Стара Милја
Стара Милја (грчки: Παλιά Μηλιά) — село во Гребенско, Егејска Македонија, денес Грција. Од пописот во 1981 година жители жителите на селото се регистрирани во новоформираното село Милја.[2]
| Стара Милја Παλιά Μηλιά | |
|---|---|
  | |
| Координати: 40°10′N 21°29′E / 40.167° СГШ; 21.483° ИГД | |
| Земја | Грција |
| Област | Западна Македонија |
| Округ | Гребен |
| Општина | Гребен |
| Најм. вис. | 550 м |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото се наоѓа североисточно од градот Гребен, околу 3 километри северозападно од Добратово (Ватолакос). Современото село Милја е изградено во средината на 1960-те години на 1,5 километар на север од селото.
Историја
уредиЗа време на Османлиското Царство
уредиКон крајот на ХІХ век Милја е грчко христијанско-муслиманско село во северниот дел на Гребенската Каза на Османлиското Царство. Според грчкиот конзулат во Еласона во 1904 година во Милја имало 150 Грци христијани и 100 валахиди (грчки муслимани).[3]
Во Грција
уредиЗа време на Првата балканска војна во 1912 година во селото влегуваат грчки трупи и за време на Втората балканска војна во 1913 година Милја станува дел на Кралството Грција.
Во 1963-1964 година со цел да се избегна честите појави на свлечишта, жителите се иселени на 1,5 километар на север во новооснованото село Милеја. Оттогаш старото село се нарекува Стара Милја (Παλιά Μηλιά, Палија Милја). Во него е сочувана црквата „Св. Димитриј“ од 1900 година.[4]
Демографија
уредиВо средината на 1920-те години муслиманскиот дел од селото е иселен во Турција согласно Лозанскиот договор и на негово место се доселени Грци, бегалци од Турција. Во 1928 година регистрирани се 11 семејства со 36 жители од бегалците.[5]
Пописи
уредиДвижењето на населениото по години е следното[6]:
- 1913 - 269 жители
- 1920 - 190 жители
- 1928 - 242 жители
- 1940 - 351 жител
- 1951 - не се регистрирани жители
- 1961 - не се регистрирани жители
- 1971 - 15 жители
- од 1981 - во состав на Милја
Стопанство
уредиНаселението во селото произведува жито, тутун и други земјоделски производи, а делумно се занимава и со сточарство.
Наводи
уреди- ↑ „Попис на населението од 2011 г. Трајно население“. Државен завод за статистика на Грција.
- ↑ Симовски, Тодор (1998). Населените места во Егејска Македонија. 1. Скопје. стр. 123.
- ↑ Σπανός, Κώςτας. "Η απογραφή του Σαντζακίου των Σερβίων", in: "Ελιμειακά", 2001, 48-49.
- ↑ Κωνσταντίνου, Μητσάκη. „Μαστοροχώρια Γρεβενών – 1ο μέρος - Ανατολικά Μαστοροχώρια“ (PDF). BikeIt.gr.[мртва врска]
- ↑ „Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928“. Архивирано од изворникот 20 јуни 2012. Посетено на 20 јуни 2012.
- ↑ Симовски, Тодор (1998). Населените места во Егејска Македонија. 1. Скопје. стр. 123.