Фридебург

За други истоимени места, погледајте Фридебург (појаснување).

Фридебург (германски: Friedeburg; долногермански: Freeborg) — општина во округот Витмунд, во сојузната покраина Долна Саксонија, Германија. Се наоѓа околу 14 километри југоисточно од окружниот град Витмунд и 20 километри западно од слободниот град Вилхелмсхафен.

Фридебург
Општинското собрание Општинското собрание
Фридебург
Управа
Земја	Германија
Покраина	Долна Саксонија
Округ	Витмунд
Месни единици	12
Градоначалник	Хелфрид Гец (независен)
Основни податоци
Површина	164 км2
Надм. височина	3 м
Население	10.238 (31 декември 2020)
- Густина	62 жит/км2
Други информации
Часовен појас	CET/CEST (UTC+1/+2)
Рег. табл.	WTM
Пошт. бр.	26446
Повик. бр.	0 44 65
Портал	www.friedeburg.de
Местоположба на Фридебург во рамките на округот Витмунд
Карта
Координати	53°27′0″N 7°50′0″E

Географија

Местоположба

Фридебург е најјужната општина во округот Витмунд и истовремено најисточна во областа Источна Фризија. Со 164 квадратни километри, таа е втора најголема општина по градот Витмунд и трета најголема општина во Источна Фризија по Витмунд и Аурих.

Најблизок голем град е Олденбург, околу 43 километри југоисточно.

Соседни општини

Фридебург се граничи со окрузите Аурих и Лер, како и со округот Фризија. На многу мал дел на североисток општината се граничи со градот Јефер. Потоа, надесно, се граничи со градот Шортенс и општините Занде и Цетел. Јужно од општината се наоѓа општината Упленген во округот Лер. На запад се граничи со градовите Висмор (југозапад), како и со делот Брокцетел во градот Аурих (северозапад) во округот Аурих. Северно од Фридебург се наоѓа окружниот град Витмунд. Така, општината се граничи со три окружни градови и уште два други града како соседи.

Општински единици

Во мај 1972 година, општините Абикхафе, Дозе, Хоееше и Репсхолт биле припоени кон општината Репсхолт. На 16 август 1972 година, овие биле споени со општините Фридебург, Бентстрек, Ецел, Хезел, Хорстен, Маркс, Визеде и Визедермер.

Други имоти и помали места се: Хоејолс, Морстрих, Клајн-Хорстен, Хајдендом, Барге, Упшерт, Примелсфен, Хезелерфелд, како и Америка и Русланд.

Галерија

• 
  Црквата во Маркс
• 
  Фабрика за алхохол
• 
  Ветерница Хорстен
• 
  Гостилница во Фридебург
• 
  Црквата во Репсхолт

Надворешни врски

• Фридебург на Ризницата ^?