

друмски велосипедизам

2009

Трка Олимпија

1. Пролог

1. Етапа 1

1. Етапа 2

1. Етапа 4

1. Трка околу Северна Холандија

1. Омлоп дер Кемпен

3. Ронде ван Оверајсел

4. Класик Бевербек

2010

1. Класика де Алмерија

1. Етапа 5 Вуелта а Мурсија

Вуелта а Кастиља и Леон

1. Етапа 1

1. Етапа 2

1. Бодовен пласман

2011

Трка околу Оман

1. Етапа 1

1. Етапа 3

1. Тур де Рејке

1. Етап 6 Трка околу Данска

1. Дач Фуд Вали Класик

2. Делта Тур Зеланд

8. Шелдепрејс

2012

1. Дварс дор Дренте

1. Дач Фуд Вали Класик

1. Меморијал Рик ван Стенберген

Трка околу Турција

1. Етапа 1

1. Етапа 8

1. Етапа 3 Енеко Тур

1. Етапа 2 Светски пристаништен класик

3. Класика де Алмерија

3. Шелдепрејс

2013

Трка околу Хајнан

1. Етапа 2

1. Етапа 3

1. Етапа 4

1. Етапа 5

1. Етапа 7

1. Етапа 9

Тур де Лангкави

1. Етапа 1

1. Етапа 2

1. Етапа 2 Волта ао Алгарве

1. Етапа 1 Критериум Интернасионал

1. Етапа 3 Трка околу Норвешка

1. Етапа 2 Стер ЗЛМ Тур

8. Шелдепрејс

9. Делта Тур Зеланд

2014

1. Краен пласман Светски пристаништен класик

1. Бодовен пласман

Тур де Лангкави

1. Етапа 2

1. Етапа 7

1. Етапа 8

1. Етапа 9

1. Етапа 3 Трка околу Полска

1. Етапа 4 Трка околу Алберта

2. Хандзаме Класик

3. Краен пласман Тур де л’Еурометропол

1. Етапа 3

Распоред на резултатите на големите трки

Голема трка	2010	2011	2012	2013	2014	2015
Џиро	—	—	СО	—	—	—
Тур	—	—	—	—	—	—
Вуелта	СО	—	—	—	—	—

СО = се откажал; — = не учествувал

Надворешни врски

• Матична страница (холандски)
• „Достигнувања на Тео Бос“. Cycling Archives.
• „Достигнувања на Тео Бос“. Cycling Quotient.
• „Достигнувања на Тео Бос“. ProCycling.

Рекорди
Претходник Курт Харнет	Хронометар на 200 метри светски рекордер 16 декември 2006 – 29 мај 2009	Наследник Кевин Сиро
Награди
Претходник Јури ван Гелдер	Холандски спортист на годината 2006	Наследник Свен Крамер