Клиново

Клиново — раселено село во Општина Кавадарци, во областа Мариово, во околината на градот Кавадарци.

Клиново
Клиново Местоположба на Клиново во Македонија Клиново на карта
Координати 41°14′15″N 21°56′55″E
Регион	Вардарски Мариово
Општина	Кавадарци
Население	0 жит. (поп. 2021)
Шифра на КО	11021
Клиново на општинската карта Атарот на Клиново во рамките на општината
Клиново на Ризницата

Географија и местоположба

Селото се наоѓа во областа Мариово, југозападно од градот Кавадарци.

Историја

Во XIX век, Клиново било село во рамките на Мариовската нахија во Тиквешката каза на Отоманското Царство.

Население

Население во минатото

Година Нас. ±% 1948 492 —     1953 409 −16.9% 1961 418 +2.2% 1971 15 −96.4% 1981 — —	Година Нас. ±% 1991 — —     1994 2 —     2002 0 −100.0% 2021 0 0.00%

Според статистиката на Васил К’нчов („Македонија. Етнографија и статистика“) од 1900 година, во Клиново живееле 650 жители. Според егзархискиот секретар Димитар Мишев, („La Macédoine et sa Population Chrétienne“) во 1905 година во Лазарополе имало 3.304 жители, под врховенството на Бугарската егзархија.

Според германска карта издадена во 1941 година, а заснована на пописот на Кралството Југославија од 1931 година, селото имало 500 Македонци.

Селото броело 418 жители во 1961 година, додека во 1994 година имало само двајца жители.

Според пописот од 2002 година, во селото Клиново немало жители. Истото било потврдено и на пописот од 2021 година.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	650	680	492	409	418	15	—	—	2	0	0

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Новости

Во 2007 година е пробиен патот од Блашница до с. Клиново и овозможено е да се оди со возило преку Бојанчиште до викенд населбата на Блашница и од тука нагоре до селото. Покрај прославата на селската слава Летен Св.Архангел во месец Јули, сега се во тек подготовките за водење електрична струја до селото.Овие активности се дел од долгогодишните заложби на поранешните жители и нивните потомци иселени поради изградбата на браната на река Црна (1968 г.), да се вратат на родните огништа и повторно да го вратат животот кој постоел на овој простор многу векови пред да се направи браната.

Културни и природни знаменитости

Цркви

• Црква „Св. Архангел Михаил“ — стара и нова

Археолошки наоѓалишта

• Бабина Нива — населба од средниот век;
• Градишта — градиште од железното и римското време и средниот век;
• Градиштанска Црква — населба од доцноантичкото време;
• Грозана — средновековно утврдување;
• Карпуза — средновековна некропола;
• Катуништа — населба и некропола од доцноантичкото време;
• Колиби — средновековно утврдување;
• Крст — некропола од доцноантичкото време;
• Прекиот Пат — населба од доцноантичкото време;
• Самарџица — средновековна населба;
• Стреј — средновековно утврдување;
• Тумба — утврдена населба од доцноантичкото време;
• Черњец — населба од доцноантичкото време.

Редовни настани

Секоја година во Клиново се слави летниот Св. Архангел.

Личности

Личности родени во Клиново:

• Васил Филев, револуционер од ВМОРО
• Јованка Ајтова — учесник во НОВ на Македонија.

Надворешни врски

• Клиново на Ризницата