Долно Крушари
Долно Крушари или Долно Крушаре (грчки: Έξω Αχλαδοχώρι, Егзо Ахладохори; до 1926 г. Έξω Κρουσάρ, Егзо Крусар или Κάτω Κρούσαρι, Като Крусари[1]) — поранешно село во Ениџевардарско, Егејска Македонија, на територијата на денешната општина Постол на истоимениот округ во областа Централна Македонија, Грција. Селото престанало да постои нешто по 1928 г.[2]
| Долно Крушари Έξω Αχλαδοχώρι | |
|---|---|
  Долно Крушари | |
|
Местоположба во областа   Долно Крушари | |
| Координати: 40°43.27′N 22°16.7′E / 40.72117° СГШ; 22.2783° ИГД | |
| Земја | Грција |
| Област | Централна Македонија |
| Округ | Постолски |
| Општина | Постол |
| Надм. вис. | 8 м |
| Население | |
| • Вкупно | иселено |
| Часовен појас | EET (UTC+2) |
| • Лете (ЛСВ) | EEST (UTC+3) |
Географија уреди
Селото се наоѓало во Солунското Поле, југозападно од градот Пазар (Ениџе Вардар). Лежело меѓу селата Долно Власи, Липариново и Прањани.[2]
Историја уреди
Во Отоманското Царство уреди
Во XIX век Долно Крушари било македонско село во Ениџевардарска каза. Според статистиката на Васил К’нчов („Македонија. Етнографија и статистика“) од 1900 г. Долно Крушари броело 420 жители, сите Македонци христијани.[3][4] Во 1910 г. Халкиопулос напишал дека во селото (Κροσάρι) има 352 жители под Бугарската егзархија.[5]
Според српскиот географ Боривое Милоевиќ, пред Балканските војни селото се состоело од 5 куќи на Роми муслимани.[2][6]
Во Грција уреди
По Балканските војни во 1913 г. селото е припоено кон Грција согласно Букурешкиот договор. Истата 1913 г. селото броело 38 жители (20 мажи и 18 жени), а во 1920 г. опаднало на само 5 жители, од кои 4 мажи и 1 жена, што значи дека селото веќе се распаднало, а во него останале само наемни работници на велепоседничк имот.[2]. Во 1924 г. Ромите како муслимани се иселени во Турција по сила на Лозанскиот договор. Селото било сосема напуштено. Во 1926 г. името на селото е преведено на грчки како Егзо Ахладохорион, т.е. „Надворешно Крушево“.[6] Во меѓувреме тука се доселени неколку влашки семејства кои во 1928 г. броеле 55 лица.[2]
По неколку години селото конечно се распаднало, а дојдените жители веројатно се преселиле во Горно Власи.[2]
Поврзано уреди
Наводи уреди
- ↑ Μετονομασίες των Οικισμών της Ελλάδας. Έξω Κρουσάρ – Έξω Αχλαδοχώρι
- ↑ 2,0 2,1 2,2 2,3 2,4 2,5 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 68.
- ↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 146. ISBN 954430424X.
- ↑ Χαλκιόπουλος, Αθανάσιος (1910). Εθνολογική στατιστική των βιλαετίων Θεσσαλονίκης και Μοναστηρίου. Αθήναι.
- ↑ 6,0 6,1 „Πληθυσμός και οικισμοί της περιοχής Γιανιτσών 1886 – 1927“. lithoksou.net. Посетено на 10 јули 2019.