Википедија

Сил (музичар)

британски музичар

Сил Хенри Олусеџун Олумид Адиола Семјуел[2][3] (англ. Seal Henry Olusegun Olumide Adeola Samuel; роден на 19 февруари 1963 година), естрадно познат како Сил ― британски пејач и музичар.[4] Негови најпознати песни се Killer, Crazy и Kiss from a Rose, а во светски рамки продал над 20 милиони плочи.[5]

Сил
Сил во Сиднеј, 2012
Роден(а)Сил Хенри Олусеџун Олумид Адиола Семјуел
19 февруари 1963(1963-02-19) (61 г.)
Падингтон, Лондон, Англија
Занимање
  • Музичар
  • пејач
  • текстописец
  • музички продуцент
Активен период1987–денес

Музичка кариера
Жанрови
Издавачи
СопружникХајди Клум (в. 2005; раз. 2014)
Деца4
Страница
seal.com

Сил добил три Британски музички награди; во 1992 година ја добил наградата „Британски пејач на годината“. Исто така, освоил четири Греми награди и MTV видеонаграда.[6][7] Како текстописец, Сил добил две награди „Ајвор Новело“ за песните „Killer“ (1990) и „Crazy“ (1991).[8]

Живот и кариера

уреди

Сил бил роден на 19 февруари 1963 година во Лондон.[2][9] Неговата мајка е Нигеријка, а татко му од Бразил.[4][10][11] Првите години од животот ги поминал како посвоено дете во семејство од Вестминстер, Лондон. На петгодишна возраст, мајка му го вратила во семејството. Неговиот обид да се занимава со музика не бил прифатен од неговиот татко и бил пречекан со физичко насилство. На 15 години побегнал од дома. Завршил средно образование и почнал да студира архитектура. По дипломирањето, тој работел најразлични работи додека се трудел да ја продолжи музичката кариера.[12]

Во 1980-тите, Сил пеел во месни клубови и барови. Во 1987 година се приклучил на Push, британска фанк-група, и со нив бил на турнеја во Јапонија. Ја напуштил групата и сам патувал низ Индија. По враќањето во Лондон во 1989 година, тој работел како студиски пејач и заедно со музичарот и продуцент Адамски ја снимил песната Killer.[12]

Песната „Killer“ била објавена пролетта 1990 година и се искачила на прво место на топ-листата во Обединетото Кралство.[13] Потоа Сил потпишал договор со ZTT Records и во 1991 година го издал неговиот прв албум.

Албумот Seal бил позитивно прифатен од критичарите. Сингловите „Crazy“, „Future Love Paradise“ и неговата сопствена изведба на „Killer“ добро котирале на топ листите. Песната „Crazy“ станала светски хит во 1991 година, искачувајќи се на второ место на топ-листата за синглови во Обединетото Кралство и на седмо место на Billboard Hot 100 во САД.[13][14] На Британските музички награди во 1992 година, Сил станал прв изведувач кој во една вечер добил три награди во целокупната историја на наградите.[15] Тој победил во три категории: Најдобар британски пејач, Најдобро британско видео (за „Killer“) и најдобар британски албум (Seal ).[15]

Во 1994 година Сил го објавил неговиот втор албум кој повторно се викал Seal. Албумот бил успешен, ги содржел сингловите „Prayer for the Dying“ и „Newborn Friend“, а подоцна добил номинација за Греми за албум на годината. Третиот сингл, „Kiss from a Rose“, бил објавен со музичко видео во средината на 1994 година, но стекнал многу поширока популарност откако следната година бил ремиксиран за саундтракот од Бетмен засекогаш. Во 1996 година „Kiss from a Rose“ освоила Греми награда за „Запис на годината“ и „Греми награда за песна на годината“.[13] [14]

Во 1998 година, Сил го издал албумот Human Being. Потоа следеле: албумот Seal IV (2003), албумот со најголеми хитови Best 1991–2004 (2004) и албумот во живо One Night to Remember (2006)

 
Сил на настап во 2008 година

Албумот System бил објавен на 12 ноември 2007 година.[16] На песната насловена „Wedding Day“, Сил пее дует со неговата тогашна сопруга, манекенката Хајди Клум. Првиот сингл од албумот, „Amazing“, бил издаден на 25 септември 2007 година и бил номиниран за Греми за „Најдобра машка поп вокална изведба“ на доделувањето на Греми наградите во 2007 година. [17]

Шестиот студиски албум на Сил, Soul, бил издаден на 3 ноември 2008 година и содржел 11 соул-класици продуцирани од Дејвид Фостер.[18] Прв сингл од албумот бил преработката на песната од Сем Кук, „A Change Is Gonna Come“.

 
Сил во 2011 година

Седмиот студиски албум од Сил, Seal 6: Commitment бил издаден на 20 септември 2010 година. За овој албум се смета дека е инспириран од неговата сопруга Хајди.[19] На 7 ноември 2011 година, Сил го издал неговиот втор албум со преработени класични соул-песни, Soul 2.

Во октомври 2011 година, Сил бил жестоко критикуван од групите за човекови права поради тоа што настапил на концерт во Грозни, Чеченија, кој се испоставило дека всушност е роденденска забава на чеченскиот претседател Рамзан Кадиров. На настанот се појавиле и глумицата Хилари Свонк, глумецот Жан-Клод ван Дам и виолинистката Ванеса-Меј.

Сил одбил да се извини затоа што учествувал на настанот, и преку неговиот Твитер профил им порачал да не го мешаат во нивната политика.[20] Било објавено дека Сил заработил 500 000 американски долари за пеењето на забавата.[21]

Во 2012 година, Сил бил еден од четворицата тренери по пеење во првата сезона од австралиската верзија на натпреварот во пеење, The Voice. Бил тренер и во 2013 година, а по тригодишна пауза се вратил во 2017 година, заменувајќи ја Џеси Џеј.

На 6 ноември 2015 година, Сил го издал албумот под наслов 7. Во ноември 2017 година го издал албумот Standards. Во 2018 година албумот бил номиниран за Греми за „Најдобар традиционален поп вокален албум“.

Сил најавил турнеја низ Северна Америка за 2023 година со Тревор Хорн како музички директор. [22] Тој дигитално ја издал песната „Kiss from a Rose (2023)“ на 12 февруари 2023 година.

Личен живот

уреди

Истакнатата лузна на лицето на Сил е резултат на еден вид лупус наречен дискоиден лупус еритематозус, кој ја напаѓа кожата и остава големи лузни.[23][24][25][26]

Сил стапил во врска со германската манекенка Хајди Клум во февруари 2004 година;[27] претходно таа објавила дека е бремена од нејзината врска со италијанскиот тим-менаџер во Формула 1, Флавио Бријаторе, но и дека раскинале. Сил и Клум се венчале во 2005 година на плажа во Мексико, во близина на куќата на Сил на Коста Кериес.[28] Во ноември 2009 година, Клум официјално го прифатила презимето на Сил и законски станала позната како Хајди Семјуел.[29]

Клум родила ќерка од Бријаторе во мај 2004 година во Њујорк[30] со Сил покрај неа. Според Клум, Бријаторе не е вклучен во татковските должности, а Клум категорично изјавила дека Сил е татко на Лени.[31] [32] Кон крајот на 2009 година, Сил официјално ја посвоил ќерката од Клум, а нејзиното презиме било сменето во Семјуел.[33] Сил и Клум имаат уште три деца: два сина Хенри Гинтер Адемола Дашту Самуел (роден септември 2005 година) и Јохан Рајли Фјодор Таиво Самуел (роден во ноември 2006 година); и ќерка Лу, родена во октомври 2009 година.[34][35][36]

На 22 јануари 2012 година, Сил и Клум објавиле дека се разделуваат по речиси седум години брак.[37] [38] Клум поднела барање за развод од Сил на 6 април 2012 година. [39] Нивниот развод бил финализиран на 14 октомври 2014 година. [40]

Дискографија

уреди

Студиски албуми

  • Seal (1991)
  • Seal ("Seal II") (1994)
  • Human Being (1998)
  • Seal IV (2003)
  • System (2007)
  • Soul (2008)
  • Seal 6: Commitment (2010)
  • Soul 2 (2011)
  • 7 (2015)
  • Standards (2017)

Наводи

уреди
  1. ↑ Грешка во наводот: Погрешна ознака <ref>; нема зададено текст за наводите по име AllMusic.
  2. ↑ 2,0 2,1 „pounds 10m SEAL'S MUM LIVING IN SQUALOR. – Free Online Library“. thefreelibrary.com.
  3. ↑ Anderson, Charlie (April 2007). „Ongoing Management Commission gets Seal of Approval : Wadlow v Samuel“. MusicLawUpdates.com. Архивирано од изворникот на 26 July 2014. Посетено на 15 January 2016.
  4. ↑ 4,0 4,1 Batey, Angus (16 September 2010). „Seal: The reluctant pop star“. The Guardian. London. Посетено на 25 November 2012.
  5. ↑ „Acclaimed Singer And Songwriter Seal Returns With Second Set Of Soul Classics, Soul 2, Due for Release in the US on January 31st, 2012, From Warner Bros. Records; The First Single, "Let's Stay Together," Impacts Radio Today“. Reprise Records. Yahoo!. 24 October 2011. Посетено на 30 October 2011.
  6. ↑ „History“. Brit Awards. 16 October 2015. Архивирано од изворникот на 10 April 2020. Посетено на 15 January 2016.
  7. ↑ „Winners“. National Academy of Recording Arts and Sciences. Посетено на 15 January 2016.
  8. ↑ Lister, David (27 May 1994). „Pop ballads bite back in lyrical fashion: David Lister charts a sea change away from rap towards memorable melodies“. The Independent. Посетено на 9 February 2023.
  9. ↑ „Seal“. Biography.com. Посетено на 19 February 2019.
  10. ↑ Morse, Steve (9 July 2003). „Seal chooses idealism, optimism on new CD“. The Boston Globe. Посетено на 12 March 2011.
  11. ↑ „Seal... still a part of him that wants to give“. Askmen.com. Архивирано од изворникот на 11 March 2008. Посетено на 26 April 2011.
  12. ↑ 12,0 12,1 „Seal |“. VH1. Архивирано од изворникот на 26 February 2012. Посетено на 15 January 2016.
  13. ↑ 13,0 13,1 13,2 Roberts, David (2006).
  14. ↑ 14,0 14,1 Празен навод (help)
  15. ↑ 15,0 15,1 „History“. Brit Awards. 16 October 2015. Архивирано од изворникот на 2012-11-14. Посетено на 15 January 2016.
  16. ↑ Joseph, Mike (13 November 2007), „Seal – System“, PopMatters, Архивирано од изворникот на 25 July 2008, Посетено на 24 November 2007
  17. ↑ „Grammy Awards“. Grammy.com. Посетено на 9 July 2021.
  18. ↑ „Soul“. Архивирано од изворникот на 11 October 2008. Посетено на 15 January 2016.
  19. ↑ „Showbiz – News – Heidi Klum: 'I'm lucky to have Seal'“. Digital Spy. 29 September 2010. Посетено на 26 April 2011.
  20. ↑ „Hilary Swank apologizes – Pleads ignorance; but will she keep the Chechen warlord's money?“. Human Rights Foundation. Архивирано од изворникот на 17 October 2011.
  21. ↑ Blackwell, Tom (24 October 2011). „Hilary Swank cancels Toronto speech amid controversy over Ramzan Kadyrov birthday appearance“. National Post. Посетено на 31 October 2011.
  22. ↑ „Seal Announces Spring 30th Anniversary North American Tour - Stereoboard“.
  23. ↑ O'Reilly, Finbarr (19 November 1998). „Seal's new album is soul pop without the soul“. NewsBank. Chicago, Illinois, USA. стр. 43. Архивирано од изворникот на 16 July 2012. Посетено на 12 March 2011.
  24. ↑ Celebrities Who Have Overcome Obstacles, Jet. Johnson Publishing Company. 10 June 1996. Посетено на 26 April 2011.
  25. ↑ Hussey-Whyte, Donna (12 November 2007). „Beyond beauty“. The Jamaica Observer. Kingston, Jamaica. Архивирано од изворникот на 28 June 2011. Посетено на 12 March 2011.
  26. ↑ „What I see in the mirror: Seal“. The Guardian. London. 11 November 2011.
  27. ↑ „Heidi Klum: Seal and I Have Not Married“. People. 25 March 2005.
  28. ↑ „Heidi Klum and Seal Marry in Mexico“. People. 10 May 2005. Посетено на 26 October 2019.
  29. ↑ Lee, Ken (20 November 2009). „Heidi Klum Officially Takes Seal's Last Name“. People. Посетено на 26 October 2019. A rep for Klum did not comment when asked if [she] intends to be known professionally as Heidi Samuel from now on.
  30. ↑ KC Baker; Stephen M. Silverman (5 May 2004). „Klum, Dixie Chick Welcome 3 Baby Girls“. People. Посетено на 26 April 2011.
  31. ↑ William Keck (3 December 2007). „Celeb Watch: Heidi Klum relishes her model family life“. USA Today. Посетено на 4 December 2007.
  32. ↑ „Heidi Klum gives birth“. Deutsche Presse-Agentur. 14 September 2005.
  33. ↑ „Seal Opens Up About Decision to Adopt Leni“. People. Архивирано од изворникот на 8 March 2010. Посетено на 26 April 2011.
  34. ↑ „Klum Names Son After Her Dad and Seal“. 14 September 2005. Посетено на 26 October 2019.
  35. ↑ Stephen M. Silverman (23 November 2006). „Heidi Klum and Seal Have a Boy“. People. Архивирано од изворникот на 29 August 2007. Посетено на 26 October 2019.
  36. ↑ „Heidi Klum and Seal Welcome Daughter Lou Sulola“. People. Архивирано од изворникот на 15 October 2009. Посетено на 12 October 2009.
  37. ↑ Bartolomeo, Joel (22 January 2012). „Seal and Heidi Klum Confirm Separation“. People. Посетено на 26 October 2019.
  38. ↑ „Supermodel Heidi Klum, pop star Seal separate“. CNN. 23 January 2012. Посетено на 23 January 2012.
  39. ↑ „Heidi Klum Files for Divorce from Seal“. People. Посетено на 11 January 2018.
  40. ↑ „Heidi Klum, Seal's Divorce Is Finalized Two Years After Split“. Us Weekly. 15 October 2014. Посетено на 11 January 2018.

Надворешни врски

уреди
Преземено од „https://mk.wikipedia.org/w/index.php?title=Сил_(музичар)&oldid=5249218“