Капсохор (Касандриско)
Каспохор или Капсохора (попознато како Певкохори; грчки: Πευκοχώρι; до 1955 г. Καψοχώρα, Капсохора[2]) — село во Касандриско, Егејска Македонија, денес во општината Касандра на Халкидичкиот округ во областа Централна Македонија, Грција. Населението брои 2.194 жители (2021).
| Капсохор Πευκοχώρι | |
|---|---|
 Стара мелница кај селото | |
  Капсохор | |
|
Местоположба во областа   Капсохор | |
| Координати: 39°59′N 23°37′E / 39.983° СГШ; 23.617° ИГД | |
| Земја | Грција |
| Област | Централна Македонија |
| Округ | Халкидик |
| Општина | Касандра |
| Општ. единица | Палини |
| Надм. вис. | 20 м |
| Население (2021)[1] | |
| • Вкупно | 2.194 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото се наоѓа во јужниот дел на полуостровот Касандра, еден од трите краци на поголемиот Халкидичкиот Полуостров, покрај брегот на Егејското Море, на надморска височина од 20 м. Сместено е околу 90 км југоисточно од градот Солун, поврзано со асфалтиран пат со околните приморски села.[3]
Историја
уредиАнтика
уредиВо северозападниот дел на пристаништето, каде што закотвуваат чамците, се откриени остатоци од римска населба. На истото наоѓалиште се откриени монети со македонскиот офицер Лизимах.
Во Отоманското Царство
уредиСелото е најверојатно основано кон крајот на XVI век. Околната област била метох на манастирот Иврион на Света Гора, наречен Адер, од кој денес е останата само мелницата. За време на турското ропство, тоа, заедно со 12-те останати села на полуостровот, било дел од вакафот на Газанфер-ага.[4]
Жителите на селото учествувале во Халкидичкото востание од 1821 г. Најпознати револуционери од селото биле Георгиос Јанаки, Антониос Јоану, Јоанис Коѕас и други.[5]
Во XIX век Капсохор било грчко село во Касандриската каза на Солунскиот санџак. Според податоците на Васил К’нчов („Македонија. Етнографија и статистика“) од 1900 г., во селото Капсохор имало 280 жители Грци.[6] По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Кажохор (Kajohor) имало 320 Грци.[7]
Во Грција
уредиПо Балканските војни во 1913 г. селото е припоено кон Грција согласно Букурешкиот договор. Таа година селото броело 328 жители, кои во 1920 г. се зголемиле на 365 лица.[3]
Во 1965 година, името на селото било променето во Певкохори (Πευκοχώρι), во превод „борово село“.[2]
Кон крајот на 1980-тите, туризмот во оваа населба се развил на повисок степен, поради што населението се зголемило од 640 жители во 1981, на 1.149 во 1991 г.[8] Денес, тоа е едно најпосетуваните места од македонските туристи на Халкидик, меѓу кои се Полихрон, Ханиоти, Фурка и други.
Стопанство
уредиНаселението традиционално се занимава со одгледувањето на маслинови дрвја и јужни овошја, како и со сточарството и рибарството.[3]
Посебно внимание се посветува на туризмот, од што денес селото главно преживува.[3] Во него се изградени многу приватни викендици, хотели, кафулиња и ресторани.
Население
уредиЕве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 469 | 563 | 544 | 470 | 640 | 1.149 | 1.650 | 2.141 | 2.194 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
уредиВо 1920 година, селото станало самостојна општина, чиј атар зафаќал површина од 20 квадратни километри.[3] Општината Капсохор била приклучена во општината Палини во 1997 година, која била укината во 2011 година и станала дел од поголемата општина Касандра.
Селото припаѓа на општинската единица Палини со седиште во селото Ханиоти, која припаѓа на поголемата општина Касандра, во округот Халкидик. Воедно, селото е дел од општинскиот оддел Капсохор, во кој влегуваат и населбите Левкес и Панорама.
Културни и природни знаменитости
уредиЦркви
- Црква „Св. Атанасиј“ — главна селска црква, изградена во 1843 г.
Наводи
уреди- ↑ „Попис на населението од 2021 г. Трајно население“. Државен завод за статистика на Грција.
- ↑ 2,0 2,1 „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 9 септември 2024.
- ↑ 3,0 3,1 3,2 3,3 3,4 Симовски, Тодор (1998). Населените места во Егејска Македонија : географски, етнички и стопански одлики. II дел. Скопје: Институт за национална историја. стр. 373.
- ↑ „ΠΕΥΚΟΧΩΡΙ (ΚΑΨΟΧΩΡΑ) ΚΑΣΣΑΝΔΡΑ ΧΑΛΚΙΔΙΚΗ“. kassandra-halkidiki.gr. Κασσάνδρα Χαλκιδική. Посетено на 9 септември 2024.
- ↑ Νίκος Εμμ. Παπαοικονόμου, "Προσωπογραφία Αγωνιστών του 1821 από τη Χαλκιδική και τη Θεσσαλονίκη", έκδοση Εταιρεία Μακεδονικών Σπουδών, Θεσσαλονίκη 2016, σ. 362-369, ISBN 978-960-9458-12-2
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 172. ISBN 954430424X.
- ↑ Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 210–211.
- ↑ Chalkidiki and Mount Athos. Athens: Michael Toubis Publications SA. 2006. стр. 70. ISBN 960-540694-4 Проверете ја вредноста
|isbn=: checksum (help).
Надворешни врски
уреди
Капсохор (Касандриско) на Ризницата ?
