Вулнет Старова
Вулнет Старова (Подградец, 6 мај 1934 - 5 август 1995)[1] — педијатар и политичар, Претседател на Собранието на СР Македонија.
| Вулнет Старова | |
|---|---|
| Претседател на Собранието | |
| На должноста 28 април 1986 – 8 јануари 1991 | |
| Претходник | Станко Младеновски |
| Наследник | Стојан Андов |
| Лични податоци | |
| Роден(а) | 6 мај 1934 Поградец, Албанија |
| Починал(а) | 5 август 1995 (возр. 61) Скопје, Македонија |
Животопис уреди
Роден е во Подградец на 6 мај 1934 година. Во 1959 година го завршува Медицинскиот факултет на Скопскиот универзитет. Во 1965 година специјализира педијатрија во Клиниката за детски болести, а во 1975 година во Приштина брани докторат по социјална педијатрија.
Вршел повеќе јавни функции. Бил член на Претседателството на Синдикатот на општествените дејности, во Универзитетскиот совет и во Статутарната комисија на ЦК на КПМ.[2] Од 1974 до 1978 година бил потпретседател на Извршниот совет на Собранието на СРМ. Напоредно со тоа членувал и бил секретар на Републичкиот секретаријат за здравство и социјална политика. На 28 април 1986 година е избран за Претседател на Собранието на СР Македонија.[3] Функцијата ја извршуваше до 8 јануари 1991 година, кога беше конституирано првото повеќепартиско собрание. Потоа работеше на Медицинскиот факултет, на Детската клиника, а извршуваше и професорска универзитетска дејност.
Автор е на книгите „Заедничко живеење: албанската народност во СР Македонија“ („Комунист“, 1988) и „Ацидобазна рамнотежа“ (во соавторство со Љубе Глигоровски, „Студентски збор“, 1989).
Наводи уреди
- ↑ Собрание на Република Македонија
- ↑ „Македонска енциклопедија“, МАНУ, Скопје, 2009, стр. 1420
- ↑ „Службен весник на Социјалистичка Република Македонија 18/86
| Политички функции | ||
|---|---|---|
| Претходник Станко Младеновски |
Претседател на Собранието на Македонија 1986-1991 |
Наследник Стојан Андов |
  | Оваа биографска статија за личност од Македонија е никулец. Можете да помогнете со тоа што ќе ја проширите. |