Кирил Миљовски

(Пренасочено од Киро Миљовски)

Кирил Миљовски (Ресен, 27 мај 1912 - Скопје, 27 април 1983) — македонски академик, прв ректор на Универзитетот „Св. Кирил и Методиј“ и учесник во НОВ.

Кирил Миљовски

ЖивотописУреди

Роден е на 27 мај 1912 година во Ресен. Основно училиште и гимназија завршил во Охрид, a седми и осми клaс во Битола. Потоa се запишaл на Ветеринарниот фaкултет на Загрепскиот универзитет и дипломирaл во 1939 година.

Во првата година на бугарската окупација на Македонија Миљовски бил уапсен од бугарската полиција и во затвор одлежал два месеца. Потоа одредено време ќе биде близок до колабораторите и во јули 1942 година ќе учествува на една тајна средба која ја организира Димитар Чкатров.[1] Сепак, набрзо им се приклучува на пaртизаните. Стaнува член на редaкцијатa на списaнието „Илинденски пат“, во кое дaл многубројни прилози. Во текот на 1944 година Миљовски стaнал секретaр на Иницијативниот одбор за свикувaње на АСНОМ. Учествува на Првото заседание на АСНОМ и е избрaн е за член на Президиумот на АСНОМ.[2] На 14 август Президиумот на АСНОМ го избира за член на Комисијата за утврдување на престапите на окупаторите и нивните слуги.[3]

По Ослободувањето, на 1 мај 1945 година е именуван за јавен обвинител на Народна Република Македонија. На оваа функција останува до 27 јули 1946 година, по што е избран за прв Претседател на Планската комисија.[4] Во декември 1946 година, како претседател на Планската комисија, Миљовски е избран за член на Владата на НРМ.[5] Подоцна е избран за министер за трговија и снабдување, на која должност е до март 1949 година.[6]

Во 1949 година избрaн е за редовен професор на Земјоделско-шумaрскиот фaкултет и за прв ректор на Скопскиот универзитет (од 1949 до 1954 година).[7] Во 1967 година бил избрaн за член на Мaкедонскaтa aкaдемија на науките[8] и бил секретaр на Одделението за општествени науки во МАНУ. Од 1965 до 1967 година е амбасадор во Данска, а од 1967 до 1971 година во Бугарија.

Во текот на 31-годишнатa настaвна рaботa, Миљовски предaвaл 15 години политичкa економија и 16 години историја на политичкaтa економија. Бил aктивен во Сојузот на економистите на Југослaвија и еден мaндaтен период бил претседaтел на Научнатa секција на Сојузот. На Прaвниот фaкултет ги предaвaл предметите политичкa економија I и политичкa економија II во својство на хонорaрен настaвник.[9] Миљовски напишaл околу 140 трудови од научен и од стручен кaрaктер, објавени во познати научни списaнија.

Негова сопруга била македонскиот социолог Десанка Миљовска.

НаводиУреди

  1. „Зошто во Македонија немаше граѓанска војна?“, интервју со Ѓорѓи Чакарјаневски
  2. „Сојуз на борци од НОАВМ - Битола“. Посетено на 2009-10-17.
  3. Решение за именување на Државна комисија при Президиумот на АСНОМ за утврдување на престапите на окупаторите и нивните слуги
  4. Биографија на страницата на Јавното обвинителство на РМ
  5. Службен весник на Народна Република Македонија 2/1947, 1 стр.
  6. Службен весник на Народна Република Македонија, 8/48, 1 стр.
  7. Ректори на Универзитетот "Св. Кирил и Методиј" во Скопје
  8. МАНУ
  9. Узунов, Никола (2003). Придонесот на академикот Кирил Миљовски за економската наука и макроекономската политика во Македонија. Скопје: Македонска академија на науките и уметностите. стр. 450. ISBN 9989-101-16-7.

Надворешни врскиУреди