Три дена во септември (филм)
Три дена во септември (англиски: Three days in September) — македонски филм од 2015 година, во режија на Даријан Пејовски. Филмот е снимен во продукција на „Skopje Film Studio“ и „Ikone Studio“, а бил финансиран од Агенцијата за филм на Република Македонија и Кинематографскиот центар на Косово (Kosovo Cinematography Center).[1]
Содржина уреди
Две сосема различни жени, едната проститутка, а другата притаен одмаздник, по силата на судбината влегуваат во сојуз и меѓусебно си помагаат во расчистувањето на нивното темно минато. Имено, Марика (ја игра Тоциновски) убива човек во самоодбрана и, бегајќи од законот, влетува во еден воз каде ја среќава Јана (ја игра Ристиќ) - тивка жена во доцните триесетти години, која патува во својата викендичка во планините. Марика ја користи приликата и се засолнува во викедницата на Јана, но влетува во неочекувана и опасна авантура...[1]
Факти за филмот уреди
- главни улоги: Камка Тоциновски, Ирена Ристиќ, Адем Карага, Милица Стојанова, Салаетин Билал, Катерина Коцевска, Кирил Коруновски, Александар Микиќ, Мукерем Билал.
- продуцент: Томи Салковски,
- сценарио: Даријан Пејовски и Игор Иванов,
- музика: Александар Пејовски,
- костимографија: Емилија Ивановска Атанасовска,
- шминка: Симона Ристевска,
- монтажа: Владимир Павловски,
- звук: Игор Поповски,
- директор на фотографијата: Димо Попов.