Петар Ангелов

Петар Ангелов (8 март 1977, Кавадарци), познат под прекарот Диви, ― македонски ракометар, кој игра на позицијата голман. Тој го носи прекарот „Диви“ поради неговата способност да направи добра атмосфера, како на теренот така и на трибините, особено при неговите одбрани.

Петар Ангелов

Лични податоци
Име и презиме	Петар Ангелов
Роден(а)	8 март 1977(1977-03-08) Кавадарци, СР Македонија, СФРЈ
Спорт	Ракомет
Висина	188
Тежина	103 кг
Позиција	Голман
Клупски податоци
Тековен клуб	Кремс
Број	26
Сениорски клубови
1997–2000 2000–2005 2005–2009 2009–2010 2010–2013 2013–2017 2017–2018 2018–	Кавадарци Пелистер Трембле Вардар ПРО Металург Вардар Анталијаспор Кремс
Репрезентација 1
2002–2016	Македонија	138 (7)
1 Податоците за репрезентативни настапи и постигнати голови важат за 29 јануари 2012

Животопис

Петар Ангелов е оженет и е татко на три деца.

Кариера

Во својата плодна кариера, Ангелов има играно во македонските ракометни клубови Кавадарци, Металург, Пелистер и Вардар, како и во францускиот Трембле.

Особено блескави настапи, Ангелов остварил во дресот на „Вардар“, каде дошол во 2013 година. Така, во Лигата на шампионите, во сезоната 2013-2014, во осминафиналниот натпревар против „Хамбург“, како и во четвртфиналниот натпревар против „Флензбург“, Ангелов имал голем придонес во победите на „Вардар“. Во декември 2014 година, тој го продолжил договорот со „Вардар“ на уште две години, до јуни 2017 година.

На почетокот на 2018 година, тој потпишал за австрискиот клуб Кремс.

Репрезентативна кариера

Ангелов бил стандарден македонски репрезентативец во периодот од 2002–2016 година, и бил дел од составот на македонската репрезентација на Светското првенство 2009 како и на Европските првенства одржани во 2012 и 2014 година. Ангелов исто така бил дел од македонскиот состав на Светското првенство 2015.