Отвори го главното мени

ПозадинаУреди

Постојат критички дебати за создавањето на прозата: "... дистинкцијата помеѓу стихот и прозата е јасна, дистинкцијата помеѓу поезијата и прозата е нејасна".[1] Прозата со својата едноставност и лабаво дефинирана структура е поприлагодлива за дијалогот, фактичкиот дискурс и за актуелното и фиктивното пишување. Таа систематски се создава и се објавува во рамките на книжевноста, новинарството (вклучувајќи весници, списанија и радиодифузија), енциклопедиите, филмовите, историјата, филозофијата, правото и во речиси сите форми и процеси кои бараат човечки комуникации.

ЕтимологијаУреди

Зборот "проза" првично се појавил во англискиот јазик во 14-тиот век. Тој е изведен од старофранцускиот збор prose, кој пак поттекнува од латинскиот израз prosa oratio (буквален или директен говор).[2]

ПотеклоУреди

Исак Њутн во Хронологијата на античките кралства напиша "грчките антиквитети се полни со поетски фикции бидејќи Грците не напишале ништо во проза пред освојувањето на Азија од страна на Кир Персиецот. Потоа Ферекид од Сироса и Кадм од Милет го вовеле пишувањето на прозата."[3] Проза. - веб-сајтот, подоцна напиша "Се разбира Њутн не открил некој закон од лингвистичка природа тврдејќи дека без разлика колку слобода во формата, спонтаност или неструктурираност литературната изјава може да има, таа секогаш ќе содржи поетски елементи, исто како што нејонизираните елементи секогаш ќе содржат електрони; најдобрата проза содржи најголем поетски набој добиен од најмалиот поетски напор."[4]

СтруктураУреди

Во прозата отсуствува формалната метричка структура типична за стихот која може да се најде во традиционалната поезија. Прозата се состои од целосни граматички реченици во состав на параграфи игнорирајќи ја естетската привлечност, додека поезијата често вклучува метричка и/или римувачка шема. Некои дела на проза содржат траги од метричката структура или версификација и свесната комбинација на овие две литературни формати е позната како прозна поезија. Стихот се смета за посистематски или формулаичен, додека пак прозата е одраз на обичниот (често разговорен) говор. Во однос на ова Семјуел Тејлор Колриџ на шега побара поетите-почетници да ги знаат "дефинициите на прозата и поезијата; т.е., проза—зборови во нивниот најдобар ред; поезија—најдобрите зборови во нивниот најдобар ред."[5]

Господинот Журден побара нешто да биде напишано ниту во стих ниту во проза. Господар на филозофијата одговори дека не постои друг начин за изразување од прозата или стихот, од едноставна причина што сè што не е проза е стих, а сè што не е стих е проза. Молиер, Le Bourgeois Gentilhomme[6]


... Верувам дека една приказна може да биде уништена од погрешнен ритам во реченицата - особено ако тоа се случи кон крајот - или грешка во параграфирањето, дури и во интерпункцијата. Хенри Џејмс е мајстор на точката со запирка. Хемингвеј е параграфер од прв ранг. Во однос на слухот, Вирџинија Вулф никогаш не напишалата лоша реченица. Не сакам да имплицирам дека успешно го практикувам она што го проповедувам. Се обидувам, тоа е сè.[7]


ВидовиУреди

Постојат многу видови на проза и тоа нефиктивна проза, херојска проза,[8] прозна песна,[9] полифонична проза, алитеративна проза, прозна фикција и селска проза во руската литература.[10] Прозната песна е дело во проза кое ги има и некои од карактеристиките на песната.[11]

Многу форми на креативно и литературно пишување користат проза, вклучувајќи ги романите и кратките раскази. Писателот Труман Капоти сметал дека расказот е "најтешката и дисциплинирачка форма на пишување на проза која постои".

ПоврзаноУреди

НаводиУреди

  1. Eliot T S 'Poetry & Prose: The Chapbook' Poetry Bookshop London 1921
  2. „prose (n.)“. Online Etymology Dictionary. конс. 19 January 2015. 
  3. Newton, Isaac. The Chronology of Ancient Kingdoms Amended. Gutenberg. http://www.gutenberg.org/files/15784/15784-h/15784-h.htm. посет. 19 јануари 2015 г. 
  4. „The Etymology of Prose“. конс. 2016-02-24. 
  5. „Webster's Unabridged Dictionary (1913)“. University of Chicago reconstruction. Архивирано од изворникот на 2012-07-10. конс. 2010-01-31. 
  6. „Le Bourgeois Gentilhomme“. English translation accessible via Project Gutenberg. конс. 2010-01-31. 
  7. Hill, Pati. Truman Capote, The Art of Fiction No. 17. „The Paris Review“ том  Spring-Summer 1957 (16). http://www.theparisreview.org/interviews/4867/the-art-of-fiction-no-17-truman-capote. посет. 18 февруари 2015 г. 
  8. Merriam-Webster (1995). Merriam-Webster's Encyclopedia of Literature. Merriam-Webster, Inc. стр. 542. ISBN 0877790426. https://books.google.com/books?id=eKNK1YwHcQ4C&pg=PA542. 
  9. Lehman, David (2008). Great American Prose Poems. Simon and Schuster. ISBN 1439105111. https://books.google.com/books?id=RzunYckU4woC&printsec=frontcover. 
  10. „Prose“. Encyclopædia Britannica. конс. 2012-05-27. 
  11. „Prose poem“. Merriam-Webster. конс. 2012-05-27. 

Дополнителна литератураУреди

Надворешни врскиУреди