Мрзенци
Мрзенци — село во Општина Гевгелија, во областа Бојмија, во околината на градот Гевгелија.
| Мрзенци | |
Поглед на новиот дел од селото | |
  Мрзенци Местоположба на Мрзенци во Македонија
Мрзенци на карта
| |
| Координати 41°9′45″N 22°30′25″E / 41.16250° СГШ; 22.50694° ИГД | |
| Регион |  Вардарски
|
| Општина |  Гевгелија
|
| Област | Бојмија |
| Население | 525 жит. (поп. 2021)[1]
|
| Пошт. бр. | 1480 |
| Повик. бр. | 034 |
| Шифра на КО | 06016 |
| Надм. вис. | 50 м |
|
Мрзенци на општинската карта  Атарот на Мрзенци во рамките на општината | |
 Мрзенци на Ризницата
| |
Потекло на името
уредиИмето на селото доаѓа од луѓето кои го населиле, а кои дошле таму од мрзен дол, каде што било ладно и мрзнело.[се бара извор]
Географија и местоположба
уредиНаселбата се наоѓа во областа Бојмија, во крајниот јужен дел на територијата на Општина Гевгелија, недалеку од градот Гевгелија, поради што припаѓа на неговата рурбална зона.[2] Селото е рамничарско, на надморска височина од 50 метри и е едно од најниските места во целата Република.[2]
Атарот е мал и зафаќа површина од 6,8 км2. На него обработливото земјиште зафаќа површина од 320 хектари, на пасиштата отпаѓаат 145 хектари, а на шумите отпаѓаат малку помалку од нив.[2]
Историја
уреди
Подрачјето на Мрзенци е населено уште од доцната антика, за што сведочи наоѓалиштето Манастир (Над Селото) на западниот крај на селото.[3]
Во XIX век, Мрзенци било село во рамките на Гевгелиската каза на Отоманското Царство.
Вкупно 2 жители на оваа населба се заведени како жртви во Втората светска војна.[4]
Стопанство
уредиСелото во основа има полјоделска функција.[2]
Население
уреди
|
| |||||||||||||||||||||||||||||||||
Според податоците на Васил К’нчов („Македонија. Етнографија и статистика“) од 1900 година, во селото Мрзенци имало 680 жители, од кои 280 Македонци и 400 Турци.[5] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Мрзенци имало 312 жители.[6]
Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.[7]
Мрзенци е средно по големина село, со пораст на бројот на населението. Така, во 1961 година селото имало 360 жители, а во 1994 година 480 жители, од кои 469 биле Македонци, 4 Срби и 7 останати.[2]
Според пописот од 2002 година, во селото Мрзенци имало 461 жител, од кои 458 Македонци, 1 Србин, 1 Влав и 1 останат.[8]
Според последниот попис од 2021 година, во селото живееле 525 жители, од кои 502 Македонци, 1 Албанец, 5 Срби, 1 останат и 16 лица без податоци.[9]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 680 | 312 | 336 | 345 | 360 | 379 | 444 | 478 | 480 | 461 | 525 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Самоуправа и политика
уредиСелото влегува во рамките на Општина Гевгелија, која била променета со новата територијална поделба на Македонија во 2004 година, при што кон нејзе била придодадена поранешната Општина Миравци. Во периодот од 1996-2004 година, селото било во рамките на некогашната Општина Гевгелија.
Во периодот 1950-1952, селото било во рамките на некогашната градска општина Гевгелија, во која влегувале градот Гевгелија и селото Мрзенци.
Во периодот 1952-1955, селото било дел од тогашната Гевгелиска градска општина, во која покрај селото Мрзенци се наоѓале градот Гевгелија и селата Горничет, Конско, Моин, Мрзенци и Ума.
Во периодот 1955-1965, селото се наоѓало во некогашната општина Гевгелија.
Во периодот 1965-1996 година, селото се наоѓало во рамките на големата Општина Гевгелија.
Избирачко место
уредиВо селото постои избирачкото место бр. 352 според Државната изборна комисија, сместени во просториите на основното училиште.[14]
На претседателските избори во 2019 година, на ова избирачко место биле запишани вкупно 398 гласачи.[15]
Културни и природни знаменитости
уреди- Цркви[16]
- Црква „Св. Константин и Елена” — главна селска црква
- Археолошки наоѓалишта
- Манастир - Над Селото — населба од доцноантичкото време[3]
- Црква — средновековен сакрален објект
- Реки[17]
- Серменинска Река — десна притока на Вардар, се влева во нејзе во близина на селото
Наводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 203. Посетено на 3 јуни 2017.
- ↑ 3,0 3,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 110. ISBN 9989-649-28-6.
- ↑ „Попис на жртвите од војната 1941-1945, СР Македонија“ (PDF).
- ↑ Васил К’нчов. „Македонија. Етнографија и статистика“. Софија, 1900, стр. 152.
- ↑ D.M.Brancoff. "La Macédoine et sa Population Chrétienne". Paris, 1905, р. 194-195.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 3 јуни 2017.
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 29 декември 2019.
- ↑ „Претседателски избори 2019“. Архивирано од изворникот на 2019-12-29. Посетено на 29 декември 2019.
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ Петрушевски, Илија; Маркоски, Благоја (2014). Реките во Република Македонија (PDF). Скопје: Геомап. стр. 37. ISBN 978-9989-2117-6-8.
_1941.jpg){kind=link}