Википедија

Will.i.am

американски музичар

Вилијам Џејмс Адамс Помладиот (англиски: William James Adams Jr.; роден на 15 март 1975), професионално познат како will.i.am (се изговара „Вил-ај-ем“) ― американски рапер, пејач, текстописец, музички продуцент, глумец и претприемач. Најпознат е како основач и фронтмен на музичката група Black Eyed Peas, која ја основал со музичарите apl.de.ap и Taboo во 1995 година. Групата објавила девет студиски албуми; најголемиот успех го имала за време на нивната поп-рап ера во 2000-тите со албумите:Elephunk (2003), Monkey Business (2005), The END (2009) и The Beginning (2010).

will.i.am
Животописни податоци
Родено имеВилијам Џејмс Адамс Помладиот
Познат(а) и како
  • Will 1X
  • illwilly
  • Willonex
  • Zuper Blahq
  • willpower
Роден(а)15 март 1975(1975-03-15) (49 г.)
Лос Анџелес, Калифорнија, САД
Жанрови
Занимања
  • Рапер
  • пејач
  • текстописец
  • музички продуцент
  • глумец
Период на активност1988–денес
Издавачи
Мреж. местоwill.i.am

Покрај работата со The Black Eyed Peas, will.i.am започнал и соло-кариера. Неговиот прв соло-албум, Lost Change, го издал во 2001 година, а потоа ги издал албумите: Must B 21 (2003), Songs About Girls (2007) и #willpower (2013). Негови најпознати песни од неговата соло-кариера се: „Scream & Shout“ со Бритни Спирс, „#thatPOWER“ со Џастин Бибер, и „Bang Bang“.

Како плоден продуцент и текстописец, Адамс соработувал на синглови и албуми за други изведувачи, вклучувајќи ги: Мајкл Џексон, Ријана, Мајли Сајрус, Кање Вест, Џенифер Хадсон, U2, Кеша, Лејди Гага, Псај, Џастин Тимберлејк, Ники Минаж, Нас, Џон Леџенд, Шерил и 2NE1, меѓу другите. Во 1998 година, основал своја истоимена издавачка куќа, која потпишала договор со музичари како: LMFAO, Келис и Мејси Греј.

Добитник е на седум Греми награди, Латино Греми награда и Еми награда за серија во дневен термин.

Рани години и почетоци на кариерата

уреди

Вилијам Џејмс Адамс Помладиот[3] бил роден на 15 март 1975 година во Лос Анџелес. Никогаш не го запознал неговиот татко[4] и бил одгледан од неговата мајка во населбата Бојл Хајтс во Лос Анџелес.[5] Не го открил неговото целосно родено име до неговата 25 година.[3]

Додека учел во средното училиште Џон Маршал, Адамс станал најдобар пријател со Алан Пинеда (естрадно познат како apl.de.ap), кој подоцна ќе стане член на Black Eyed Peas. Додека биле во средно училиште, Адамс и Пинеда настапувале во клубови во источен Лос Анџелес и набрзо со уште тројца други членови ја основале рап-групата Atban Klann. Atban Klann го привлекла вниманието на раперот Eazy-E и во 1992 година тие потпишале со неговата издавачка куќа Ruthless Records.

Музичка кариера

уреди

1988-2000: Состави и Black Eyed Peas

уреди
 
will.i.am настапува со Black Eyed Peas во јуни 2009 година

Музичката кариера will.i.am ја започнал како осмоодделенец кога се запознал со раперот Алан Пинеда (познат како apl.de.ap) и со музичарот Данте Сантијаго.[6] Тие настапувале заедно низ Лос Анџелес и набрзо биле откриени од Eazy-E, кој им понудил договор со неговата издавачка куќа Ruthless Records во 1992 година. Во тоа време, Вил бил познат како „Will 1Х“. Триото почнало да снима албум, Grass Roots. Албумот никогаш не бил издаден поради смртта на Изи-Е во 1995 година. Потоа, тие го смениле името во Black Eyed Pods, а Вил го заменил Данте со Хаиме Гомез, познат под неговото уметничко име Taboo. Во 1997 година, тие повторно го смениле името, овој пат во Black Eyed Peas и со помош на соул-пејачката Ким Хил почнале да го снимаат нивниот прв албум, Behind the Front. Наскоро потпишале договор со Interscope Records и на почетокот од 1998 година го објавиле нивниот прв сингл „Joints & Jam“. Албумот бил доволно успешен за да им овозможи обновување на договорот со издавачката куќа, а во 2000 година го издале вториот албум, Bridging the Gap.

2001–2009: Почетоци на соло-кариера и успеси со Black Eyed Peas

уреди

Неговиот прв соло-албум, Lost Change, го издал во 2001 година, а подоцна ги издал албумите: Must B 21 (2003), Songs About Girls (2007) и #willpower (2013).

Во 2002 година на групата Black Eyed Peas ѝ се приклучила пејачката Ферги. Со Ферги како пејачка во групата се стекнала со светска слава. Пробивот на светската музичка сцена го имале со со албумот Elephunk (2003), кој ги содржеше хитовите „Where is the Love?“, „Shut Up“ и „Let’s Get It Started“, кој во 2005 година освоил Греми награда за најдобра рап-изведба од дуо или група, а исто така бил номиниран за запис на годината и за најдобра рап-песна.

Во 2005 година, Black Eyed Peas го издале албумот Monkey Business, кој исто така постигнал огромен успех. Хитовите „Don't Phunk with My Heart", „My Humps" и „Pump It" станале меѓународни хитови. За „Don't Phunk with My Heart" групата освоила уште едно Греми за најдобра рап-изведба од дуо или група. Вил го продуцирал првиот соло-албум на Ферги, The Dutchess, кој бил издаден во 2006 година, а потоа соработувал со Мајкл Џексон, кој го поканил Вил да го продуцира на неговиот нов албум. Работата на албумот на Џексон започнала во 2006 година и траела до смртта на Џексон во 2009 година, по што will.i.am рекол дека снимениот материјал во тој период нема да биде објавен. Сепак, ремиксите снимени за јубилејниот албум на Џексон Thriller 25 биле објавени во 2008 година.

 
will.i.am со Шерил Кроу и Херби Хенкок; на концерт по повод инаугурацијата на Барак Обама во Линколн Меморијал, 18 јануари 2009

Во 2008 година, бил вклучен на деби-албумот од раперот Фло Рајда, Mail on Sunday, каде што ја продуцирал и пеел на песната „In the Ayer“ и се нашол на петтиот албум од Ашер, Here I Stand. Во јануари 2008 година, will.i.am објавил дека е главен организатор на политичкиот албум „Change is Now: Renewing America's Promise“, како поддршка на претседателската кампања на Барак Обама. Првиот сингл од албумот, „Yes We Can“, во 2008 година освоил Еми награда за „Нов пристап во дневна забава“.[7] Во чест на инаугурацијата на Барак Обама за претседател, will.i.am соработувал со продуцентот Дејвид Фостер на четвртиот сингл од албумот, „American Song“, со вокали од Сил, Боно, Мери Џеј Блајџ и Фејт Хил. Како одговор на реакцијата на Обама по прекинувањето на говорот на Тејлор Свифт од страна на Кање Вест на MTV Видео музичките награди во 2009 година, will.i.am го напишал петтиот и последен сингл од албумот, „The Jackass Song“. Содржел примерок од „Heartless“ од Кање Вест.[8]

На 3 јуни 2009 година Black Eyed Peas го издале албумот The E.N.D. (The Energy Never Dies), кој го означил нивниот премин кон електронска музика.

2010–Денес: Нов состав на Black Eyed Peas, соработки и подоцнежни проекти

уреди
 
will.i.am во Лос Анџелес во 2010 година

Вил соработувал со Ријана за нејзиниот четврти студиски албум, Rated R, за песната под наслов „Photographs“. Во февруари 2010 година, тој го напишал и го продуцирал синглот „OMG“ од Ашер. Во видео на YouTube објавено од YGLifeOfficial на 15 март 2010 година, will.i.am изразил желба да соработува со корејската К-поп група 2NE1 и да им помогне да стекнат светска популарност.[9] Вил снимил соработка со Бритни Спирс, „Big Fat Bass“, која се наоѓа на нејзиниот седми студиски албум, Femme Fatale.[10]

За време на снимањето на шестиот студиски албум на Black Eyed Peas, The Beginning, Ферги во интервју рекла дека will.i.am снима на нов соло-албум, под работен наслов Black Einstein.[11] Во јануари 2010 година, исечок од албумот, „I'm In the House“, соработка со Стив Аоки, бил издаден како сингл. Во октомври 2010 година, бил објавен втор исечок од албумот, „Check It Out“, во соработка со раперката Ники Минаж, и во февруари 2011 година бил објавен третиот исечок од албумот, „Dance“, во соработка со Наталија Килс. Во април 2011 година, will.i.am снимил четири песни за саундтракот од анимираниот филм Рио, во кој тој го глумел ликот на Педро: „Hot Wings (I Wanna Party)“, „Drop It Low“, „Real In Rio“ и „Advice For The Young At Heart“, со низа уметници како Џејми Фокс, Ен Хатавеј и Tears for Fears. Ниту една од песните не се пробила на топ-листите, но Вил објавил дека ќе ги ремиксира песните и ќе ги вклучи на Black Einstein. Во септември 2011 година, четвртиот исечок од албумот, „"Forever“, соработка со Волфганг Гартнер, бил објавен како сингл. Will.i.am објавил дека го сменил насловот на албумот од Black Einstein во #willpower.[12] Видеото беше премиерно прикажано на 26 август 2011 година. Во ноември 2011 година, Вил премиерно го претставил официјалниот водечки сингл од албумот, „The (The Hardest Ever)“, соработка со Џенифер Лопез и Мик Џегер. Во декември 2011 година, петтиот дел од албумот, „Party Like Animal“, соработка со холандската пејачка Ева Симонс и LMFAO, бил премиерно прикажан на забавата на HTC Beats Launch. Will.i.am исто така објавил дека на албумот има соработки со Бритни Спирс, Алиша Кис, Баста Рајмс, Свиз Биц и уште неколку други музичари. Тој исто така изјавил дека постои можност Шакира да се појави на албумот. [13] #willpower требало да се појави во 2013 година, а will.i.am подоцна потврдил дека Шерил и Џастин Бибер исто така ќе се појават на #willpower.[14] Во средината на октомври, Бритни Спирс на нејзиниот Твитер профил потврдила дека го снимила спотот за синглот „Scream & Shout“.

Првата песна емитувана од Марс бил неговиот нов сингл, „Reach for the Stars“.[15]

Се појавил во деби-синглот од Пријанка Чопра „In My City“.[16] Во октомври 2012 година било објавено дека will.i.am ќе се појави на вториот албум од Кеша, Warrior, на песната „Crazy Kids“. Тој, исто така, бил коавтор и копродуцент на песната што ја продуцирал Dr Luke.

 
will.i.am присуствува на неговата забава по повод издавањето на албумот #willpower во Холивуд, Лос Анџелес, 2012 година

Неговиот четврти студиски албум, #willpower, бил реиздаден во декември 2013 година со неколку нови песни, вклучувајќи го и водечкиот сингл „Feelin' Myself“ со Мајли Сајрус, Френч Монтана и Виз Калифа.[17]

 
will.i.am во 2018 година

Во март 2020 година, will.i.am соработувал со група-музичари составени од Боно, Џенифер Хадсон и Јошики за песната „Sing For Life“.[18] Музичарите биле мотивирани од чувството на очај поврзано со пандемијата на КОВИД-19 и обидите на повеќе поединци да продолжат со креативни потфати додека се соочуваат со нови социјални ограничувања. Официјалниот опис на YouTube навел дека песната има за цел да шири „радост“ за време на искушенијата во „вакви времиња“.[19] Во 2023 година, ги објавил сингловите „The Formula“ (со Лил Вејн ) и четвртата заедничка песна со Бритни Спирс насловена „Mind Your Business“; двете песни биле критикувани од критичарите и не успеале да се пробијат на домашните или светските топ-листи.[20] [21]

Во февруари 2024 година, will.i.am се појавил како гостин на Ашер за време на концертот на полувремето на Супер Боул, изведувајќи ја песната „OMG“ [22]

Други потфати

уреди

Глума

уреди

The Black Eyed Peas, вклучувајќи го и will.i.am, првпат глумеле во пропагандната серија „Instant Def“ како реклама за Snickers.[23] Глумел во Мадагаскар: Бегство во Африка каде го позајмил гласот на нилскиот коњ Мото Мото. Исто така, во соработка со композиторот Ханс Цимер придонел со многу песни за саундтракот од филмот. Will.i.am го глумел Џон Рејт во неговото позначајно филмско деби, X-Men Origins: Wolverine. Тој, исто така, гостувал во драмата на CBS, Џоан од Аркадија како Бог, еден од неколкуте глумци кои ја играле оваа улога за време на серијата. Глумел во анимираниот филм Рио од 2011 година и Рио 2 од 2014 година, како птицата што рапува, Педро. Се појавил во документарниот филм номиниран за Греми во 2016 година за американскиот диџеј и продуцент Стив Аоки, под наслов Ќе спијам кога ќе бидам мртов (англ. I'll Sleep When I'm Dead).[24]

Гласот на Велика Британија и Австралија

уреди

Will.i.am се здобил сопризнание како судија и тренер во музички натпреварувачки емисии. Од 2012 година,[25] тој бил тренер во британската верзија на шоуто The Voice, како и во неговата детска верзија The Voice Kids(2017-2023).[26] Неговото менторство помогнало на многу талентирани пејачи да се издигнат во музичката индустрија.

На 26 ноември 2013 година, will.i.am бил најавен како тренер за австралиската верзија на The Voice заедно со колешката Кајли Миног.

Технологија и претприемништво

уреди

Појавувајќи се на почетокот на настанот за FIRST натпревар за роботика во 2011 година одржан на Универзитетот во Јужен Њу Хемпшир,[27] will.i.am изјави дека тој е „голем обожавател“ на технологијата. На Светското првенство на FIRST во 2013, will.i.am станал првиот добитник на наградата Make It Loud, која се доделува на личност која најмногу придонела во зголемувањето на свеста за FIRST.[28]

Во јануари 2011 година, Intel го именувала will.i.am за директор за креативни иновации, со придонес во развојот на паметни телефони, таблети и лаптопи.[29] Во јануари 2012 година, тој се појави во ТВ серијата Top Gear на BBC, каде што тврдел дека основал своја автомобилска компанија наречена IAMAUTO.[30]

Со тоа што станал прв изведувач кој стримувал песна („Reaching for the Stars“) од површината на Марс на 28 август 2012 година, will.i.am влегол меѓупланетарната музичка историја. Настанот се одржал во лабораторијата за реактивен погон на НАСА (JPL) во Пасадена, Калифорнија.[31]

Проширувајќи ги своите обиди за развој на додатоци за iPhone, will.i.am ги објавил намерите да лансира на пазарот на подобрувач на камерата за „драматично да ја подобри јасноста и дефиницијата на фотографиите на iPhone“, со ефективно претворање на сензорот од 8 мегапиксели во сензор од 14 мегапиксели. Наречен i.am+, уредот се смета дека е прв во серијата „дигитални недвижности“ од пејачот. [32]

3D Systems го назначиле will.i.am за нивен главен креативен директор (CCO) на 8 јануари 2014 година.[33] [34]

Откако се повлекол од музиката (кое не траело долго), тој од крајот на 2015 година помагал во дизајнирањето на паметни часовници за германската компанија Дојче Телеком.[35][36][37]

Во 2016 година, The Verge објавил дека will.i.am, заедно со глумицата Гвинет Палтроу и серискиот претприемач Гери Вајнерчук ќе започнат серија на Apple TV под наслов Планета на апликациите (англ. Planet of the Apps).[38] Серијата добила мешани кон негативни критики.

На 27 јули 2017 година, i.am ја купил Wink, платформа за паметен дом, од Flextronics за пријавени 38,7 милиони долари со дополнителни обврски од 20 милиони долари, најверојатно наменети за одржување на производството на производите на Винк.[39]

Will.i.am се насочил на оптимизирање на инклузивноста на вештачката интелигенција. На 7 јуни 2024 година, одржал говор во Стата центарот на Технолошкиот институт во Масачусетс (МИТ).[40] Тој е извршен директор на компанијата Focus Your Ideas.

Личен живот

уреди

Во декември 2010 година, will.i.am открил дека како резултат на неговата кариера почнал да страда од тинитус.[41] Во април 2013 година, открил дека има АДХД.[42] Станал веган на почетокот од 2017 година.[43]

Во мај 2023 година, will.i.am се запишал на бизнис школата Харвард во рамките на нивната програма за управување со сопственици/претседател, а во април 2024 година дипломирал.[44][45] [46] [47]

Дискографија

уреди
Студиски албуми
  • Lost Change (2001)
  • Must B 21 (2003)
  • Songs About Girls (2007)
  • #willpower (2013)

Наводи

уреди
  1. ↑ „Will.i.am Songs, Albums, Reviews, Bio & More“. AllMusic.
  2. ↑ „Review: Will.i.am, #willpower“. Slant Magazine. April 23, 2013.
  3. ↑ 3,0 3,1 McLean, Craig (May 30, 2009). „Force of Will“. The New Zealand Herald. Посетено на February 25, 2013. Aged 25, when a passport application resulted in him seeing his full birth certificate for the first time, he found out that his real, full name was William James Adams Jr. He was named after his Jamaican father he never known [sic], and whom no one in his family ever discussed.
  4. ↑ 'will.i.am's Aha!
  5. ↑ Грешка во наводот: Погрешна ознака <ref>; нема зададено текст за наводите по име ABC 2023-01-13.
  6. ↑ Andy Kellman. „The Black Eyed Peas“. AllMusic. Посетено на 2019-11-23.
  7. ↑ „will.i.am's Yes We Can Song Video Awarded Emmy(R) for New Approaches in Daytime Entertainment“. Reuters. 2008-06-16. Архивирано од изворникот на December 16, 2008. Посетено на January 25, 2010.
  8. ↑ „"The Jackass Song" uploaded by will.i.am“. Dipdive.com. Архивирано од изворникот на October 27, 2010. Посетено на 2010-11-12.
  9. ↑ will.i.am (August 31, 2010). „Will.I.AM talks to 2NE1“. YouTube. Архивирано од изворникот на 2021-12-13. Посетено на 2010-11-12.
  10. ↑ „BRITNEY TWEETS FROM STUDIO WITH WILL.I.AM“. BritneySpears.com. 2011-02-08.
  11. ↑ Navjosh (May 24, 2011). „Will.i.am To Release New Solo Album 'Black Einstein'. On October 24, 2011, songs were leaked through the internet after a presentation in club hosted by HTC. One of these songs is called "T.H.E (The Hardest Ever)" with vocals by Jennifer Lopez and Mick Jagger“. Hip Hop N More. Посетено на 2011-09-21.
  12. ↑ „Will.I.Am tweet about his new song "The Hardest Ever (T.H.E.)"“. Twitter. 2011-10-12.
  13. ↑ Corner, Lewis (January 30, 2012). „will.i.am teams with Britney Spears, Alicia Keys for new album“. Digital Spy. Посетено на 2012-03-30.
  14. ↑ Mark Savage (2012-02-22). „Cheryl Cole and Justin Bieber join will.i.am album“. BBC News.
  15. ↑ mars.nasa.gov. „Curiosity Rover Plays First Song Transmitted From Another Planet“. mars.jpl.nasa.gov. Посетено на 2016-02-07.
  16. ↑ Празен навод (help)
  17. ↑ „will.i.am : "Feeling Myself" feat. Miley Cyrus, Wiz Khalifa et French Montana en יcoute“. Chartsinfrance.net. 2013-04-21. Посетено на January 13, 2014.
  18. ↑ Празен навод (help)
  19. ↑ „Will.i.am releases new version of Bono's coronavirus song | Complete Music Update“. Посетено на 2020-04-30.
  20. ↑ „Will.i.am and Britney Spears Release New Song Collaboration 'Mind Your Business' | Entertainment Tonight“. July 20, 2023.
  21. ↑ „Britney Spears and Will.i.am Drop New Song 'Mind Your Business'“. July 21, 2023.
  22. ↑ „Usher's 2024 Super Bowl Halftime Show Special Guests: See Alicia Keys, Ludacris and More“. Peoplemag (англиски). Посетено на 2024-02-13.
  23. ↑ „First episode of Instant Def“. YouTube. 2010-03-15. Архивирано од изворникот на September 19, 2018. Посетено на 2010-11-12.
  24. ↑ „Steve Aoki 'I'll Sleep When I'm Dead' Documentary Hits Netflix“. The Nocturnal Times (англиски). August 24, 2016. Посетено на 2017-07-27.
  25. ↑ Deepika Rajani. „Will's awkward mistake on The Voice“. OK! Magazine. Архивирано од изворникот на March 21, 2016. Посетено на April 10, 2016.
  26. ↑ „Hooray, our Voice Kids 2017 coaches are confirmed!“. Архивирано од изворникот 2016-11-16. Посетено на 2016-11-15.
  27. ↑ „LOGO MOTION Game Revealed by Dean Kamen and will.i.am to 50,000 High-School Students at 2011 FIRST Robotics Competition Kickoff“. Manchester, New Hampshire: BusinessWire. January 8, 2010. Посетено на January 8, 2010.
  28. ↑ „2013 FRC Championship Awards List“. FIRST Robotics Competition. Архивирано од изворникот на May 5, 2013. Посетено на June 2, 2013.
  29. ↑ Olivarez-Giles, Nathan (January 25, 2011). „Will.i.am named Intel's director of creative innovation“. Los Angeles Times. Посетено на May 6, 2012.
  30. ↑ Evans, Sean (August 30, 2016). „Will.I.Am Ruins Another Perfectly Fine Car“. The Drive. Посетено на December 30, 2019.
  31. ↑ Moskowitz, Clara (August 28, 2012). „Mars Rover Belts Out Will.i.am Song From Red Planet in Cosmic First“. Space.com. Посетено на December 30, 2019.
  32. ↑ Dehn, Georgia (November 21, 2012). „Will.i.am's iPhone accessories to 'turn smartphones into genius phones'“. The Daily Telegraph. Архивирано од изворникот на January 11, 2022. Посетено на March 29, 2017.
  33. ↑ „3D Systems Appoints will.i.am as Its Chief Creative Officer“. 3DSystems. 2014-01-08. Архивирано од изворникот на 2016-09-27. Посетено на 2016-04-12.
  34. ↑ Petch, Michael (December 2, 2019). „The hype and rise of 3D printing and Avi Reichental“. 3DPrintingIndustry.com. Посетено на December 17, 2019.
  35. ↑ Preuschat, Archibald (February 22, 2016). „Deutsche Telekom Teams Up With will.i.am on New Smartwatch“. The Wall Street Journal. Посетено на April 10, 2016.
  36. ↑ Morby, Alice (February 23, 2016). „Will.i.am's second wearable is a voice-activated smartwatch“. Dezeen. Посетено на April 10, 2016.
  37. ↑ Празен навод (help)
  38. ↑ Kastrenakes, Jacob (August 4, 2016). „Apple's Planet of the Apps show will feature Will.i.am and Gwyneth Paltrow“. The Verge. Посетено на March 9, 2017.
  39. ↑ Lunden, Ingrid (July 27, 2017). „i.am+ buys Wink, the smart home hub formerly owned by Flex and Quirky“. TechCrunch. Посетено на August 3, 2017.
  40. ↑ „Will.i.am Is Looking to Make AI Technology More Inclusive“. Miami New Times. May 8, 2024.
  41. ↑ Kaufman, Gil (2010-12-07). „Will.I.Am Reveals He Has Tinnitus, Ringing In The Ears“. MTV. Архивирано од изворникот на January 19, 2011. Посетено на 2011-02-22.
  42. ↑ „Black Eyed Peas | Will.i.am Has Adhd | Contactmusic.com“. contactmusic.com. April 28, 2013. Посетено на 2016-02-07.
  43. ↑ Huntman, Ruth (16 February 2020). „Sunday with will.i.am: 'I go to the mall to look at tech'“. The Guardian. Посетено на 16 September 2020.
  44. ↑ Diane Brady (May 8, 2023). „Will.i.am On F1, AI, Harvard And The Future Of The Black-Eyed Peas“. Forbes. Посетено на September 5, 2024.
  45. ↑ Ngozi Nwanji (February 23, 2024). „Will.i.am Says He Is Set To Graduate From Harvard Business School — 'This Will Be My First Time Walking The Stage'“. AfroTech. Посетено на September 5, 2024.
  46. ↑ „Will.i.am Speaks On Becoming A Proud Graduate Of Harvard Business School“. TMZ. April 17, 2024. Посетено на September 5, 2024.
  47. ↑ Kemet High (April 2024). „Will.i.am is now a proud graduate of Harvard Business School“. Revolt.TV. Посетено на September 5, 2024.

Надворешни врски

уреди
  • Will.i.am's channel on YouTube
  • Will.i.am at Beatbuggy
Преземено од „https://mk.wikipedia.org/w/index.php?title=Will.i.am&oldid=5282366“