Каменц

Каменц (германски: Kamenz, горнолужички: Kamjenc) — град во Лужица (источна Саксонија), Германија. Сместен е во округот Бауцен и брои 18.243 жители. Се наоѓа 40 километри североисточно од Дрезден и околу 30 километри северозападно од Бауцен (Будишин).

Каменц/Камјенц Kamenz/Kamjenc
Воздушен поглед на центарот на Каменц Воздушен поглед на центарот на Каменц
Каменц/Камјенц
Управа
Земја	Германија
Покраина	Саксонија
Округ	Бауцен
Општ. заед.	Каменц-Шентајхен
Градоначалник	Роланд Данц
Основни податоци
Површина	53,15 км2
Надм. височина	173 м
Население	17.015 (31 декември 2022)
- Густина	320 жит/км2
Други информации
Часовен појас	CET/CEST (UTC+1/+2)
Рег. табл.	KM
Пошт. бр.	01917
Повик. бр.	03578
Портал	www.kamenz.de
Местоположба на градот Каменц/Камјенц во рамките на округот Бауцен
Карта
Координати	51°16′N 14°6′E

Градот е родно место на познатиот драматург, филозоф и поет Готхолд Ефраим Лесинг (1729-1781).

Историја

Кон крајот на XII век на местото на градот е изграден замок за крајпатната стража како обезбедување на древниот пат Вија Регија и реката Шварце Елстер. Ова бил важен трговски пат помеѓу Белгија и Шлеска.

Градот за првпат е споменат во 1225, а во 1319 стекнал управна независност. Во 1346 Каменц и пет други града го склучиле т.н. „Сојуз на шест горнолужички града“ за да се заштитат од пљачкосувањата на околните вооружени чети. Во 1707 голем дел од стариот град е уништен во катастрофален пожар.

Знаменитости

Театри

• Градски театар (Stadttheater)
• Хутбершка сцена (Hutbergbühne Kamenz, на отворено, со капацитет до 10 000 гледачи)

Музеи

• Музеј на Западна Лужица (Museum der Westlausitz)
• Лесингов музеј (Lessingmuseum)

Објекти

• Градска куќа (изгр. 1848-1849) во неоренесансен италијански стил
• Андреината фонтана (Andreasbrunnen) на пазарниот плоштад
• Црвена кула, Калуѓерски ѕид (Mönchsmauer), Pichschuppen (делови од средновековниот градобран)
• Главна протестантска црква Св. Марија (изгр. 1275-1479 во доцноготски стил)
• соборна црква Св. Ана (1499)
• катехистичка црква (1358)
• споменик на Лесинг (местото кајшто се наоѓала родната куќа на Лесинг)
• Лесингов дом (Lessing-Haus)

Настани

• Трка по планината Хутберг (Blütenlauf auf dem Hutberg)
• Лесингови денови (јануари и февруари)
• Ден на музиката (21 јуни)
• Шумски фестивал (Forstfest) седмицата на 24 август (Св. Апостол Вартоломеј)
• Фестивал на носот (Kamenzer Nasenfest) со т.н. „нос-пазар“ (3 октомври)
• карневал

Наводи

 Оваа статија вклучуват текст од дело кое сега е во јавна сопственост: Chisholm, Hugh, уред. (1911). Encyclopædia Britannica (11. изд.). Cambridge University Press. CS1-одржување: ref=harv (link)

Надворешни врски

• Официјална страница (германски)
• Музеј на Западна Лужица (германски)
• Лесингов музеј (германски)